AMOS 7:4 - Alkitab Singog In Mongondow Masa In Tanaa

⁴ Akuoi in bui nokoontong kon tobatú oontongon nongkon i Tuhan Inta Totok in moḷantud. Inontongku in Sia koyogot in mosadia mohukum kon umat-Nea pongin tuḷú. Tuḷú tatua in ḷumekep kon bayongan in baḷangon kon ḻimonag in butá bo momangkoidon momokak kon gobá in tudunea.

AMOS 7:4 ပူးပေါင်းရင်းမြစ်များ

YESAYA 27:4

Diá bidon in porasaan-Ku tumorú. Aka kuma bo oyúon in bonok andeka bo bonganga, yo putúan-Kubí intua, bo momokak kon tua komintan.

YEREMIA 4:4

Kadaiai in dandimu kon i-Nakó, Tuhanmu, bo awakmu in tongádon ogoi kon i-Nakó, ei intau mita in Yohuda bo Yerusalem. Aka diá, yo torú-Ku in tumagabdon bo momokak naonda bo tuḷú inta diábí kopiongan i inekabí. Tua komintan in moiumabí kon inimu popisí in aidmu mita inta moraat.”

YEHEZKIEL 21:3

kon Akuoi, ki Tuhan, in noguman nanaa, ‘Akuoi naa in musungmu. Rabuton-Kubí in kedang-Ku bo moḻimod kon i monimu komintan, inta moraat andeka inta mopia.

YOËL 1:19

Akuoi in mokituḷung kon ini-Mu, o Tuhan sin rawang mita in bonok nopokak in poninggai nodapot in pangkoi mita in kayu noingkag bo minatoi naonda bo kinaan in tuḷú.

YOËL 2:30

Kon ḷangit bo kon butá mobayong in aidan-Mu in inta mokoherang. Moḷoḻimodan, dokot in tuḷú bo kapungan in poyok.

IMAMAT 10:2

Dá ki Tuhan nopouma in tuḷú kon i monia bo poḷat nomokak kon i monia dapot in minatoi kon Ḷoḷaigan i Tuhan.

AMOS 1:4

Tuamai in potabá-Kubí mangoi in tuḷú kon komaḻig i Datu Hazael, bo momokak kon bayongan in benteng i Datu Benhadad.

AMOS 1:7

Tuamai in potabá-Kubí mangoi in tuḷú kon dinding mita in Gaza, bo momokak kon bayongan in bentengnea mita.

AMOS 2:5

Tuamai, potabá-Kubí mangoi in tuḷú kon Yohuda bo momokak kon bayongan in benteng in Yerusalem.”

AMOS 4:11

Tongosilai nongkon i monimu yopúon-Ku ná pinoyoyopú-Ku kon Sodom bo Gomora. Inta nobiagpa kon sigad monimu in naonda bo ḷomput in kayu inta ginamá nongkon tuḷú. Umpaka natua, moiko in diábí doman nobui mangoi kon i-Nakó.

AMOS 5:6

Pobuidon mangoi kon i Tuhan, dá moiko in mobiagbí. Aka moiko mobui mangoi kon i-Nia, Sia in mamangoibí naonda bo tuḷú inta ḷumekep bo momagong kon bayongan intau in Israel. Kon Betel diábí tobatúmai in intau in mokopiong kon tuḷú tatua.

AMOS 7:1

Akuoi in nokouḻí kon oontongon tobatú nongkon i Tuhan Inta Totok in moḷantud. Inontongku in Sia nomaḻí kon topaanan mobarong in pangkoḷá kon tungkuḷ in intau nopaḷutdon noratab kon bonok ogoi kon i datu, bo bonok mobagu in momangkoidon bui mobiag.

AMOS 7:7

Akuoi in nokouḻí bui kon oontongon ibanea nongkon i Tuhan. Inontongku in Sia sinimindog kon bingkímai in dinding tobatú inta pinosindog takin nopomaké in tontogot pogogukur noisindog notuḻid. Ḻima-Nea in kokada-kadai in tontogot tatua sin moindoi mongo dinding tatua noisindog notuḻid andeka diá.

MIKHA 1:4

Buḷud mita ḷumoḷayat kon paḷad in sioḷ-Nea naonda bo lilin kon bonu in tuḷú inta modokot; butánea in moḻitu moibonu kon oyuknea mita, naonda bo tubig kon tudu in tombuḷud inta moiḻig monag.

NAHUM 1:6

Ki ine in mokotongod aka ki Tuhan tumorú? Diábí in moipaḷuput nongkon torú-Nea! Sia in moponiata in torú-Nea inta modokot batu in morimumud bo mobaḻí ḷobud kon tayowon-Nea.

PINOGIAPAN 16:35

Bo ki Tuhan nopoangoi in tuḷú inta nomokak kon doyowa nogatut bo ḻima nopuḷú in intau inta noposumba in dupa tatua.

ULANGAN 32:22

Torú-Ku in moborambangdon naonda bo tuḷú inta momokak modapot kon dunia in intau minatoi. Tuḷú tatua in momokak kon bayongan in butá takin tombonunea, bo buḷud mita modapot in kon uakatnea mita.

IBRANI 1:7

Aka soaḷ malaekat mita, nanaa in guman i Allah, “Binaḻí i Allah in malaekat-Nea mita tompot, bo bobantung-Nea mita binaḻí-Nea dokot in tuḷu.”

WAHYU 4:1

Nopaḷut mako intua nanaa in bui inontongku. Inontongku in tobatú ḷoḻingkop nobukat kon soroga. Bo dinongogkudon bui in singog inta noguman kon inakó koina inta naonda bo singog in torompet. Singog tatua in noguman, “Poponikdon mangoi kon naa, bá popoontong-Kudon kon inimu onu in mobaḻí kon singgai moiduduimai.”