AMOS 7:17 - Alkitab Singog In Mongondow Masa In Tanaa

¹⁷ ki Tuhan in noguman kon ki buḷoimu in mobaḻí sundaḷ kon daḷan mita in kotá, bo ki adímu mita in ḻimodon kon parang. Butámu in silaionbí magí mako kon intau ibanea, bo iko tontaní in matoibí kon butá in intau inta diá nonotaau kon i Tuhan. Intau in Israel in notantú bidon kon akuton pobayá in poḷumbúan, moyayú nongkon butánea tontaní.”

AMOS 7:17 ပူးပေါင်းရင်းမြစ်များ

DATU MITA 2 17:6

– inta taong noginsiow kon pinomarentaan i Hosea – ki Salmaneser nogagow kon Samaria. Bo intau in Israel in dinianea nobaḻí intau mita inta sinoko dakop pinobayá in Asyur. Tongosilai kon i monia pinobayánea in kotá Halah, tongosilai in kon diug in Ongkag in Habor kon butá in Gozan, bo tongosilai doman in kon kotá mita in butá in Madai.

MAZMUR 78:55

Kon tayowon in umat-Nea Sia nopoguntun in intau inta nogutun kon tua bodongka sinila-silai-Neadon in butá tatua kon bayongan in suku in bangusa in Israel, umat-Nea, dá mosia in motaaudon mogutun kon ḷoḷaigan mita in musung.

YESAYA 13:16

Mosia in mokoontongbí tontaní kon adí mita mointok monia romputon, baḷoi mita monia pogagowan bo ki buḷoi mita bobay monia domokon.”

YEREMIA 14:16

Intau mita inta ain notarima kon toḻindap mita monia tua in ḻimodonbí doman natua. Mayat mita monia in pogambat kon daḷan mita kon Yerusalem bo diábí in moḷobong. Natuata in ukur monia takin adí bo buḷoi monia. Baḻíon-Kubí in mosia mokonanam kon bungai in aid moraat monia.”

YEREMIA 20:6

Bo iko, Pasyhur, takin bayongan in motoḷuadímu in domokon doman bo akuton pobayá in Babel. Kon tua matoi in iko bo ḷobongon; natua doman in bayongan in yobayatmu inta ain nokidongog kon uboḷmu mita.’ ”

YEREMIA 28:12

Diá noonggot kon tua, ki Tuhan in nopotabá kon inakó

YEREMIA 28:16

Tuamai in ki Tuhan tontaní in noguman kon iko in yopúon-Neabí nongkon dunia naa. Taong tanaa doman matoi in iko, sin iko in nopotabádon kon bangusa tanaa noḷawang kon i Tuhan.”

YEREMIA 29:21

Ki Tuhan Inta Totok in mokawasa, Allah in Israel, ain nosingog soaḷ ki Ahab ki adí ḷoḷaki i Kolaya, bo soaḷ ki Zedekia ki adí ḷoḷaki i Maaseya inta nomaké in tangoi i Tuhan sin mopotaau kon inimu in soaḷ mita inta diá totuu. Ki Tuhan in noguman kon Sia in moposarakanbí kon i monia kon kawasa i Nebukadnezar datu in Babel inta moḻimod kon i monia kon tayowonmu.

OMBAḶ 5:11

Bobay mita kon Sion dinomok, mongodeaga mita in pinomia ibo-ibog kon ḻipú mita kon Yohuda.

YEHEZKIEL 4:13

Ki Tuhan in noguman, “Natuata in aidnea intau in Israel kon singgai moiduduimai mokaan kon kaanon inta pinoton podudui in hukum i Musa, kon dodai in mosia iḷumbú-Ku kon butá mita in intau.”

HOSEA 9:3

Moiko, ei bangusa in Israel, diábí umuran mogutun kon butá inta inogoi i Tuhan kon inimu. Moiko in mustibí mobui kon Mesir, bo musti mokaan kon kaanon haram kon Asyur.

AMOS 6:7

Tuamai in moikodon inta muna-munamai akuton pobayá in pinoḷumbúan. Bobutungan mita bo pongaanan monimu moyotakin in moinggamádon.

AMOS 7:11

Sia in noguman kon ki Tuang in matoibí kon poparangan, bo intau in Israel in notantú bidon kon akuton kon poḷumbúan, moyayú nongkon butánea tontaní.”

AMOS 8:1

Akuoi in nokouḻí kon oontongon tobatú nongkon i Tuhan Inta Totok in moḷantud. Inontongku in karansi uatoi tobatú inta nopuḻing in bungai in ayop inta ain nongogurang.

AMOS 9:1

Akuoi in nokoontong kon ki Tuhan in sinimindog kon diug in mezbah. Sia in nomarenta nanaa, “Bongkugdon koropot totok in ubung mita in oigi in Baḷoi-Ku sinbá bayongan in dangkuḷonnea modandú. Popoumpagdon in oigi mita tatua kon intau mita. Mosia inta diá matoi in ḻimodon-Ku kon poparangan. Diábí tobatúmai in intau in mokoḷagui, diábí tobatúmai in moipaḷuput.

AMOS 9:8

Akuoi, ki Tuhan Inta Totok in moḷantud, monaridimai kon dodatuan in Israel inta binaradosa tanaa, bo inggamáan-Kubí nongkon tudu in butá naa. Táe buí i Yakub in diábí modait-Ku yopúon. Akuoi, ki Tuhan, ain nosingog.

MIKHA 1:16

Ei intau in Yohuda, gonsingaidon in buokmu mobaḻí tomponuot kon pinonogumatoian kon adí mita monimu inta kinotabi monimu. Karugaidon in uḷumu modapot in moḷogat naonda bo ḷagapan mokokaan kon mahaḷuk minatoi, sin ki adí mita monimu in akuton kon poḷumbúan.

ZAKHARIA 14:2

Ki Tuhan in mosipunbí kon bayongan in bangusa sin monubu kon Yerusalem. Kotá tatua in agowonbí, bonu in baḷoinea in takowon, bo bobay mita in tokodomokon. Tongobotak kon intau inta nogutun kon tua in diaan kon poḷumbúan, táe kiagatnea in mogutunbí kon kotá tatua.