AMOS 7:12 - Alkitab Singog In Mongondow Masa In Tanaa

¹² Bo ki Amazia in noguman kon i Amos, “Ei Nabi, pobuidon kon Yohuda! Pohutubadon kon tua. Pobiódon mako sinbá mosia in mopokaan kon inimu!

AMOS 7:12 ပူးပေါင်းရင်းမြစ်များ

TAWARIKH 2 16:10

Tosingogon i Nabi Hanani tatua nokotorú totok kon i Asa nodapot in pinobonunea kon ponjara in nabi tatua. Kon dodai intua ki Asa in nopororigadon kon tongonumai in rayatnea.

YESAYA 30:10

Mosia in moguman kon nabi mita, “Kintum in bibig! Dika mopoguman kon inami onu in totuu, táe onubí in koibog nami indongogan. Pomayádon mako in kami umuran morai podudui in koibog nami.

YESAYA 56:11

Mosia in naonda bo ungkú turá inta diá kon dodai in onda in mobotug. Itoi mita tatua in diá momangaḻe. Kon batúannea mogaid kinooibogbí in gina bo motayak kon kauntungannea tontaní.

YEHEZKIEL 13:19

Moiko in nopoompámaidon kon i-Nakó kon tayowon in umat-Ku tongá bá mokouḻí kon tongonumai noyangkom in makoya bo tongonumai noputoḷ in roti. Intau mita inta diá kotaḷá, ḻimodon monimu bo intau mita inta patus matoi pinomayá mako monimu mobiag. Bo moiko in monguboḷ kon umat-Ku bo mosia in mopirisaya kon inimu.’ ”

AMOS 2:12

Táe pinoinum monimu in anggur in intau Nazir, dá nonoḻikud in mosia kon dandi monia. Bo diá inogoi monimu in nabi mita mopotaau in koyow-Ku.

AMOS 7:11

Sia in noguman kon ki Tuang in matoibí kon poparangan, bo intau in Israel in notantú bidon kon akuton kon poḷumbúan, moyayú nongkon butánea tontaní.”

MALEAKHI 1:10

Ki Tuhan Inta Totok in mokawasa in noguman, “Mopia-piabí kon ḻingkopan-Ku in ngara in Baḷoi-Ku, sin diábí in mangaḻenea in moiko monontuḷú kon tudu in mezbah-Ku. Doíbí in Akuoi kon i monimu, bo doíbí in Akuoi motarima kon sosumbamu.

MATIUS 8:34

Nokodongogmai kon tua, iḷumuaidon komintan in intau kon kotá tatua bo minayá kon i Yesus. Naonda in noyodungkuḷ i Yesus, mosia nopoigum totok kon i-Nia sinbá monaḷámaidon kon ḻipú tatua.

LUKAS 13:31

Kon wakutu intua tongonumai degá intau in Parisi namangoi bo noguman kon i Yesus, “Bayádon! Taḷaaidon in tampat tanaa! Bayádon in tampat ibanea mako, sin ki Herodes in monomayá mako moḻimod kon ini-Mu.”

OUMAN IN RASUL MITA 16:39

Bo mosia in minayá nopoigum maap kon i Paulus bo kon i Silas, poḷat pinoḷuaidon monia kon ponjara tatua in mosia bo ḷagi pinarentaan kon bá monaḷámaidon kon kotá tatua.

SURAT I PAULUS KON JAMAAT RUM 16:18

Sin intau mita inta momia kon natua, deemanbí mogaid sin kopontingan i Kristus inta Tuhan naton, táe tongábí motayak kon kasanangan in gina monia tontaní. Dondouḷug bo singog monia moaḷus inta kodongogan tua in tongábí pakéon monia monguboḷ kon intau mita inta diápa nonotaau in onu bo onu.

KORINTUS 1 2:14

Intau inta diá kinawasa in Roho i Allah, doíbí mopirisaya kon onu inta ain inaidan in Roho i Allah tatua. Diábí komangaḻean monia intua komintan, koḻikudbí in aka mopirisaya in mosia kon i Allah.

PETRUS 1 5:2

ḷukadaibí monimu kopiaraan in domba i Allah inta ain pinosarakan kon i monimu. Ḷukadai takin sanang in gina ná inta kinoibog i Allah, dikabí tongá pakisa in gina. Bo dika doman mogaid kon oaidan tatua tongá sakadar motayak kon kauntungan tontaní, táe aidaibí intua sin lantaranbí moiko totu-totuubí moibog mopobayá in oaidan i Allah.

SAMUEL 1 2:36

Pomuḷoi in bui inta nobiagpa, in mayábí kon i imang tatua sin moigum kon doit bo kaanon. Sia in mopoigum: Ogoiaipa in akuoi in wakutu motuḷung kon imang mita, sinbá akuoi mokouḻí kon kaanon umpaka tongá komintan kaanon.”

SAMUEL 1 9:9

“Mopia uḻe!” tubag i Saul, “Igai mayá in kita.” Bo minayádon in mosia kon kotá, kon tampat in mogogundoi i Allah tua. Naonda in mosia notakod kon buḷud inta mopobayá ná kotá tatua, noyodungkuḷdon in mosia in tongonumai in mongodeaga inta mayá monangkob kon tubig kon parigí. Bo mosia noḻibó kon mongodeaga mita tatua, “Degá mododoyangow oyúon kon kotá?” (Kon tungkuḷ intua nabi tobatú sinangoi mododoyangow, dá aka oyúon in intau moḻibó kon i Allah, dá sia in moguman nanaa, “Igai in kita mayá kon mododoyangow.”)