AMOS 7:11 - Alkitab Singog In Mongondow Masa In Tanaa

¹¹ Sia in noguman kon ki Tuang in matoibí kon poparangan, bo intau in Israel in notantú bidon kon akuton kon poḷumbúan, moyayú nongkon butánea tontaní.”

AMOS 7:11 ပူးပေါင်းရင်းမြစ်များ

DATU MITA 2 17:6

– inta taong noginsiow kon pinomarentaan i Hosea – ki Salmaneser nogagow kon Samaria. Bo intau in Israel in dinianea nobaḻí intau mita inta sinoko dakop pinobayá in Asyur. Tongosilai kon i monia pinobayánea in kotá Halah, tongosilai in kon diug in Ongkag in Habor kon butá in Gozan, bo tongosilai doman in kon kotá mita in butá in Madai.

MAZMUR 56:5

Akuoi in nodayow kon i Allah popisí in onu inta pinodandi-Nea; akuoi in mopirisaya kon i-Nia, dá diá moondok in akuoi, diábí mokopongonu in intau kon inakó.

YEREMIA 26:9

Mokobaḻíbí totok in iko in moguman podoyon kon tangoi Tuhan kon Baḷoi-Nea naa in mobaḻí naonda bo Silo, bo kotá tanaa in yompaton bo mobaḻí tampat inta diádon utunan.” Bo akuoi in iḻipung in intau mobayong.

YEREMIA 36:16

Naonda in nopaḷutnea binaca, nooindoian in mosia takin noḻia-ḻiaw in gina bodongka noguman kon i Barukh, “Kami in musti mopotaau in naa kon i datu.”

AMOS 1:1

Ki Amos in gombala tobatú in domba nongkon kotá in Tekoa. Sia in nobaḻí nabi kon tungkuḷ in butá in Yohuda pinarentaan i Datu Uzia, bo Israel in pinarentaan in Datu Yerobeam, ki adí ḷoḷaki i Yoas. Doyowa notaong kon tungkuḷ in diápa nobaḻí in ḻinug, ki Allah in noponiata kon i Amos in inta mobaḻí mita kon Israel.

AMOS 7:10

Ki Amazia, imang kon Betel, nokidia in lapuran tanaa kon i Yerobeam datu in Israel, “Ki Amos in koyogot noyopakat in rayat monayow kon i Tuang datu. Tosingogonnea mita inta monundud kon patú in rayat in mokopopisí kon butá tanaa in morimumud.

AMOS 7:12

Bo ki Amazia in noguman kon i Amos, “Ei Nabi, pobuidon kon Yohuda! Pohutubadon kon tua. Pobiódon mako sinbá mosia in mopokaan kon inimu!

AMOS 7:9

Tampat mita inta pinaké in buí i Ishak poibadaan in rimumudonbí. Tampat mita motusi in intau in Israel in umpagon. Yopúon-Kubí in buí i Datu Yerobeam.”

MIKHA 1:16

Ei intau in Yohuda, gonsingaidon in buokmu mobaḻí tomponuot kon pinonogumatoian kon adí mita monimu inta kinotabi monimu. Karugaidon in uḷumu modapot in moḷogat naonda bo ḷagapan mokokaan kon mahaḷuk minatoi, sin ki adí mita monimu in akuton kon poḷumbúan.

MATIUS 26:61

Mosia in noguman, “Intau tanaa in nosingog, ‘Akuoi in mokoumpag kon Baḷoi i Allah bo kon bonu in toḷu nosinggai koposindogan-Kudon bui.’ ”

OUMAN IN RASUL MITA 6:14

Dinongog nami tontaní in sia in nosingog nanaa, Ki Yesus intau in Nazaret tua in mogumpag kon tampat tanaa bo momaḷui kon bayongan in adat inta inogoi i Musa kon i naton!”