AMOS 6:9 - Alkitab Singog In Mongondow Masa In Tanaa

⁹ Aka mopuḷúpa doman in intau inta mogadop kon baḷoi tobatú, yo matoibí doman in mosia.

AMOS 6:9 ပူးပေါင်းရင်းမြစ်များ

ESTER 5:11

Bo ki Haman in nongonguman kon ambungangaḷ kon i monia bo nopoontong in kaoyúonannea, kobayong in adínea ḷoḷaki, ḷoḻitúan pomomarentaan inta inogoi i datu, bo pangkatnea inta moḷantu-ḷantud nongkon bayongan in pogawai ibanea.

AYUB 1:19

Bo daḻíbí in deḷang nogirup nongkon rawang in bungaion bo nondangat kon baḷoi tatua nodapot in noumpag bo noidantug kon i adí mita i Tuang dá minatoidon komintan in ki adí mita i Tuang. Tongádon akuoi naa in nobiag dá notaau namangoi nopotaau intua kon i Tuang.”

AYUB 1:2

Sia in kogadí kon adí ḷoḷaki taya pitu bo adí bobay taya toḷu.

AYUB 20:28

Bayongan in kaoyúonannea in moinggamábí popisí in torú i Allah.

MAZMUR 109:13

Biódon mako in bayongan in buínea yopúon, bo tangoinea in ḻiongondon in intau moiduduimai.

YESAYA 14:21

Poḻimodan in ḷagidon pangkoion! Ki adímu mita ḷoḷaki in matoibí popisí in dosa in mogoguyang monia. Diábí tobatúmai in kon sigad monia in momarenta kon dunia andeka moposindog in kotá mita.”

YEREMIA 9:21

Popatoi in sinumuotdon nongin jandela, sinumuotdon kon bonu in komaḻig; sia in nodomok kon mongoadí mita kon daḷan bo tayow mobiag kon rawang.

AMOS 5:3

Ki Tuhan Inta Totok in moḷantud in noguman, “Kotá tobatú kon Israel in nopotabádon in tontaranea toribu, táe inta noibuimai in dongkadon mogatut; kotá ibanea in nopotabá in mogatut intau, bo noibui in dongkadon mopuḷú.”

SAMUEL 1 2:33

Táe, tobatú nongkon buímu, pomayá-Kudon mako in sia mobiag bo mogundoi kon i-Nakó mobaḻí imang. Tongá sia in mobaḻí mobilog bo mobiag takin gina umuran diá in kamang. Bayongan in buímu ibanea in koḻimodan.