AMOS 6:8 - Alkitab Singog In Mongondow Masa In Tanaa

⁸ Ki Tuhan Inta Totok in mokawasa bo Inta Totok in moḷantud nopotoingatdon nanaa, “Akuoi in doíbí totok kon ḷoḷatú in umat in Israel; diábí moḷunganga in gina-Ku kon komaḻig mita monia inta mopia totok tua. Putod in kotá monia takin bayongan inta kon bonunea in ogoi-Kubí kon musung.”

AMOS 6:8 ပူးပေါင်းရင်းမြစ်များ

KINOBAḺIAN 22:16

“Ki Tuhan noguman: Akuoi mongibot podoyon kon tangoi-Ku tontaní, sin iko ain nogaid kon soaḷ tanaa bo diábí nogindoí in moposumba kon i adímu tuḷong tua kon i-Nakó,

MAZMUR 106:40

Bo sinumagab in torú i Allah kon i monia, Doídon in Sia kon kapunyaan-Nea tontaní.

MAZMUR 47:4

Pinopountung-Nea in kita kon bangusa mita, binaḻí-Nea in kita mongogawasa kon suku mita in bangusa.

MAZMUR 50:12

Aka gogoyon in Akuoi, diábí bain poguman-Ku kon inimu, sin butá takin tombonunea in Akuoibí in kitogi.

MAZMUR 78:59

Nokoontongmai kon tua, ki Allah in sinumorú totok, bo nondoídon mako natua kon i monia.

AMSAL 8:13

Mohoromat kon i Tuhan tua in mangaḻenea in mondoí kon inta moraat; akuoi in doíbí kon aid moḷoḷatú bo mododia. Kodoíkubí in dodia inta moraat bo tosingogon mita inta monguboḷ.

YESAYA 28:1

Moboditodon in kotá inta kino ibo-ibog in intau mita moḷoḷoḷangu in Israel! Kogaganea in mopopatdon naonda bo bungang inta noḷaḷow kon tudu in uḷu monia. Moboditodon in kotá inta noḷantud monik kon yuak in ḷopá inta noḷumbá, inta kinosanang in intau mita inta nongoḷoḷangudon totok.

YEREMIA 12:8

Umat inta piniḻí-Ku noḷawang kon i-Nakó; naonda bo singa kon kayuon natuata in mosia moganggor kon i-Nakó. Tuamai in Akuoi morongó kon i monia.

YEREMIA 22:14

Moboditodon in intau inta noguman, “Posindogonku in komaḻig inta moḷoben takin yuangnea mita inta mooḷad kon ḷandakan kon ḻimonikan,” bo kon komaḻig tatua pinogaidannea kon jandela mita takin bongkow nongkon kayu ḷokuyú in Libanon, bo cinetnea in nopura.

YEREMIA 22:5

Táe aka moiko bo diá dumudui kon parenta-Ku mita, dá ibotan-Ku kon komaḻig tanaa in mobaḻíbí apug. Akuoi, ki Tuhan, ain nosingog.

YEREMIA 44:26

Táe tanaa indongogai onu in poguman-Ku kon inimu, ei intau in Israel kon Mesir: Akuoi ki Tuhan, in mongibot podoyon kon tangoi-Ku inta momulia kon moiko in diá bidon ogoi-Ku mopomaké in tangoi-Ku aka momia kon dandi. Moiko in diá bidon motaau in moguman, Akuoi in mongibot podoyon kon tangoi i Allah inta nobiag!

YEREMIA 49:13

Akuoi in mongibot podoyon kon tangoi-Ku tontaní kon kotá in Bozra in mobaḻíbí tampat inta mokokoningkim inta taḷaan in intau. Kosinganbí in intau bo tangoi monia in pakéon monia pongutuk. Bayongan in ḻipú kon diugnea in mobaḻídon dongka rumbunnea modapot in mononoi. Akuoi, ki Tuhan, ain nosingog.”

YEREMIA 51:14

Ki Tuhan Inta Totok in mokawasa nongibot pinodoyon kon i-Nia tontaní kon Sia in mopotabá mangoi kon intau ná kobayong in pangkoḷá sin monubu kon Babel, bo mosia in mopobaḷú in baḷú kountungan.

OMBAḶ 2:5

Ki Tuhan nobaḻí naonda bo musung; binoutnea in Israel nodapot in norumbun. Irimumud-Nea in dinding mita takin komaḻig, bo nodugang kon ajar in gina kon intau in Yohuda.

YEHEZKIEL 24:21

mopotaau in koyow tanaa kon i monimu: Moiko in mopongata in ropot in Baḷoi Tuhan. Moibog in moiko moindoi bo mayá intua, táe ki Tuhan in mopokotorbí in Baḷoi-Nea. Bo tombonu in motoḷuadímu inta nongobagupa, inta kinotaḷáan kon Yerusalem, in ḻimodon kon poparangan.

HOSEA 11:6

Parang in tumagabbí modapot kon bonu in kotá mita monia, bonawang mita in poguyaatonbí, bo umat-Ku in yopúon. Tua in mobaḻí popisí in mosia dinumudui kon ibognea tontaní,

IMAMAT 26:11

Akuoi in mogutun kon sigad monimu kon bonu in Ḷoḷaigan-Ku, bo diábí mogindoí kon i monimu.

IMAMAT 26:30

Rimumudon-Kudon in tampat mita pososumbaanmu kon tudu in buḷud mita, mogumpag kon mezbahmu mita tampat pototubáan kon dupa, bo mopogambat in mayat mita monimu kon tudu in toḻindua mita in Tuhanmu inta ain noumpag tatua. Takin yaat in gina

AMOS 3:10

Ki Tuhan in noguman, “Intau mita tatua nomonu kon komaḻig monia in pakakat mita inta inagow takin aid moḻingá. Nodapot in mosia totokbí in diá mojujur.

AMOS 3:11

Tuamai in butá monia in kopungonbí in musung, poḷoḷukadan monia irimumud, bo komaḻig mita monia inagow.

AMOS 4:2

Akuoi, ki Tuhan Inta Totok in Moḷantud in ki Tuhan inta motusi, bo Akuoi in nodandidon kon moiko in kon singgai moiduduimai in irudon in kokaud; moiko komintan in naonda bo toyá kon mata in kail.

AMOS 5:21

Ki Tuhan in noguman, “Akuoi in doíbí bo mototuka in mokoontong kon bobutungan mita in agamamu!

AMOS 8:3

Kon singgai tatua dondong mita kon komaḻig in mobaḻídon ombaḷ. Kon bayongan in tampat moyotapatdon in mayat inta ain iḷumbú inumuni-uni mako.”

AMOS 8:7

Ki Tuhan, Allah in bangusa in Israel, ain nongibot, “Akuoi in diábí mokoimontanmai in mokoḻiong kon aid monia inta moraat.

ZAKHARIA 11:8

Toḷu in gombala inta doí kon inakó nokoinggamá kon sabarku. Mosia in pinoguntunku kon bonu in tongobuḷan monag.

ULANGAN 32:19

Nokoontong kon tua, ki Tuhan sinumorú, bo nondoídon kon i adí-Nea mita.