AMOS 6:7 - Alkitab Singog In Mongondow Masa In Tanaa

⁷ Tuamai in moikodon inta muna-munamai akuton pobayá in pinoḷumbúan. Bobutungan mita bo pongaanan monimu moyotakin in moinggamádon.

AMOS 6:7 ပူးပေါင်းရင်းမြစ်များ

ESTER 5:8

“Aka mosanangbí in gina i Tuang in mobogoi kon onu in poigumonku, yo buipa mamangoi in ki Tuang bo ki Haman kon bobutungan inta aidan in bobantung naa ikoḷom doḷom. Bain kon bobutungan tatua bo pogumanku onu in poigumon in bobantung naa kon i Tuang.”

YESAYA 21:4

Moḻia-ḻiaw in ginaku; porasaan moondok nokourot kon awakku. Doḷom inta kinotanobanku tongá nokopoangoi kon ondok.

YESAYA 24:8

Diá bidon in kodongogan in pokutian kon kecapi inta mokosanang bo pobongkugan kon rebana inta morame. Kororame in intau inta kinoḷungangaan in gina in noigogaidon.

DANIEL 5:30

Kon doḷom doman tatua kinoḻimodandon in ki Belsyazar datu in Babel tatua.

AMOS 4:3

Moiko in irudonbí pobayá ná Hermon bo pogambat kon ḷuai, kon batúannea bubú in dinding inta nodiug. Akuoi ki Tuhan ain noguman.”

AMOS 5:27

Kon tungkuḷ in ḷumbúon-Ku in moiko kon butá tobatú inta noyayú nongkon Damsyik. Akuoi ki Tuhan inta tangoi-Ku ki Allah Inta Totok in mokawasa ain nosingog.”

AMOS 5:5

Dika mayá in Bersyeba sin moibada. Dika motayak kon i-Nakó kon Betel, sin Betel in moinggamábí. Dika doman mayá in Gilgal, sin intau kon kotá tatua in akutonbí pobayá in poḷumbúan.”

AMOS 7:11

Sia in noguman kon ki Tuang in matoibí kon poparangan, bo intau in Israel in notantú bidon kon akuton kon poḷumbúan, moyayú nongkon butánea tontaní.”

AMOS 7:17

ki Tuhan in noguman kon ki buḷoimu in mobaḻí sundaḷ kon daḷan mita in kotá, bo ki adímu mita in ḻimodon kon parang. Butámu in silaionbí magí mako kon intau ibanea, bo iko tontaní in matoibí kon butá in intau inta diá nonotaau kon i Tuhan. Intau in Israel in notantú bidon kon akuton pobayá in poḷumbúan, moyayú nongkon butánea tontaní.”

NAHUM 1:10

Iko in tubáanbí naonda bo wawa inta noingkag naonda bo bonganga inta moyo-moyoguntuḷ.

LUKAS 21:24

Oyúon in ḻimodon, oyúon doman in diaan saḷaku intau inta dinakop bo pobayá in ḻipu-ḻipúannea; bo intau inta diá mopirisaya momoguyaat kon Yerusalem modapot mopaḷut in wakutu inta sinantú i Tuhan kon i monia.”

ULANGAN 28:41

Moiko in mokouḻíbí kon adí mita ḷoḷaki bo bobay, táe mosia in gamáandon mobaḻí tawanan in parang, dá moiko in kobuḻiandon monia.