AMOS 6:5 - Alkitab Singog In Mongondow Masa In Tanaa

⁵ Mopia in gina monimu in momia kon dondong, ná inta inaidan i Daud, bo moiko in mopodondong in dondong tatua takinan in kecapi.

AMOS 6:5 ပူးပေါင်းရင်းမြစ်များ

KINOBAḺIAN 31:27

Nongonu sin iko in nonguboḷbí kon inakó takin minayá inumuni-uni, takin diá noguman? Aka kuma iko bo noguman, yo pasti inogoikubí iko minayá takin pia in gina bo inatod sinakinan in musik rebana bo kecapi!

TAWARIKH 1 15:16

Ki Daud in nopotabá doman kon itoi mita in intau mita in Lewi tatua sinbá mopotabá kon tongonumai in intau nongkon suku monia sin mopodondong bo mopogogitog in dondong mita pia in gina takin kecapi bo simbal.

TAWARIKH 1 23:5

4.000 in moḷoḷukad, bo 4.000 doman in modayow kon i Tuhan mopomaké in pakakat mita in musik inta ain sinadia.

TAWARIKH 2 29:26

ná inta pinaké i Daud. Imang mita in sinampatnea doman kon tua takin torompet.

MOHOHUTUBA 2:8

Sinipunku in saḷaka bo buḷawan inta inogoi saḷaku iba in datu mita inta kon butá inta kon bonu in kawasaku. Mododondong ḷoḷaki bo bobay moposanang in ginaku pinongin dondong mita monia. Oyúon doman in pahang mita tongonukabí in koibogku.

YESAYA 5:12

Kon bobutunganmu mita oyúon in singog in kecapi, gambus, rebana bo bansí bo monginum kon anggur. Táe diábí pinandungmai monimu onu in pinomia i Tuhan bo onu inta inaidan-Nea.

YEHEZKIEL 26:13

Pogogaion-Kubí in bayongan dondongmu bo singog in kecapimu.

AMOS 5:23

Gogaiaidon in dondongmu mita inta mokobinim-biní tua; Akuoi in doíbí mokidongog kon pogogitoganmu kon kecapi.

AMOS 8:3

Kon singgai tatua dondong mita kon komaḻig in mobaḻídon ombaḷ. Kon bayongan in tampat moyotapatdon in mayat inta ain iḷumbú inumuni-uni mako.”

PETRUS 1 4:3

Sin nobayongdon totok in wakutu inta pinaké monimu nogaid kon onu inta kinoibog in intau mita inta diá nonotaau kon i Tuhan. Diá mopia in kobobiag monimu. Moiko in dinumudui kon ibog in awak, monginum dapot in moḷoḷangu, umuran mogaid kon rame inta diá in baragunanea, monginum moyotakin bo mosumba kon berhala inta ilarang i Tuhan.

WAHYU 18:22

Singog in kecapi inta kinuti in intau mita inta motaau mokuti bo dondong mita in intau inta modondong, bo singog in bansí bo singog in torompet, diá bidon kodongogan bui kon bonu in kotámu! Bo ahli mita mogogaid in diá bidon kodungkuḷan kon tua, sedang singog in giḻingan batu bo diá bidon in kodongogan kon tua.