AMOS 6:2 - Alkitab Singog In Mongondow Masa In Tanaa

² Bayádon indoiai in kon Kalne, bo bayádon turus kon kotá in Hamat inta moḷoben tua, onda intua bayá in kotá in Gat kon Pilistin. Kainimu kamai dá kotábí mita tatua in mopia-pia nongkon dodatuan in Yohuda bo Israel? Eta degá butá monia in moḷobe-ḷoben nongkon butámu?

AMOS 6:2 ပူးပေါင်းရင်းမြစ်များ

KINOBAḺIAN 10:10

Kon dungkuḷ dodatuannea pinangkoi nongkon Babel, Erekh, bo Akad, toḷu tatua komintan kon Babilonia.

SAMUEL 2 8:9

Kinondongogandon i Datu Tou inta nongkon Hamat kon ki Daud in nonaḷow kon bayongan tontara i Hadadezer.

DATU MITA IMITÁNEA 8:65

Kon Baḷoi Tuhan tatua ki Salomo bo bayongan umat in Israel nomia kon rame Pondok Daun pitu nosinggai in koonggotnea. Totuu mobarong in intau inta noyosipun kon tua. Mosia in namangoi nongkon butá Hamat kon utuan nodapot in pinosigadan in Mesir kon toḷatan.

DATU MITA 2 17:24

Nobaḻí toḻiu in intau in Israel inta ain dinia kon pinoḷumbúan tatua, ki datu in Asyur nokipogutundon kon kotá mita in Samaria, intau mita nongkon Babel, Kuta, Awa, Hamat, bo Separwaim. Intau mita tatua in iḻimitúdon kon kotá mita tatua bo nogutundon notantú kon tua.

DATU MITA 2 17:30

Intau in Babel nomia kon patong i Dewa Sukot-Benot, intau in Kuta nomia kon patong i Nergal, intau in Hamat patong i Asima,

DATU MITA 2 18:34

Kon onda degá in dewa mita in butá in Hamat bo Arpad? Kon onda degá in dewa mita in Separwaim, Hena, bo Iwa? Oyúon degá in namangoi noposaḷamat kon Samaria?

DATU MITA 2 19:13

Kon onda in datu mita in kotá in Hamat, Arpad, Separwaim, Hena, bo Iwa?”

TAWARIKH 2 26:6

Ki Uzia in noparang nonayow kon intau in Pilistin. Sia in norumbun kon dinding mita in kotá in Gad, Yabne, bo Asdod, bo noposindog in kotá mita inta dininding kon diug in Asdod bo kon butá ibanea kon Pilistin.

YEREMIA 49:23

Naa in pinoguman i Tuhan soaḷ Damsyik. “Intau inta nogutun kon kotá in Hamat bo Arpad in mogagawang bo moḻia-ḻiaw in gina popisí in nokodongog kon habar diá mopia. Gina monia in moondok bo moitoḻimayang mako naonda bo bokoḷ in dagat.

NAHUM 3:8

Ei Niniwe, yo umpaka dá ikobí in mopia-pia nongkon Tebe, ibukotá in Mesir? Tebe in noiukat doman kon bingkí in ongkag inta nogoḻingoi kon inia saḷaku dinding. Oo, Ongkag in Nil tatuata in benteng poḷoḷukadannea.

SAMUEL 1 17:23

Táe naonda in sia mongongumanmai monia, ki Goliat inumuna bo nonontot kon intau in Israel, ná biasamai pomiaannea. Inindongogan i Daud in tosingogonnea tatua.

SAMUEL 1 17:4

Dá intau tobatú inta motoyang moropatoi inta ki Goliat in tangoinea, nongkon kotá in Gat iḻumuai nongkon pinononḷoḷaigan in Pilistin sin monontot kon intau in Israel. Koḷantudnea tua in degá toḷumai nometer,

SAMUEL 1 5:10

Bo Poti Dodandian tatua inatod kon Ekron, kotá in Pilistin ibanea doman. Naonda in yaput in kotá tatua in poti tatua, intau mita kon tua nomaḷú kai monia, “Poti Dodandian i Allah in Israel dinia mangoi kon naa sin moḻimod kon i naton komintan.”

SAMUEL 1 5:8

Tuamai in nogoiní in mosia kon datu in Pilistin taya ḻima sin moyosipun, bo noḻibó, “Onuon naton in Poti Dodandian i Allah in Israel tatua?” Tubag in datu mita tatua, “Pampingdon kon kotá in Gat.” Dá, poti tatua pinampingdon kon kotá in Gat, kotá tobatú ibanea kon Pilistin.