AMOS 6:14 - Alkitab Singog In Mongondow Masa In Tanaa

¹⁴ Ki Tuhan Inta Totok in moḷantud bo Inta Totok in mokawasa tua in noguman tontaní, “Umat in Israel, Akuoi in mopotabábí mangoi in tontara nongkon bangusa tobatú ango-angoi sin monubu kon butámu. Mosia in mopororigabí kon i monimu nongkon daḷan mopobayá in Hamat kon utuan modapot kon Ḷopá in Araba kon toḷatan.”

AMOS 6:14 ပူးပေါင်းရင်းမြစ်များ

DATU MITA IMITÁNEA 8:65

Kon Baḷoi Tuhan tatua ki Salomo bo bayongan umat in Israel nomia kon rame Pondok Daun pitu nosinggai in koonggotnea. Totuu mobarong in intau inta noyosipun kon tua. Mosia in namangoi nongkon butá Hamat kon utuan nodapot in pinosigadan in Mesir kon toḷatan.

DATU MITA 2 14:25

Ki Yerobeam II tanaa inta nogagow bui kon bayongan in butá in israel, nongkon daḷan in Hamat kon utuan noidapot in Laut Mati kon toḷatan. Tua in pinodudui kon dandi i Tuhan, Allah in Israel, inta pinongin in mogogundoi-Nea, ki Nabi Yunus ki adí i Amitai intau in Gat-Heper.

DATU MITA 2 15:29

Kon tungkuḷ in pinomarentaan i Pekah, ki Tiglat-Pileser Datu in Asyur nogagow kon kotá in Iyon, Abel-Bet-Maakha, Yanoah, Kedes, Hazor, butá in Gilead, Galilea bo Naptali. Intau mita inta nogutun kon tua in dinianea doman nobaḻí intau mita inta dinakop bo dinia kon Asyur.

DATU MITA 2 17:6

– inta taong noginsiow kon pinomarentaan i Hosea – ki Salmaneser nogagow kon Samaria. Bo intau in Israel in dinianea nobaḻí intau mita inta sinoko dakop pinobayá in Asyur. Tongosilai kon i monia pinobayánea in kotá Halah, tongosilai in kon diug in Ongkag in Habor kon butá in Gozan, bo tongosilai doman in kon kotá mita in butá in Madai.

YESAYA 7:20

Ki Tuhan in monondanbí kon datu in Asyur sin mopomia kon Israel naonda bo intau mongongarug inta mongarug komintan kon buok bo bubuḷ kon awak.

YEHEZKIEL 47:20

Pinosigadan kon dotá in toyopan sinompid in Dagat Toyuak, bodongka nopobayá ná utuan kon tampat tobatú kon dotá in toyopan daḷan tumuot in Hamat.

HOSEA 10:5

Intau inta nogutun kon kotá in Samaria in moondok; mosia bo imang mita inta mogundoi kon sapi buḷawan kon Betel tua in moajarbí in gina bo mongombaḷ popisí in bayongan inta kogaga in berhala monia tatua in noinggamádon.

AMOS 3:11

Tuamai in butá monia in kopungonbí in musung, poḷoḷukadan monia irimumud, bo komaḻig mita monia inagow.