AMOS 6:12 - Alkitab Singog In Mongondow Masa In Tanaa

¹² Yo degá mokoribatukpa in kabaḷo kon buḷud batu? Nokoimontandon degá in intau nopomajeko in sapi kon dagat? Táe moiko in nonuuidon kon kooadil nobaḻí rasum inta mokopatoi, bo inta moitutui mobaḻí moitaḷá.

AMOS 6:12 ပူးပေါင်းရင်းမြစ်များ

YESAYA 48:4

Kinotaauan-Ku kon iko in motogat in gina, motontogat in uḷu naonda bo pamandot.

YEREMIA 5:3

Inta sinuntut i Tuhan in kososatiabí. Ki Tuhan in noḷubok kon i monimu, táe diá in pandung monimu. Sia in nomutuk kon i monimu, táe moiko in doí sambokon. Moiko in pamandot, bo doí mogogai in mogaid kon dosamu mita.

HOSEA 10:13

Táe inaidanmu in noyotuuibí; iko in noḷongasibí kon inta moraat, bo nokoyut kon inta diá moadil. Iko in nokaandon kon bungai mita in uboḷmu.” Ki Tuhan in noguman bui, “Ei bangusa in Israel, popisí in moiko nopongata in kereta mita in parangmu bo kobayong in tontaramu,

HOSEA 10:4

Mosia in mosingog kon ambungangaḷ bo momia kon dandi diá totuu bo tumogot kon dodandian inta diá in mangaḻenea. Hukum tuuyon dá inta diá moadil in mobiag naonda bo tagoi kon gobá inta ain pinasoḷan.

AMOS 2:3

Pongawasa in Moab bo bayongan in pojabat in pomarentanea in ḻimodon-Kubí.”

AMOS 3:10

Ki Tuhan in noguman, “Intau mita tatua nomonu kon komaḻig monia in pakakat mita inta inagow takin aid moḻingá. Nodapot in mosia totokbí in diá mojujur.

AMOS 5:7

Moboditodon in moiko, moiko inta mopoyotuuy kon inta moadil bo mogagow kon hak in intau!

MIKHA 7:3

Komintandon mopandoi in mogaid kon inta moraat. Pojabat bo hakim moigum kon doit pompon in bibig, bo tongguḷu in intau mobayong in momakisadon kon koibognea, natuata in yopopog monia moyotakin.

YAKOBUS 3:18

Soaḷ inta mopia tua bungaibí in bibit dodamean inta inambor in intau inta moibog in dodamean!