AMOS 6:11 - Alkitab Singog In Mongondow Masa In Tanaa

¹¹ Aka ki Tuhan in momarenta, yo baḷoi mita moḷoben mointok in rimumudonbí.

AMOS 6:11 ပူးပေါင်းရင်းမြစ်များ

DATU MITA 2 25:9

Ki Nebuzaradan in nonurub kon Baḷoi Tuhan, komaḻig in datu, bo bayongan in baḷoi in intau mita inta ihoromat kon Yerusalem.

MAZMUR 105:16

Ki Tuhan in nopoangoi in gogoy kon butá tatua, bo nogamá kon bayongan in tongkaaḷ in kaanon.

MAZMUR 105:31

Podudui in parenta i Allah namangoidon in ḷangow mita, bo yongit mita noyosipundon kon sinangkub in butá.

MAZMUR 105:34

Podudui in parenta-Nea, namangoidon in pangkoḷá, totuu mobarong, diádon koiapan.

MOHOHUTUBA 10:18

Atop in baḷoi in moḷopakbí aka diá tompiaanmai, bo kon imbuitnea baḷoi tatua in morugá popisí in maḷat.

YESAYA 13:3

Ki Tuhan ain nogoiní kon intau mita inta ain sinokopiḻí-Nea. Mosia in motorindog, mopirisaya kon ropot monia bo motaau pongata. Ki Tuhan in nopotabá kon i monia mohukum kon intau mita inta kinotugatan in torú-Nea.

YESAYA 55:11

natua doman in tosingogon inta siningog-Ku diábí mobui kon i-Nakó takin diá in mangaḻenea, táe mokoaid kon onu inta kinoibog-Ku, bo mokodapot kon bayongan inta imakusud-Ku.

AMOS 3:15

Baḷoi mita inta pakéon kon sempo in tumping bo baḷoi mita pogogogaian kon sempo in pononinggai in rimumudon-Kubí. Baḷoi mita inta iḷambáan in uwaḷa in gajah in moumpag; bayongan in baḷoi moḷoben in morimumud.

AMOS 5:11

Moiko in mondorot kon intau bogá bo gandumnea in agowon monimu. Tuamai in moiko in diábí mogutun kon bonu in baḷoimu mita inta totok in mopia, inta ain pinosindog monimu tatua. Moiko in diábí monginum kon anggur mita nongkon gobá mita in anggur inta pinomuḷa monimu.

AMOS 6:8

Ki Tuhan Inta Totok in mokawasa bo Inta Totok in moḷantud nopotoingatdon nanaa, “Akuoi in doíbí totok kon ḷoḷatú in umat in Israel; diábí moḷunganga in gina-Ku kon komaḻig mita monia inta mopia totok tua. Putod in kotá monia takin bayongan inta kon bonunea in ogoi-Kubí kon musung.”

AMOS 9:1

Akuoi in nokoontong kon ki Tuhan in sinimindog kon diug in mezbah. Sia in nomarenta nanaa, “Bongkugdon koropot totok in ubung mita in oigi in Baḷoi-Ku sinbá bayongan in dangkuḷonnea modandú. Popoumpagdon in oigi mita tatua kon intau mita. Mosia inta diá matoi in ḻimodon-Ku kon poparangan. Diábí tobatúmai in intau in mokoḷagui, diábí tobatúmai in moipaḷuput.

AMOS 9:9

Akuoi in momarentabí bo moguab kon bangusa in Israel naonda bo intau moguab kon gandum kon bonu in digu. Sin moḷumbú kon bayongan inta diá in mangaḻenea kon sigad monia, Poyotombaukon-Kubí in mosia kon yua-yuak in bangusa mita.

NAHUM 1:14

Naa in bontow in singog i Tuhan soaḷ bangusa in Asyur, “Mosia in kodaitandon in buí mongingguput kon bangusanea. Patong mita berhala inta kon bonu in kuil in dewanea, rimumudon-Kubí. Poḷoḷobongan kon bangusa in Asyur koyogot-Kudon sadiaan, sin mosia in diábí patus in mobiag!”

ZAKHARIA 14:2

Ki Tuhan in mosipunbí kon bayongan in bangusa sin monubu kon Yerusalem. Kotá tatua in agowonbí, bonu in baḷoinea in takowon, bo bobay mita in tokodomokon. Tongobotak kon intau inta nogutun kon tua in diaan kon poḷumbúan, táe kiagatnea in mogutunbí kon kotá tatua.

MALEAKHI 1:4

Aka buí i Esau, intau mita in Edom tatua in noguman, “Kotá mita nami ain irimumud, táe buibí posindogon nami,” dá ki Tuhan in motubag, “Mosia in motaaubí moposindog bui, táe bui-Kubí umpagon in sia. Mosia in tangoionbí ‘Butá moraat’ bo ‘Bangusa inta kinotugatan in torú i Tuhan modapot in mononoi.’ ”

LUKAS 19:44

Rimumudon monia in iko takin intaumu mita inta nogutun kon naa; bo diábí in tobatúpamai in batu in pomayápa mako monia in moitudu motompia kon tampatnea. Sin diábí in kon ginamu mako in ki Allah in mamangoi moposaḷamat kon inimu!”