AMOS 5:9 - Alkitab Singog In Mongondow Masa In Tanaa

⁹ Sia in noyopú kon intau inta nongawasa takin pinoḷukadan monia.

AMOS 5:9 ပူးပေါင်းရင်းမြစ်များ

DATU MITA 2 13:17

Onda intua pinodudui kon parenta i nabi tatua, ki datu in nomukat kon jandela inta noitayow kon Siria. “Popopiotdon in piotmu!” guman i Elisa. Dá naonda in pinopopiotdon i datu in piot tatua, ki nabi tatua in nomaḷú, “Ikobí nion in piot i Tuhan. Takin piot tatua ki Tuhan in monaḷowbí kon Siria. Iko in moparang monayow kon intau in Siria kon Apek moidapot in taḷowonmu in mosia.”

DATU MITA 2 13:25

Bo ki Yoas datu in Israel nonaḷow kon i Benhadad kotoḷu bo nogamá bui kon kotá mita inta ain inagow i Benhadad kon dodai in pinomarentaan i Datu Yoahas ki amá i Yoas.

YESAYA 29:5

Táe bayongan in intau mokokiangoi inta moromú tua in mobuḻibí naonda bo ḷobud andeka baḻeká inta inirup in tompot. Moidaḻidon mamangoi bo diábí sinangka mako.

YEREMIA 37:10

Aka kuma bo moiko in mokotaḷow kon bayongan in tontara in Babel modapot in inta kinotaḷáan in dongkadon intau mita inta kinekeban modaḷom kon bonu in ḷoḷaigan monia, táe mosia in mobangonbí bo monurub modapot in mopayong in kotá tanaa.’ ”

AMOS 2:14

Umpaka intau inta totok in moḻikat yo diábí doman mokoḷagui; intau moropot in kobuḻianbí in ropotnea, bo intau motorindog in diábí mokoposaḷamat kon awaknea tontaní.

MIKHA 5:11

Ajimatmu mita inggamáan-Kudon bo bayongan in mononoḻindapmu posíon-Ku.

IBRANI 11:34

tuḷu inta noborambang nopiong monia, bo mosia in diábí kinotakuḷan. Mosia in noḻemé táe nobaḻí noropot, mosia noḷoḷakidon kon pinoparangan sahingga in sinaḷow monia in tontara mita in bangusa ibanea.