AMOS 5:8 - Alkitab Singog In Mongondow Masa In Tanaa

⁸ Ki Tuhanbí inta nomia kon tundi mita kon toḷungayá – tundi Belantik bo tundi Kartika. Sia in nomaḷui kon sindip nobaḻí bayag bo singgai nobaḻí doḷom; tubig nongkon dagat pinobutak-Nea kon toba. Inta nogaid kon tua mita tangoi-Nea in ki Tuhan.

AMOS 5:8 ပူးပေါင်းရင်းမြစ်များ

AYUB 12:22

Sinimbayagan-Nea in tampat mita inta nodingungui; sinindaran-Nea in oḻinow mita inta morondí bo mosindip.

AYUB 37:13

Ki Allah in nobogoi in uyan sin momuntad kon butá, andeka doman mohukum kon umat intau; degá mopoontong doman kon i monia, kon totuu moḷoben in tabi-Nea inta mononoi.

AYUB 38:34

Degá motaau in iko mopomaḷú in parenta kon goḷom, bo mopotabá kon inia mamangoi kon inimu pongin uyan?

AYUB 9:9

Sinampat-Nea in tundi mita in toḷatan kon ḷangit, bo tundi doman Biduk, tundi Belantik bo tundi Kartika.

MAZMUR 104:20

Aka poangoi-Mu in sindip, singgai in modoḷomdon, bo bayongan in mahaḷuk kon kayuon in maya-mayá mako.

MAZMUR 105:28

bo mosia in motoindudui kon parenta-Nea. Bo binaḻí i Tuhan in butá tatua sinimindip komintan.

YESAYA 42:16

Bangusa-Ku inta bilog in kapiton-Ku pongin daḷan inta diá kinotaauan monia; mosia in diaan-Ku kon daḷan mita inta diá kinotaauan monia. Sindip baḻíon-Ku bayag kon i monia, bo daḷan inta notangkaḻembong in tondodaion-Ku. Tuata in aidan-Ku kon i monia, bo notantú bidon kon aidan-Ku.

YESAYA 59:10

Kami in mongokap naonda bo intau bilog; kon noutu in singgai kami in moipintud naonda bo moonggot kon doḷom; kon yuak in intau nobiag kami in naonda bo intau minatoi.

YEREMIA 16:21

“Tuamai,” guman i Tuhan, “kon tanaa baḻíon-Ku in bangusa mita mokorasa kon kawasa bo ropot-Ku sinbá modapot in mononoi mosia in monotaaudon kon Akuoibí in Tuhan.”

YEREMIA 33:2

inta nomaḻí kon butá bo nomia poḷat nogukat kon tampatnea. Sia in noguman,

AMOS 4:13

Buḷud bo tompot, ki Tuhanbí in nomaḻí; tomayá-Nea in pinoniata-Nea kon intau. Sia in nomia kon singgai bo doḷom; kon popod mita in butá Sia in nodondaḷoi, Ki Tuhan Allah Inta Totok in mokawasa, tuata in tangoi-Nea.

AMOS 8:9

Moiangoibí in wakutunea baḻíon-Ku in mata in singgai tumoyop moutupa in singgai bo dunia in simindipdon kon dodai in singgaipa. Akuoi, ki Tuhan, Inta Totok in moḷantud, ain nosingog.

AMOS 9:6

Ki Tuhan in moposindog in baḷoi-Nea moyayú kon toḷungayá, kon tudu in butá pinosindog-Nea in ḷangit nobaḻí kubah, bo tubig nongkon dagat pinopobutak-Nea kon toba, inta nogaid kon tua mita tangoi-Nea in ki Tuhan!

MATIUS 4:16

Bangusa inta nobiag kon bonu in sindip, mosia aindon nokoontong kon bayag inta moḷoben! Bo mosia inta nogutun kon ḻipú inta kinokoḷubungan in maut nomukádon in bayag!”

LUKAS 1:79

natua in Sia monimbayag kon bayongan intau inta nobiag kon sindip bo inta umuran moondok. Sia in nodia kon i naton mayá mongin daḷan inta mopobayá in tampat inta mopia.”