AMOS 5:5 - Alkitab Singog In Mongondow Masa In Tanaa

⁵ Dika mayá in Bersyeba sin moibada. Dika motayak kon i-Nakó kon Betel, sin Betel in moinggamábí. Dika doman mayá in Gilgal, sin intau kon kotá tatua in akutonbí pobayá in poḷumbúan.”

AMOS 5:5 ပူးပေါင်းရင်းမြစ်များ

KINOBAḺIAN 21:31

Tuamai tampat tatua in sinangoian intau Bersyeba, sin kon tuata taya dua nongongibotan.

KINOBAḺIAN 21:33

Bo ki Abraham nopomuḷa in pangkoi in kayu tamariska kon Bersyeba bo nongkon dodaidon tatua tampat tatua pinakénea mosumba kon i Tuhan, Allah inta mononoi.

KINOBAḺIAN 26:23

Onda intua ki Ishak nobuat bo noiyaput kon Bersyeba.

KINOBAḺIAN 26:33

Bo ki Ishak nonangoidon kon parigí tatua “Ibot”. Tuata in kinobobaḻí muna in kotá tatua sinangoian Bersyeba.

DATU MITA IMITÁNEA 12:28

Naonda in noporai-raimai kon tua, nomia in sia kon patong sapi buḷawan bo noguman kon rayat, “Bangusa in Israel! Noonggotdon in moiko in minayá in Yerusalem sin moibada. Tanaa in naadon in ilahmu mita inta ain nodia kon i monimu iḻumuai nongkon Mesir!”

DATU MITA IMITÁNEA 12:29

Bo ki Yerobeam in nopoukat in sapi buḷawan tobatú tatua kon Betel bo ibanea in kon Dan.

DATU MITA 2 23:8

Bayongan in imang inta nogutun kon kotá mita in Yohuda in pinoki angoian i Yosia kon Yerusalem, bo kon ondaka kon bayongan in butá in Yohuda pinoponajisnea in mezbah mita in dewa kon tampat inta ain pinobogoian in imang mita kon kuruban. Imang mita tatua in diádon inogoi mopobayá in ibada kon Baḷoi Tuhan. Táe, mosia in motaaubí in mokaan kon roti diá iragian inta sinadia kon yobayat mita topogaidan monia. Mezbah mita inta ain sinantú kon posumbaan kon dewa kon diug in Bonawang i Yosua walikota in butá tatua, in inumpag. Bonawang tatua in noiukat kon dotá in koḷoigi in Bonawang totokanea kon daḷan tumuot in kotá.

AYUB 8:22

Intau inta mondoí kon inimu in mooyábí bo morasa kon moompádon, bo baḷoi in intau moraat in poguyaatonbí modapot in moyopú.”

MAZMUR 33:10

Ki Tuhan in nopogogai kon bayongan in tomayá mita in bangusa mita, Sia in nonginggamá kon niat monia.

YESAYA 29:20

Tuata in imbuit in intau mita inta mondorot kon intau ibanea bo inta moningkuḻe kon i Allah. Ki Allah in moyopúdon kon bayongan in intau baradosa,

YESAYA 8:10

Pomiadon kon tomayá, táe bayongan tua diábí in motuoi. Gamádon in bontow in tosingogon, táe diábí in baragunanea, sin ki Allah in kotaki-takin nami.

YEREMIA 48:13

Moab in mokudaibí kon Kamos, dewa monia, naonda bo intau in Israel nokudai in gina monia kon Betel inta pinongata monia tua.

HOSEA 10:8

Kuil mita kon tombuḷud mita kon Betel tampat in intau in Israel mosumba kon berhala, in rimumudon. Dugi bo bonok in mobiagbí kon mezbah monia. Bo mosia in momaḷúbí kon buḷud mita, “Bumbunaidon in kami!” bo kon tombuḷud mita, “Dantugaidon in kami!”

HOSEA 12:11

Akuoi in nosingogdon kon nabi mita, bo nobogoidon in nobayong in oontongon kon i monia. Pinongin i monia Akuoi nopotaau in tomayá-Ku mita kon i monimu, umat-Ku,

HOSEA 4:15

Ei moiko intau in Israel, moiko in diá motoindudui kon i-Nakó! Táe, harapon-Ku mako Yohuda in diá mogaid kon taḷá ná inta inaidan monimu! Dika moibada kon Gilgal andeka kon Betel. Dika mongibot kon tua podoyon kon tangoi i Tuhan inta nobiag.

HOSEA 9:15

Ki Tuhan in noguman, “Bayongan in aid moraat monia pinangkoi kon Gilgal. Kon tuata nomangkoidon noyaat in gina-Ku kon i monia. Popisí in aid monia inta moraat, poguntunon-Kubí in mosia nongkon butá-Ku tanaa. Akuoi in diábí motabi bui kon i monia; bayongan in itoi monia ain noḷawang kon i-Nakó.

AMOS 1:5

Bonawang mita in Damsyik in poguyaaton-Kubí, bo intau in Ḷopá in Awen in simpatan-Ku kodariton nongkon pogogutunan monia. Mongongawasa in Bet-Eden in poponagon-Kubí nongkon ḷoḻitúan pomarentaannea, bo intau in Siria in dakoponbí poḷat diaan kon butá in Kir.”

AMOS 3:14

Kon singgai hukumon-Ku in intau in Israel popisí in dosanea, yopúon-Kubí in mezbahnea mita kon Betel. Batúan in mezbah putoḷanbí in ubungnea mita dá moḷabú kon butá.

AMOS 4:4

Ki Tuhan Inta Totok in Moḷantud in noguman, “Ei umat in Israel! Bayádon kon pooibadaan kon Betel, bo pogaidon kon dosa kon tua! Bayádon in Gilgal, bo pogaidon kon dosa kinoibog in ginamu! Kumudungdon in moposumba in kuruban pomuḷoi in doḷo-doḷom, bo modia kon mopuḷú noporosen nongkon bayongan inta nouḻímu pomuḷoi in toḷu nosinggai!

AMOS 7:10

Ki Amazia, imang kon Betel, nokidia in lapuran tanaa kon i Yerobeam datu in Israel, “Ki Amos in koyogot noyopakat in rayat monayow kon i Tuang datu. Tosingogonnea mita inta monundud kon patú in rayat in mokopopisí kon butá tanaa in morimumud.

AMOS 7:13

Dikadon mohutuba kon Betel. Kotá tanaa in sinondíbí tongá kon i datu, bo tampat pooibadaan in dodatuan.”

AMOS 7:17

ki Tuhan in noguman kon ki buḷoimu in mobaḻí sundaḷ kon daḷan mita in kotá, bo ki adímu mita in ḻimodon kon parang. Butámu in silaionbí magí mako kon intau ibanea, bo iko tontaní in matoibí kon butá in intau inta diá nonotaau kon i Tuhan. Intau in Israel in notantú bidon kon akuton pobayá in poḷumbúan, moyayú nongkon butánea tontaní.”

AMOS 7:9

Tampat mita inta pinaké in buí i Ishak poibadaan in rimumudonbí. Tampat mita motusi in intau in Israel in umpagon. Yopúon-Kubí in buí i Datu Yerobeam.”

AMOS 8:14

Intau mita inta nongibot pinodoyon kon berhala in Samaria takin moguman, ‘Podoyon kon dewa in bangusa in Dan’, andeka ‘Podoyon kon i Dewa Bersyeba’ – in moḷabúbí bo diádon mobangon bui.”

KORINTUS 1 1:28

Ki Allah in nomiḻí kon inta inanggap noompá, nohina, andeka inta inanggap diá moponting in dunia naa.

KORINTUS 1 2:6

Umpaka, natua yo umuranbí doman oumanon in soaḷ kabijaksanaan i Allah kon sigad in intau mita inta totu-totuudon nopirisaya. Táe deemanbí kabijaksanaan in dunia, andeka kabijaksanaan pongawasa mita masa in tanaa, inta kawasanea in moinggamábí.

ULANGAN 28:41

Moiko in mokouḻíbí kon adí mita ḷoḷaki bo bobay, táe mosia in gamáandon mobaḻí tawanan in parang, dá moiko in kobuḻiandon monia.

YOSUA 5:9

Ki Tuhan noguman kon i Yosua, “Singgai in naa kinohinaan monimu nobaḻí ata mita kon Mesir ininggamáan-Kudon.” Tuamai tampat tatua sinangoian Gilgal dapot in tanaa.

WAHYU 18:17

Táe tongá kon bonu in wakutu tojam, sia ain kinobuḻian in bayongan kaoyúonannea tatua!” Komintan kapiten in kapaḷ, intau mita inta sinumakoi, bo intau mita inta nogaid kon bonu in kapaḷ, takin bayongan intau inta totayaknea kon dagat, sinimindog nongkon noyayú.

SAMUEL 1 11:14

Bo nogumandon in ki Samuel kon i monia, “Koḻigai in kita komintan mayá in Gilgal bo baḻíondon in Saul datu naton.”

SAMUEL 1 7:16

Pomuḷoi in taong sia mayá moḻibu kon Betel, Gilgal, bo Mizpa. Bo kon tampat mita tatua sia mopoyotutui in pelekara mita yogenggengan.

SAMUEL 1 8:2

Adínea guya-guyang tangoinea in ki Yoël bo inta nogindua in ki Abia. Mosia in nobaḻí hakim kon Bersyeba.