AMOS 5:4 - Alkitab Singog In Mongondow Masa In Tanaa

⁴ Ki Tuhan in noguman kon intau in Israel, “Pobuidon mangoi kon i-Nakó, dá mobiagbí in moiko.

AMOS 5:4 ပူးပေါင်းရင်းမြစ်များ

DATU MITA 2 20:3

“Tuhan, toropa kaasí in akuoi naa inta ain nogundoi kon ini-Mu sinumoḷutui bo notuḻid in gina. Akuoi in umuranbí noḷongasi dinumudui kon ibog-Mu.” Bo nongombaḷdon totok in ki Hizkia.

TAWARIKH 1 28:9

Bo ki Daud in noguman kon i Salomo nanaa, “Adíku, igumonku sinbá ki Allah inta sinumba i amámu, in akuonmu nobaḻí ki Allahmu. Iko in mustibí mogundoi kon i-Nia takin ḻimbatúon in gina bo gina mobayag. Sin kinotaauan-Neabí in bayongan raian bo ibog naton. Aka iko motayak kon i-Nia, yo mouḻímubí in Sia, táe aka iko monaḷámai kon i-Nia, yo indoíon-Nea bidon in iko modapot in mononoi.

TAWARIKH 2 15:2

dá minayá in sia nokipodungkuḷ kon i Datu Asa, bo noguman, “Uḻe Datu Asa, bo bayongan in intau inta nogutun kon Yohuda bo kon Benyamin! Indongogai! Ki Tuhan modagin kon i monimu aka moiko modagin kon i-Nia. Aka moiko mopoigum in topotundú i Tuhan, yo ogoian-Neabí doman. Táe aka moiko doí mopandungmai kon i-Nia, yo diábí doman in Sia mopandungmai kon i monimu.

TAWARIKH 2 20:3

Noondok in ki Yosapat bo nosambayang in sia nopoigum in totundú i Tuhan. Onda intua sia in nomarenta sinbá bayongan in rayat mopuasa.

TAWARIKH 2 20:4

Nongkon batúan in kotá kon Yohuda intau mayá in Yerusalem sin mopoigum in totuḷung i Tuhan.

TAWARIKH 2 34:3

Naonda in waḷudon notaong in nobaḻí datu, kon umur inta totokpa in noguod, ki Yosia in nomangkoidon noibada kon i Allah inta sinumba i Datu Daud mogoguyangnea. Opat notaong noiduduimai nomangkoidon in sia norimumud kon tampat mita pososumbaan kon berhala, patong mita i dewi Asyera, bo berhala mita ibanea.

MAZMUR 14:2

Nongkon Soroga ki Tuhan moindoi kon umat intau sin motayak kon intau mobijak inta mosumba kon i-Nia.

MAZMUR 22:26

Kon yuak in poyodungkuḷan in umat akuoi in modayow kon ini-Mu, sin bayongan in inta ain inaidan-Mu. Kon tayowon in umat inta mopirisaya posumbaku in kuruban inta pinodandiku.

MAZMUR 27:8

Iko in noguman, “Angoidon posumba kon i-Nakó.” Sinubagan-Ku, “Akuoi in ḷagidon mamangoi, o Tuhan;

MAZMUR 69:32

Tuabí in kinoibog i Tuhan nongkon kuruban sapi, kuruban sapi koḷakian inta moḷoben.

MAZMUR 69:33

Mokoontong kon tua, inta dinorot mopia-pia in gina, intau inta mosumba kon i Allah moḷoben in gina.

YESAYA 31:1

Moboditodon in intau inta mayá in Mesir sin mokituḷung! Mosia in mopongatabí in ropot in tontara in Mesir inta tumakoi kon kabaḷo bo kabaḷonea inta mongoropot bo keretanea inta mobayong. Táe mosia in diábí mopirisaya kon i Tuhan, Allah mokudus in Israel bo diá mokituḷung kon i-Nia.

YESAYA 55:3

Indongogaidon, ei bangusa-Ku, angoidon kon i-Nakó, moiko in ogoian-Ku in kobiagan inta mononoi. Pinodoyon kon tabi bo kososatia inta pinodandi-Ku kon i Daud, Akuoi in notogot kon dandi mononoi takin i monimu.

YEREMIA 38:20

“Diá,” tubagku, “Ki Tuang datu in diábí ogoi kon i monia. Poigumonku totok sinbá ki Tuang datu in dumudui kon koyow i Tuhan; dá tua komintan in moḷapatbí, bo ki Tuang datu in diábí ḻimodon.

YEHEZKIEL 18:9

Sia in dinumuduibí kon parenta-Ku bo motoḷutui kon hukum-Ku mita. Intaubí mojujur natua in mobiag. Akuoi, ki Tuhan Inta Totok in moḷantud ain nosingog.

HOSEA 10:12

Akuoi in moguman, ‘Ei Israel! Bukádon in gobá mobagu kon inimu, ponimboidon in bibit in kooadil, bo koyutdon in barakat inta pinomungai in tabimu inta totu-totuu kon i-Nakó. Sin, wakutuneadon iko in motayak kon i-Nakó, ki Tuhanmu. Akuoi in mamangoibí bo mopoinggú in barakat-Ku kon inimu.’

AMOS 5:6

Pobuidon mangoi kon i Tuhan, dá moiko in mobiagbí. Aka moiko mobui mangoi kon i-Nia, Sia in mamangoibí naonda bo tuḷú inta ḷumekep bo momagong kon bayongan intau in Israel. Kon Betel diábí tobatúmai in intau in mokopiong kon tuḷú tatua.

ZEPANYA 2:3

Angoidon bui kon i Tuhan, ei bayongan intau inta moompá in dodia kon butá tanaa, bo bayongan in intau inta dinumudui kon parenta-Nea mita. Pogaidon kon onu inta kinoibog i Tuhan, bo pokoompádon kon dodia kon tayowon-Nea. Dika-dika bo iko in moisimparut nongkon hukuman kon singgai ki Tuhan mopoontong in torú-Nea.

MATIUS 7:8

Sin pomuḷoi in intau inta moigum motarima; bo intau inta motayak in mokouḻí; bo intau inta monangkokó, pobukatan kon ḷoḻingkop.

ULANGAN 32:46

ki Musa noguman, “Tarukiradon in bayongan parenta inta pinotaauku kon inimu singgai naa. Tundúdon kon i adímu mita, sinbá mosia umuran mosatia in mopoaid in bayongan hukum i Tuhan.

ULANGAN 32:47

Topotundú mita tatua in deemanbí tosingogon mita inta diá in mangaḻenea, táe kobiaganmubí. Duduiaidon in bayongan parenta tatua, sinbá moumur in kobiagan monimu kon butá inta diádon moonggot bo ḻitúan monimu kon ḷoḷan in Ongkag in Yordan.”

ULANGAN 4:29

Bo moiko in motayakdon kon i Tuhan Allahmu, bo aka moiko motayak kon i-Nia takin ginamu totu-totuu, yo mouḻímubí in Sia.