AMOS 5:26 - Alkitab Singog In Mongondow Masa In Tanaa

²⁶ Táe tanaa moiko in nosumba kon Sakut inta inanggap monimu datumu tatua, bo Kewan, tundi inta sinumba monimu tua. Tuamai in patong mita inta ain pinomia monimu tua in musti akuton monimu tontaní.

AMOS 5:26 ပူးပေါင်းရင်းမြစ်များ

DATU MITA IMITÁNEA 11:33

Aidan-Kubí intua sin ki Salomo in nonaḷámaidon kon i-Nakó bo nosumbadon kon dewa mita, inta ki Asytoret, dewi in bangusa in Sidon, Kamos, dewa in bangusa in Moab; bo Milkom, dewa in bangusa in Amon. Ki Salomo in diá dinumudui kon ibog-Ku. Diá notongkai in sia i amánea ki Daud inta motoindudui kon i-Nakó bo nogaid kon parenta-Ku mita.

YEHEZKIEL 20:16

Indoyó-Ku tatua in siningog-Ku popisí in mosia nonaḷámai kon parenta-Ku mita, iḻimimpat kon hukum-Ku mita bo noponajis kon singgai in Sabat. Mosia in moibo-ibogbí in mosumba kon berhala mita monia.

IMAMAT 18:21

Dika mobogoi in adímu tongáka tobatú sin pokuruban kon bonu in posumbaan kon i dewa Molokh, sin oaid tatua mopoompábímai kon tangoi i Allah, ki Tuhanmu.

AMOS 5:27

Kon tungkuḷ in ḷumbúon-Ku in moiko kon butá tobatú inta noyayú nongkon Damsyik. Akuoi ki Tuhan inta tangoi-Ku ki Allah Inta Totok in mokawasa ain nosingog.”

OUMAN IN RASUL MITA 7:43

Sin ki dewa Molokhbí in umuran untu-untuon mako monimu kotaki-takin patong ki adí in sapi inta ki Repan; tuata in patong inta pinomia monimu sin sumbaan. Tuamai in ḷumbúon-Kudon in moiko koyayúon kon ḻimako, kon ḻipú in Babel.’