AMOS 5:24 - Alkitab Singog In Mongondow Masa In Tanaa

²⁴ Mopia-piabí kon poḷongasi sinbá kooadil in moiḻig naonda bo tubig, bo kojojujur naonda bo ongkag inta diá moingka-ingkag.

AMOS 5:24 ပူးပေါင်းရင်းမြစ်များ

AMSAL 21:3

Oaid inta moadil bo mobanar in mokosanang totok kon gina i Tuhan moiḻiu kon bayongan in sosumba.

YESAYA 48:18

Aka kuma bo iko noindoimai kon parenta-Ku mita, dá kobiaganmu motompia in naonda bo ongkag inta diá moingka-ingkag, bo kamujuranmu in naonda bo bokoḷ kon dagat inta diá mogoga-gogai.

YEREMIA 22:3

“Pokoadildon bo pokojujur. Poḷuatdon nongkon kawasa in inta monondorot in intau inta dinorot. Dika mondorot andeka mopoaid in moraat kon intau ango-angoi, adí uno-unon, andeka boba-bobay. Dika moḻimod kon intau inta diá kotaḷá kon tampat tanaa.

YEHEZKIEL 45:9

Ki Tuhan Inta Totok in moḷantud in noguman, “Tugatdon in dosamu mita, ei mongongawasa mita in Israel! Gogaiaidon in dodiamu inta mopomia ibo-ibog bo mondorot kon rayat tua. Aidaidon in onu inta moitutui bo moadil. Dikadon mokoimontanmai in moiko in mopoguntun kon umat-Ku nongkon butá monia. Akuoi, ki Tuhan Inta Totok in moḷantud in nomarenta kon tua kon inimu.

HOSEA 6:6

Ibogon-Ku totok in moiko totokdon in monotaau kon i-Nakó bo umuran motabi kon i-Nakó, dika in motubá in moiko bo moposumba in kuruban kon i-Nakó.

AMOS 5:23

Gogaiaidon in dondongmu mita inta mokobinim-biní tua; Akuoi in doíbí mokidongog kon pogogitoganmu kon kecapi.

AMOS 5:7

Moboditodon in moiko, moiko inta mopoyotuuy kon inta moadil bo mogagow kon hak in intau!

MIKHA 6:8

Diá! Ki Tuhan in noponiatadon kon i naton onu inta mopia. Igum-Nea kon i naton in tongábí mopoaid in inta moadil, umuran moponiata in totabian, bo takin ompá in gina mobiag motobatú takin i Allah naton.