AMOS 5:13 - Alkitab Singog In Mongondow Masa In Tanaa

¹³ Popisí in aidmu tatua, dá intau mita inta mobijaksana mokorasa kon mopia-piabí kon kibio-biómai kon sempo inta moraat ná tatua.

AMOS 5:13 ပူးပေါင်းရင်းမြစ်များ

DATU MITA 2 18:36

Nokodongogmai kon tua, intau mita in Yerusalem diábí notubag, sin ki Datu Hizkia in nogumandon kon i monia kon kibio-biómaidon.

AYUB 32:16

Mosia in dongkadon simindog mako, diádon in mokosingog bui. Degá musti in akuoi mogoḷat umpaka mosia tongá kibio-biómai?

MAZMUR 38:14

Táe akuoi in nádon onda bo intau bongoḷ inta diá mokodongog, naonda bo intau bobó intau diá mosingog.

MOHOHUTUBA 3:7

wakutu momerak bo wakutu modagum, wakutu kibio-biómai bo wakutu mosingog.

MOHOHUTUBA 9:12

Intau naa in diábí nonotaau mongo toonu in wakutunea mamangoi. Naonda bo ḷagapan noibaaḷ bo toyá noikarit, natua doman in intau kinotugatan in bodito kon tungkuḷ inta diá kon gina-gina mako.

YESAYA 36:21

Nokodongog kon tua, intau mita in Yerusalem diábí notubag, sin ki Datu Hizkia ain nomarenta sinbá mosia kibio-biómai.

YESAYA 37:3

Naa in koyow i Hizkia inta pinoyaput monia kon i Yesaya, “Singgai in naa singgai in ponogumatoian; kita in ihukum bo siningkuḻe. Kita in naonda bo bobay inta mononggadídon, táe kinodaitandon in ropot.

HOSEA 4:4

Ki Tuhan in noguman, “Ei imang mita, dikabí in moiko mopotaḷá andeka tumorú kon umat-Ku, sin moikobí in potaḷáan-Ku!

AMOS 6:10

Intau tobatú inta kon motoḷuadían inta monoḻisí kon poḷobongan kon inia, in mamangoibí bo modia ḷumuai kon mayat in ginaḷumnea. Sia in momaḷúbí kon intau inta kon tumimai in baḷoi tatua, “Oyúonpa degá in nobiag koḻikud in iko?” Dá kodongogandon in tubag moguman, “Diá!” Tombonu in motoḷuadí inta pinoki ḷobongan tatua in moguman, “Dikadon mosingog bui! Kita in diábí motaau in monangoi kon tangoi i Tuhan.”

MIKHA 2:3

Manangka intua ki Tuhan in noguman, “Akuoi in nonomayádon kon mokobodito poḷabú kon i monimu, dá moiko in diábí moipaḷuput. Kon tungkuḷ nahat tatua moiko in diábí mokobayá takin ḷumoḷatúpa bui.

HABAKUK 3:16

Nokodongogmai kon tua, inagían in ondok in akuoi bo bibigku in motondodaḷó. Akuoi in nobaḻí noḻemé diádon in ropot, sioḷku in noipintud, kon ondaka in bayáanku. Oḷatonkubí takin gina moodom in hukuman i Allah kon mononubu.

EPESUS 6:13

Manangka intua, tanaa, pakédon touḷut in parang nongkon i Allah sinbá kon singgai moraat naa, moiko in mokosanggup monayow aka tubuon in saturu mita. Bo bá naonda in moiko moparang dapot in mopaḷut, yo umuranpa motorindog bo moropot in moiko.

TIMOTIUS 2 3:1

Toropdon in naa: Kon singgai tumi mobayong in roriga in korasaan.