AMOS 5:11 - Alkitab Singog In Mongondow Masa In Tanaa

¹¹ Moiko in mondorot kon intau bogá bo gandumnea in agowon monimu. Tuamai in moiko in diábí mogutun kon bonu in baḷoimu mita inta totok in mopia, inta ain pinosindog monimu tatua. Moiko in diábí monginum kon anggur mita nongkon gobá mita in anggur inta pinomuḷa monimu.

AMOS 5:11 ပူးပေါင်းရင်းမြစ်များ

AYUB 20:19

Sin sia in mondorot bo mopomayá mako kon intau inta diá koonu bo onu; sia in mogagow kon baḷoi mita inta deeman sia in noposindog.

YESAYA 16:10

Diá tobatúmai in noḷunganga in gina kon gobá mita inta noḷumbá tatua. Diá in nomaḷú nopia-pia in gina andeka nodondong kon gobá in anggur. Diá in nomugut kon anggur sin pomiaan tubig in anggur. Akuoi in nopogogaidon kon goḷokap pia-pia in gina monia.

YEHEZKIEL 26:12

Musungmu mita tatua in mogagowbí kon bayongan in kaoyúonan bo daganganmu. Mosia in morumbunbí kon dindingmu mita bo mogumpag kon baḷoimu mita inta mogaga totok. Gamáanbí monia in batunea mita, dopí mita bo butánea, bodongka pogambat kon bonu in dagat.

YEHEZKIEL 34:21

Moiko in nogundud poḷat nondangat kon domba inta notakit nodapot in moitondí in mosia nongkon paanan in domba.

HOSEA 9:2

Táe diádon moonggot moiko in kodaitandon in gandum bo ḷana in zaitun, bo anggur in modait domandon.

IMAMAT 26:16

yo hukumon-Ku in moiko. Popoangoi-Ku in bodito kon i monimu, mogobu bo mopatú inta diá koundaman, modapot in matamu mobilogdon bo kobobiag monimu in diádon mosanangmai. Moiko in monompinomuḷabí táe diábí moikaan kon bungainea, sin musungmu mita in momangoi bo monaḷow kon i monimu bo mogagow komintan kon onu inta pinomuḷa monimu.

AMOS 2:6

Ki Tuhan in noguman, “Intau in Israel ain nopobui-buimai binaradosa, tuamai in notantú bidon kon hukumon-Ku in mosia. Intau mojujur inta diá mokopobui kon iḷuanannea, ain pinotaḷui monia nobaḻí ata. Natua doman in aid monia kon intau nobiag nobogá inta diá nokouboḻi kon boḻinea, umpaka boḻinea tatua tongá ná boḻi in aip in sioḷ togapang.

AMOS 2:7

Mosia in nondorot kon intau moyangkó inta diá mokopongonu bo moposí in intau nobogá. Ki ata monia bobay tobatú in siniugandon i amánea bo i adínea ḷoḷaki, dá nokokotordon kon tangoi-Ku inta motusi.

AMOS 3:15

Baḷoi mita inta pakéon kon sempo in tumping bo baḷoi mita pogogogaian kon sempo in pononinggai in rimumudon-Kubí. Baḷoi mita inta iḷambáan in uwaḷa in gajah in moumpag; bayongan in baḷoi moḷoben in morimumud.

AMOS 3:9

Potaaudon in naa kon intau mita inta nogutun kon komaḻig in Mesir bo Asdod, “Poyosipundon kon buḷud mita kon diugmai in Samaria, bo indoiaidon in kotombaukan moḷoben bo pogagowan inta nobaḻí kon tua.”

AMOS 4:1

Indongogai, ei bobay mita in Samaria inta koḷongó-koḷongó naonda bo sapi mita inta noḷomumu kon Basan! Moiko in mondorot kon intau moyangkó, mogamá kon kapunyaan in intau bogá, bo momakisa kon i buḷoimu sinbá umuran mopooyúon in oinumon mokoḷoḷangu kon inimu!

AMOS 6:11

Aka ki Tuhan in momarenta, yo baḷoi mita moḷoben mointok in rimumudonbí.

AMOS 6:12

Yo degá mokoribatukpa in kabaḷo kon buḷud batu? Nokoimontandon degá in intau nopomajeko in sapi kon dagat? Táe moiko in nonuuidon kon kooadil nobaḻí rasum inta mokopatoi, bo inta moitutui mobaḻí moitaḷá.

AMOS 8:4

Indongogaidon, ei moiko inta nondorot kon intau bogá kon butá tanaa nodapot in mosia noyopú!

AMOS 9:14

Baḻíon-Kubí in umat-Ku Israel mobiag motomoman bui. Mosia in buibí moposindog in kotá mita monia inta ain noumpag, bo mogutundon in mosia kon tua. Mosia in buibí momuḷa kon gobá mita in anggur, bo monginum kon anggurnea. Mosia in monompinomuḷa, bo mokaan kon bungai in boyónea.

MIKHA 1:6

Manangka intua ki Tuhan in noguman, “Baḻíon-Kubí in Samaria bontuyungan in apug kon rawang, bo tampat pomomuḷaan in intau kon pangkoi in anggur. Rumbun in kotá tatua in pogonag-Kubí kon bonu in oyuknea, bo apadnea mita in toko kaḻion-Ku.

MIKHA 2:2

Aka mosia moibog in gobá, yo agowon monia. Aka moibog in mosia in baḷoi tobatú, yo tuoton monia. Pinomayá kapunyaan andeka motoḷuadí, diábí in moaman.

MIKHA 6:15

Moiko in moponimboibí in gandum, táe diábí mokoyut kon bungainea. Moiko in mogaidbí kon ḷana nongkon bungai in zaitun, táe diábí mokopomaké kon ḷananea. Moiko in momugutbí kon anggur, táe diábí moiinum kon tua.

ZEPANYA 1:13

Kapunyaan monia in agowonbí bo baḷoi mita monia in rimumudon. Mosia in mobaḷoibí, táe diábí koutunannea. Mosia in momuḷabí kon anggur táe diábí moiinum kon tubignea.”

HAGAI 1:6

Moiko in noponimboidon in nobarong in bibit, táe bungai in boyómu tongá topiḻik. Oyúon in kaanon monimu, táe diá mokobotug kon sianmu. Oyúon in anggur kon i monimu, táe diá mokoorop kon ginamu. Oyúon in ḷambung monimu, táe diá mokoinggamá kon tumpingmu. Bo tondan in pinogaidan in mogogaid in diá tugat pakéon kon kobiagan monia moiduduimai.

MALEAKHI 1:4

Aka buí i Esau, intau mita in Edom tatua in noguman, “Kotá mita nami ain irimumud, táe buibí posindogon nami,” dá ki Tuhan in motubag, “Mosia in motaaubí moposindog bui, táe bui-Kubí umpagon in sia. Mosia in tangoionbí ‘Butá moraat’ bo ‘Bangusa inta kinotugatan in torú i Tuhan modapot in mononoi.’ ”

ULANGAN 28:30

Aka moiko diá motoindudui kon i Tuhan Allahmu, tanaa mita in moiuma kon inimu: Moiko in mongantangbí, táe intaubí ibanea in mobuḷoi kon i kantangmu. Moiko in moposindogbí in baḷoi, táe diábí utunanmu intua. Moiko in momuḷabí kon gobá in anggurmu táe diábí moikaan kon bungainea mita.

YAKOBUS 2:6

Táe moiko ain noningkuḻe kon intau mita inta nobiag nobogá, bokaka intaubí mita inta nooyúon in mondorot bo mogugut kon i monimu pobayá in pongadilan!