AMOS 5:10 - Alkitab Singog In Mongondow Masa In Tanaa

¹⁰ Moiko in doí kon intau inta monayow kon inta diá moadil bo inta mosingog kon totuu kon bonu in pongadilan.

AMOS 5:10 ပူးပေါင်းရင်းမြစ်များ

DATU MITA IMITÁNEA 18:17

Kon dodai in ki Ahab nokoontong kon i Elia, ki Ahab nomaḷú, “Naa in sia mononuyayow kon i Israel!”

DATU MITA IMITÁNEA 21:20

Naonda in ki Ahab nokoontong kon i Elia, sia in noguman, “Ei musung, imbuitnea nouḻímudon in akuoi!” “Totuu,” tubag i Elia. “Sin ki Tuang in takin ḻimbatú in gina nogaid kon inta moraat kon tayowon i Tuhan,

DATU MITA IMITÁNEA 22:8

Ki Ahab notubag, “Tobatúpa, ki Mikha ki adí i Yimla. Táe mobú in akuoi kon inia, sin diábí kon dodai in onda in sia in moguman kon onu in mopia in mobaḻí kon inakó; tantúbí inta diá mopia.” “Uḻe, dikabí natua!” tubag i Yosapat.

TAWARIKH 2 25:16

“Kibio-biómai,” guman i Amazia, “Aka diá, ḻimodon nami in iko! Diábí dodai in onda in kami noduí kon inimu nobaḻí monononggina i datu!” Dá kibio-biómaidon in nabi tatua, táe munadon in sia noguman, “Tanaa in kinotaauankudon kon ki Allah in nonantúdon kon moyopú kon i Tuang sin aid i Tuang tua, bo popisí in ki Tuang diá mopandungmai kon tongginaku.”

TAWARIKH 2 36:16

Táe mosia in nopoyambá in totabá mita i Allah tatua, bo kinosingan monia in nabi-Nea mita poḷat doman diá mopandungmai kon tosingogon-Nea mita. Imbuitnea ki Tuhan in sinumorúdon totok kon i monia dá diádon in daḷan ibanea kon i monia kon kotaḻiban in hukuman nongkon i-Nia.

AMSAL 15:12

Intau inta moibog mopoompámai kon intau ibanea in doíbí toboḷowon; doíbí in sia mopoigum in tonggina kon intau mobijaksana.

YESAYA 29:21

intau inta moibog moponapud in uboḷ, intau inta moḷamboi kon intau moraat in hukumon, bo intau inta mongonguman magí mako kon ouman uboḷ sinbá intau motuḻid diá mokouḻí kon inta moadil.

YESAYA 59:15

Diádon in intau inta mojujur, bo ki ine in yumayú kon inta moraat siadon tontaní in mobaḻí kuruban in aid moraat.” Ki Tuhan in nokoontongdon bo diábí nopia in gina-Nea kon diádon in koadilan.

YEREMIA 38:7

Kon dodai intua oyúon in intau in Sudan tobatú inta nogaid kon bonu in komaḻig i datu. Tangoinea in ki Ebed-Melekh. Kinodongogannea kon akuoi in binonudon kon bonu in parigí tatua. Kon dodai in ki datu koyogot nomia kon bakid kon Bonawang Benyamin,

HOSEA 4:4

Ki Tuhan in noguman, “Ei imang mita, dikabí in moiko mopotaḷá andeka tumorú kon umat-Ku, sin moikobí in potaḷáan-Ku!

IMAMAT 13:10

Aka podudui in hasil pinonaridian i imang bo kon kuḻit intau tatua oyúon in bobagá inta nonomata bo poyuntung kon kuḻitnea tatua nobaḻídon nobudó,

AMOS 5:15

Kodoídon in inta moraat, kotabidon inta mopia, bo posindogdon in inta moadil. Dika-dika bo ki Tuhan in motabidon kon intau mita inta kiagatneapa nongkon bangusa in Israel.

YOHANES 15:19

Aka kuma bo moiko nion in kapunyaan in dunia, dá kotabibí in dunia in moiko saḷaku kapunyaannea. Táe moiko ain piniḻí-Ku nongkon dunia naa, dá moiko in deeman bidon kapunyaan in dunia, tuamai dunia naa in mosaturu kon i monimu.

YOHANES 3:20

Sin intau inta momia kon moraat, moyaat in ginanea kon bayag, sin dikabo koontongan in oaidnea inta moraat tua.

YOHANES 7:7

Moiko in diábí kodoí in dunia naa. Táe Akuoi in memang kodoíbí in dunia naa, sin Akuoi in umuran moguman kon dunia kon oaidnea in moraat.

GALATIA 4:16

Yo degá saturuondon monimu in akuoi tanaa mako sin moguman kon totuu kon i monimu?

WAHYU 11:10

Moḷungangabí totok gina in bayongan intau kon dunia naa in mokoontong kon mayat in sakusi doyowa tatua. Porameanbí monia in kinopatoian nayadua tua. Bo mosia mosiogoianbí in tombuinag, lantaran nabi doyowa tatua ain nopoangoi in roriga moantó kon bayongan intau kon dunia naa.