AMOS 3:9 - Alkitab Singog In Mongondow Masa In Tanaa

⁹ Potaaudon in naa kon intau mita inta nogutun kon komaḻig in Mesir bo Asdod, “Poyosipundon kon buḷud mita kon diugmai in Samaria, bo indoiaidon in kotombaukan moḷoben bo pogagowan inta nobaḻí kon tua.”

AMOS 3:9 ပူးပေါင်းရင်းမြစ်များ

SAMUEL 2 1:20

Poigumon mako in intau mita in Gat diá nokodongog kon habar tatua. Poigumon mako in lorong mita in Askelon diá nokodongog kon habar soaḷ tatua. Dika modapot in bobay mita in Pilistin morogiowdon dika modapot in bobay kaper momaḷú moyotakin.

AMSAL 1:13

Gamáan naton in pakakat mita monia inta koboḻi, sinbá baḷoi naton mopuḻing in pakakat mita inagow.

AMSAL 11:16

Bobay inta mopia in gina mokouḻíbí kon kahoromatan, intau moromú in mosipun kon kaoyúonan.

MOHOHUTUBA 4:1

Onda intua sinaridianku bui in bayongan aid diá moadil inta nobaḻí kon dunia naa. Intau mita inta iroriga nongombaḷ bo diá in moibog motuḷung, popisí in intau mita inta mopororiga tua in kokawasa moḷoben.

YEREMIA 31:5

Moiko in mobukabí kon gobá in anggur kon buḷud in Samaria, bo ki inta nomuḷa in mosipúbí doman kon bungainea.

YEREMIA 46:14

“Yeremia, potaaudon in habar tanaa kon kotá mita in Mesir, inta kon Mempis, Migdol bo Tahpanhes, ‘Posadiadon moḷukad kon awak sin bayongan inta oyúon kon i monimu in modaitbí mogoguraat kon bonu in parang!

YEREMIA 50:2

“Posindogdon in tomponuot bo potaaudon kon bangusa mita kon Babel in ain noḷabú! Dika bunion in tua! Ki Merodakh dewanea in ain irimumud, bo patongnea mita inta mokotor in nobotak noirarit, takin doman berhalanea mita in totokbí in siningkuḻe.

YEHEZKIEL 36:8

Táe kon inimu in poguman-Ku ei buḷud mita in Israel, pangkoi mita in kayumu in momoḻimpingbí bo mobogoi in bungai bui kon umat-Ku Israel inta diádon moonggot bo mobui.

YEHEZKIEL 37:22

Mosia in baḻíon-Kudon tongobangusa kon butá tatua, kon buḷud in Israel. Mosia in parentaanbí in datu tobatú, bo diá bidon moyosilai bui mobaḻí doyowa nobangusa andeka dodatuan.

HOSEA 7:1

Ki Tuhan in noguman, “Pomuḷoi in Akuoi moibog monompia kon umat-Ku Israel bo mopoyobui in kaadaan monia, inta ontongon-Ku in tongábí aid moraat bo dosa monia. Mosia in mosiakaḷan, tumuot in mosia kon baḷoi in intau bo monakow, bo mosia in mogagow kon daḷan mita.

AMOS 1:8

Intau mita bo mongongawasa in kotá in Asdod bo Askelon in inggamáan-Kubí. Kotá in Ekron in hukumon-Kubí bo bayongan in ki agat in intau in Pilistin in yompaton-Kubí komintan.”

AMOS 4:1

Indongogai, ei bobay mita in Samaria inta koḷongó-koḷongó naonda bo sapi mita inta noḷomumu kon Basan! Moiko in mondorot kon intau moyangkó, mogamá kon kapunyaan in intau bogá, bo momakisa kon i buḷoimu sinbá umuran mopooyúon in oinumon mokoḷoḷangu kon inimu!

AMOS 5:11

Moiko in mondorot kon intau bogá bo gandumnea in agowon monimu. Tuamai in moiko in diábí mogutun kon bonu in baḷoimu mita inta totok in mopia, inta ain pinosindog monimu tatua. Moiko in diábí monginum kon anggur mita nongkon gobá mita in anggur inta pinomuḷa monimu.

AMOS 6:1

Moboditodon in moiko inta nobiag nopia kon Sion, bo moiko inta noodom kon Samaria – moiko ei itoi mita in ḻipú in bangusa in Israel inta notondí naa, moiko inta biasamai inangoian in rayat sin pokituḷungan!

AMOS 6:3

Moiko in moguman kon singgai koboditoan in moonggotpa, táe oaidmu mita in tongábí mogintoyong kon koangoian in singgai koḻingáan tatua.

AMOS 8:6

Gandum inta nogoguyaat motaau potaḷui naton komahaḷon. Kita in motayak kon intau bogá inta diá mokouboḻi kon boḻinea mita, umpakabí boḻinea tua in tongá ná boḻi in silop togapang, bo taḷuion naton in sia mobaḻí ata naton.”

MIKHA 6:10

Kon baḷoi in intau mita moraat oyúon in kapunyaan inta nouḻí noidoyon kon uboḷ. Mosia in nomaké in pogogukuran inta diá moitutui, aid inta kinodoí-Ku. Intau inta mogaid kon natua in hukumon-Ku.

SAMUEL 1 5:1

Naonda in intau in Pilistin nogagow kon Poti Dodandian i Allah, dinia monia nongkon Eben Haezer pinobayá in kotá monia, Asdod.