AMOS 2:8 - Alkitab Singog In Mongondow Masa In Tanaa

⁸ Kon batúan in pooibadaan, intau mita in mosiug takin mopogiḷambung in ḷambung inta ginamá monia saḷaku tontagú in boboḻian in intau bogá. Kon Baḷoi i Allah monia, mosia in nonginum kon anggur inta ginamá monia nongkon intau inta koboḻi kon i monia.

AMOS 2:8 ပူးပေါင်းရင်းမြစ်များ

IḶUAIAN 22:25

Aka moiko mopoḷuan in doit kon intau bogá inta kon sigad in bangusa-Ku, yo dikabí naonda bo mononagi kon boḻi inta moigum doman kon kauntungannea.

YESAYA 57:7

Moiko in mayá kon tudu mita in buḷud sin moposumba in kuruban bo mopoorop in ibog in awakmu.

YEHEZKIEL 18:12

Sia in monombuḻitokmai kon intau bogá, mogagow, mogamá kon pakakat mita inta nobaḻí tontogot in boboḻian kon inia. Sia in mayá kon kuil mita in intau inta diá nonotaau kon i Tuhan bo nosumba kon berhala inta mokorongó.

YEHEZKIEL 18:7

Sia in diábí kon dodai in onda in nonombuḻitok andeka nogagow. Pakakat mita inta nobaḻí tontogot in boboḻian kon inia umuranbí pobuionnea. Intau inta ginogoi inogoiannea in kaanon bo intau inta diá koḷambung inogoiannea in ḷambung.

YEHEZKIEL 23:41

Bo iḻimitú in mosia kon tudu in tosiugan inta mogaga. Kon tayowonnea oyúon in meja inta pinogoḷudan kon noyagi-yagimai in kaanon, takin dupa doman bo ḷana in zaitun inta ain inogoi-Ku kon i monia.

HOSEA 4:8

Moiko in mobaḻí mooyúon popisí in dosa in umat-Ku, tuamai in ibogon monimu sinbá mosia in umuran mogaid kon dosa.

HOSEA 7:14

Mosia in diábí totu-totuu mosambayang kon i-Nakó. Aka mosia mosambayang, mosia in umobatbí kon tosiugan monia, bo mogamui naonda bo onu inta inaidan in intau mita inta diá mopirisaya kon i-Nakó. Aka mosia mosambayang moigum kon gandum bo anggur, mosia in monongkekeb kon awak ná inta inaidan in intau mita inta nosumba kon dewa. Mosia in totu-totuubí kon moḷawang kon i-Nakó.!

AMOS 3:14

Kon singgai hukumon-Ku in intau in Israel popisí in dosanea, yopúon-Kubí in mezbahnea mita kon Betel. Batúan in mezbah putoḷanbí in ubungnea mita dá moḷabú kon butá.

AMOS 4:1

Indongogai, ei bobay mita in Samaria inta koḷongó-koḷongó naonda bo sapi mita inta noḷomumu kon Basan! Moiko in mondorot kon intau moyangkó, mogamá kon kapunyaan in intau bogá, bo momakisa kon i buḷoimu sinbá umuran mopooyúon in oinumon mokoḷoḷangu kon inimu!

AMOS 6:4

Moboditodon in moiko inta nosiug kon ḷantaan inta totok in mogaga bo inta nononbobutungan poḷat noratá kon sapi bo domba batánea!

AMOS 6:6

Moiko in monginum kon anggur nongkon galas inta binonuan kinopuḻing, bo moiko in mopoinggúdon in ḷana mobondu inta totok in mopia, táe diá monakit in gina monimu kon kinorimumudan in Israel.

KORINTUS 1 10:21

Moiko in diábí motaau in monginum kon palo in anggur pongonginuman i Tuhan, bo monginum doman kon palo pongonginuman in dimukud mita moraat. Natua doman, moiko in diábí motaau in mongaan moyotakin i Tuhan bo mongaan doman moyotakin in dimukud moraat.

KORINTUS 1 10:7

Bo bá diá doman in kita mosumba kon berhala, naonda bo inaidan in tongonumai intau kon sigad monia. Kon bonu in Buk Motusi in pinais nanaa, “Bo nomangkoidon in bangusa tatua nongaan bo nonginum poḷat nomanari sin mosumba kon berhala.”

KORINTUS 1 8:10

Nanaa i makusudku: Aka kuma moiko inta aindon nopirisaya totu-totuu bo indoianmai iḻimitúbí mako bo mongaan kon bonu in baḷoi pobobogoian kon sosumba kon berhala, bo inontong in intau mita inta diápa noguyang in pirisayanea. Dá tantú oaidmu tatua in mobogoi bidon in contoh kon intau ibanea sahingga in nobarani intau tatua nokaan kon kaanon inta inogoidon pinosumba kon berhala?

HAKIM MITA 9:27

Mosia in minayá nosipú kon bungai mita in anggur kon gobá mita in anggur, bo nomia kon oinumon nongkon anggur, bo poḷat nomia kon rame. Mosia nongaan bo nonginum kon tampat pososumbaan kon dewa monia poḷat nogodi-godimai kon i Abimelek.