AMOS 2:7 - Alkitab Singog In Mongondow Masa In Tanaa

⁷ Mosia in nondorot kon intau moyangkó inta diá mokopongonu bo moposí in intau nobogá. Ki ata monia bobay tobatú in siniugandon i amánea bo i adínea ḷoḷaki, dá nokokotordon kon tangoi-Ku inta motusi.

AMOS 2:7 ပူးပေါင်းရင်းမြစ်များ

SAMUEL 2 12:14

Tongá popisí in ki Tuang ain nopoompámai kon i Tuhan pinongin oaid tatua, dá ki adí ḷoḷaki i Tuang inta bagupa pinononggadí tatua in matoibí.”

DATU MITA IMITÁNEA 21:4

Takin norobonoḷ in gina bo torú sin nokodongog kon onu inta siningog i Nabot kon inia, ki Ahab nobui bo inumuḻid kon tosiugannea poḷat sinumongkob bo doí nongaan.

AMSAL 28:21

Diábí mopia in mopoyoposi in intau; táe oyúonbí doman in hakim inta motombogá tongá popisí in bá mokouḻí kon doit topiḻik.

YESAYA 10:1

Moboditodon in moiko inta nogaid kon hukum mita inta diá moadil sin pondorot kon bangusa-Ku.

YESAYA 10:2

Pinongin aid natua moiko in moḷamboi kon intau bogá mokouḻí kon hak bo koadilan, bo mogagow kon kapunyaan in boba-bobay mita bo uno-unon.

YESAYA 3:14

Ki Tuhan in mobaḻí hakim kon itoi mita in umat-Nea. Naa in ponapud i Tuhan kon i monia: “Moiko inta nogagow kon bungai in anggur kon gobá mita; baḷoimu nopuḻing in pakakat inta inagow monimu kon intau bogá.

YESAYA 3:15

Nongonu sin moiko in mondorotbí kon umat-ku bo momakisa mogamá kon kapunyaan in intau bogá? Akuoi, ki Tuhan Inta Totok in moḷantud bo Totok in mokawasa ain noguman.”

YEHEZKIEL 22:11

takin i buḷoi bobay intau andeka i mototakanea andeka i ai-ainea inta diá nogaḷum kon iná.

YEHEZKIEL 36:20

Kon ondakabí in bayáan monia, mosia in umuranbí mopokotormai kon tangoi-Ku inta motusi. Sin intau mita in noguman nanaa, ‘Bangusa tanaa in umat i Allah, táe mosia in mustibí monaḷámai kon butá inta inogoi i Allah kon i monia.’

HOSEA 4:14

Táe Akuoi in diábí mohukum kon aid monia tatua, sin moiko tontaní in minayá doman kon sundaḷ mita inta nogaid kon kuil mita, bo noyotakin monia moiko in nobogoi in sosumba kuruban kon dewa. Totuubí totok in tosingogon tanaa: ‘Bangusa inta diá kopomomangaḻe soaḷ ki Allah in moumpagbí.’

IMAMAT 18:15

Dika siuganmu in ki mototakamu

IMAMAT 18:21

Dika mobogoi in adímu tongáka tobatú sin pokuruban kon bonu in posumbaan kon i dewa Molokh, sin oaid tatua mopoompábímai kon tangoi i Allah, ki Tuhanmu.

IMAMAT 18:8

Dika mopoonagmai kon i amámu takin mosiug moyotakin i buḷoinea tobatú inta kon sigad i buḷoinea ibanea.

IMAMAT 20:3

Intau inta mopokuruban in adínea kon i Molokh, moponajis in Ḷoḷaigan-Ku bo mopoompámai kon tangoi-Ku inta motusi. Hukumon-Ku in sia bo diádon poyoiapon-Ku anggota in umat-Ku.

AMOS 4:1

Indongogai, ei bobay mita in Samaria inta koḷongó-koḷongó naonda bo sapi mita inta noḷomumu kon Basan! Moiko in mondorot kon intau moyangkó, mogamá kon kapunyaan in intau bogá, bo momakisa kon i buḷoimu sinbá umuran mopooyúon in oinumon mokoḷoḷangu kon inimu!

AMOS 5:11

Moiko in mondorot kon intau bogá bo gandumnea in agowon monimu. Tuamai in moiko in diábí mogutun kon bonu in baḷoimu mita inta totok in mopia, inta ain pinosindog monimu tatua. Moiko in diábí monginum kon anggur mita nongkon gobá mita in anggur inta pinomuḷa monimu.

AMOS 5:12

Kinotaauan-Ku kon totuudon moḷoben in aidmu moraat bo totuu mobayong in dosamu. Moiko in mondorot kon intau mopia; moiko in motarima kon sogó inta mopomayá mako kon intau bogá inta pinopoaidan in intau diá moadil kon pongadilan.

AMOS 8:4

Indongogaidon, ei moiko inta nondorot kon intau bogá kon butá tanaa nodapot in mosia noyopú!

MIKHA 2:2

Aka mosia moibog in gobá, yo agowon monia. Aka moibog in mosia in baḷoi tobatú, yo tuoton monia. Pinomayá kapunyaan andeka motoḷuadí, diábí in moaman.

MIKHA 2:9

Bobay mita kon sigad in umat-Ku pinoguntun monimu nongkon baḷoi inta kinotabinea, bo umuran agowon monimu in barakat inta inogoi-Ku kon i adí mita monia.

ZEPANYA 3:3

Intau mita moḷoben kon kotá mita tatua in naonda bo singa inta moroganggor. Hakim-nea mita in naonda bo serigala mita inta ginogoi; mosia in totok turá nodapot in tuḷan yo diábí in sinaḷáan kaanon mopoikoḷomai.

SURAT I PAULUS KON JAMAAT RUM 2:24

Kon bonu in Buk Motusi pinais nanaa: “Popisí moiko intau mita in Yahudi, dá tangoi i Allah iromu-romúmaidon kon sigad in intau ibanea.”

KORINTUS 1 5:1

Akuoi in sabanarnea nokodongog bidon kon lapuran kon naanta oyúon bidon kon sigad monimu in moibog mogaid kon inta mokotor: Oyúon in kon sigad monimu in nonuaḻing takin i inánea uatok. Intaupa inta diá nonotaau kon i Tuhan diábí doman mogaid kon natua!