AMOS 2:12 - Alkitab Singog In Mongondow Masa In Tanaa

¹² Táe pinoinum monimu in anggur in intau Nazir, dá nonoḻikud in mosia kon dandi monia. Bo diá inogoi monimu in nabi mita mopotaau in koyow-Ku.

AMOS 2:12 ပူးပေါင်းရင်းမြစ်များ

YESAYA 30:10

Mosia in moguman kon nabi mita, “Kintum in bibig! Dika mopoguman kon inami onu in totuu, táe onubí in koibog nami indongogan. Pomayádon mako in kami umuran morai podudui in koibog nami.

YEREMIA 11:21

Intau mita in kotá in Anatot moibog sinbá matoi in akuoi. Mosia in noguman, “Aka iko umuran mopotaau in koyow mita i Tuhan kon inami, iko in ḻimodonbí nami.”

YEREMIA 35:5

Onda intua akuoi nogukat kon tayowon in intau mita in Rekhab tua in palo mita inta nopuḻing in anggur, bo galas mita. Bo akuoi in noguman kon in monia, “Nonginumpa uḻe.”

AMOS 7:13

Dikadon mohutuba kon Betel. Kotá tanaa in sinondíbí tongá kon i datu, bo tampat pooibadaan in dodatuan.”

AMOS 7:16

Tuamai in indongogaidon onu in pinoguman i Tuhan kon inimu. Popisí in iko diá nobogoi kon inakó mohutuba monayow kon bangusa in Israel,

MIKHA 2:6

Intau mita in mohutuba kon i nakó, kainia, “Dika mohutuba kon i nami. Dika mohutuba kon soaḷ mita tatua. Kami in diábí angoian in oyá.

PINOGIAPAN 6:2

mopotaau in atorang mita tanaa kon intau in Israel. Bayongan intau ḷoḷaki andeka bobay inta nodandi kon tongádon mobobiag kon i Tuhan mobaḻí nazir,

PINOGIAPAN 6:3

diábí motaau in sia monginum kon anggur andeka bungai in ayop ibanea. Sia in diá doman motaau mokaan kon bungai in anggur inta bagu sinipú andeka inta ain noingkag, andeka onu kabí inta nongkon pangkoi in anggur; batoḷnea andeka tongákabí daunnea diábí motaau kaanonnea.