AMOS 1:8 - Alkitab Singog In Mongondow Masa In Tanaa

⁸ Intau mita bo mongongawasa in kotá in Asdod bo Askelon in inggamáan-Kubí. Kotá in Ekron in hukumon-Kubí bo bayongan in ki agat in intau in Pilistin in yompaton-Kubí komintan.”

AMOS 1:8 ပူးပေါင်းရင်းမြစ်များ

TAWARIKH 2 26:6

Ki Uzia in noparang nonayow kon intau in Pilistin. Sia in norumbun kon dinding mita in kotá in Gad, Yabne, bo Asdod, bo noposindog in kotá mita inta dininding kon diug in Asdod bo kon butá ibanea kon Pilistin.

MAZMUR 81:14

Ah, aka kuma bo umat-Ku moibog mokidongog kon i-Nakó, aka kuma bo mosia moibog tumoindudui kon i-Nakó,

YESAYA 1:25

Aidan-Kubí intua kon i monimu. Naonda bo intau motubá kon logam, moiko in tubáan-Ku; bayongan inta nokotor ḷumbúon-Ku nongkon inimu.

YESAYA 20:1

Podudui in parenta i Sargon, datu in Asyur, panglima in tontara in Asyur nonubu kon Asdod, kotá tobatú in Pilistin.

YEREMIA 47:1

Kon dodai in datu in Mesir diápa nonubu kon Gaza, ki Tuhan in nogumandon kon inakó soaḷ butá in Pilistin.

YEHEZKIEL 25:16

Tuamai in potaau-Ku kon Akuoi in monububí kon intau mita in Pilistin bo moyopú kon i monia. Batúan in intau inta kiagatnea kon butá in Pilistin in ḻimodon-Kubí.

YOËL 3:4

Onuon monimu in Akuoi naa, ei Tirus, Sidon bo bayongan in butá in Pilistin? Moibog degá in iko motuḻí kon yaat in ginamu kon i-Nakó? Yo, tarimadon in tontuḻí-Ku inta ḷagidon moiangoi.

AMOS 1:7

Tuamai in potabá-Kubí mangoi in tuḷú kon dinding mita in Gaza, bo momokak kon bayongan in bentengnea mita.

AMOS 3:9

Potaaudon in naa kon intau mita inta nogutun kon komaḻig in Mesir bo Asdod, “Poyosipundon kon buḷud mita kon diugmai in Samaria, bo indoiaidon in kotombaukan moḷoben bo pogagowan inta nobaḻí kon tua.”

OBAJA 1:18

Umat-Ku Israel in nádon tuḷú inta momokak kon bayongan buí i Esau, naonda bo tuḷú momokak kon bayongan in wawa kon gobá. Diábí tobatúmai in buí i Esau in kotaḻiban. Akuoi, ki Tuhan ain nosingog!

ZAKHARIA 13:7

Ki Tuhan Inta Totok in mokawasa in noguman, “Sindogdon, ei kedang, bo tubudon in gombala inta nogaid kon kopontingan-Ku! Ḻimodon in sia, dá domba mita in moiraritdon. Tubuon-Kubí in umat-Ku,

ZAKHARIA 9:5

Kotá in Askelon bo Gaza in mokoontongbí kon inia bo angoian in ondok. Ekron in mokoontongbí doman bo kobuḻian in bayongan in kamangnea. Gaza in kobuḻian in datunea, bo Askelon in mobaḻí moingongow diá in mogogutun.

ZAKHARIA 9:6

Asdod in pogutunanbí in intau mita nongkon bangusa mita inta noyagi-yagimai. Ki Tuhan in noguman, “Intau in Pilistin inta moḷoḷatú in yompaton-Kubí.

SAMUEL 1 6:17

Pinongin natua intau in Pilistin nobogoidon kon i Tuhan in sosumba potobut kon dosa in intau mita inta nogutun kon kotá ḻima inta pinarentaan in datu in Pilistin taya ḻima. Naa in tangoi in kotá mita tatua: Asdod, Gaza, Askelon, Gat bo Ekron. Kon sigad in kotá mita tatua oyúon in dininding oyúon doman in diá. Batúan in kotá tatua nokidia tumongo batu doman in bobentuḷ buḷawan bo boyod buḷawan tobatú. Tomponuot kon onu inta nobaḻí tatua in batu moḷoben tampat pinogukatan monia kon Poti Dodandian i Tuhan. Dapotpabí in tanaa batu tatua oyúonpa kon gobá i Yosua, intau in Bet-Semes tatua.