AMOS 1:5 - Alkitab Singog In Mongondow Masa In Tanaa

⁵ Bonawang mita in Damsyik in poguyaaton-Kubí, bo intau in Ḷopá in Awen in simpatan-Ku kodariton nongkon pogogutunan monia. Mongongawasa in Bet-Eden in poponagon-Kubí nongkon ḷoḻitúan pomarentaannea, bo intau in Siria in dakoponbí poḷat diaan kon butá in Kir.”

AMOS 1:5 ပူးပေါင်းရင်းမြစ်များ

DATU MITA 2 14:28

Ouman ibanea kon i Datu Yerobeam II, inta kobobaraninea kon poparangan mita bo naonda in pinogogagownea bui kon Damsyik bo Hamat nongkon Yohuda bo pinobui kon Israel, tua komintan in pinais kon bonu in buk Ouman in Datu mita in Israel.

DATU MITA 2 16:9

Ki Datu Tiglat-Pileser in notubag kon oigum i Ahas, bo nonubu poḷat nogagow kon Damsyik. Intau mita inta nogutun kon tua in dinianea nobaḻí intau mita inta sinoko dakop bo dinia pinobayá in Kir, bo datunea, inta ki Datu Rezin, in iḻimodnea.

YESAYA 22:6

Intau in Siria namangoi kodia-dia in kabaḷo bo kereta in parang, intau in Elam nomaké in puḷu in piot bo piotnea, intau in Kir nosadia kon kaḻeawnea.

YESAYA 43:14

Ki Tuhan in mopoposaḷamatmu, Inta Mokudus Israel, noguman, “Popisí in moiko, Akuoi nopotabá in tontara minayá in Babel, bo dinangatan-Ku in bonoboi mita in ngara mita in ponjara; giow mita in intau in Kasdim binaḷuian-Ku nobaḻí amui.

YESAYA 8:4

Sin kon dodai in adí tatua diápa motaau moguman ‘Amá’ bo ‘Iná’, bayongan in kaoyúonan in Damsyik bo bayongan in pakakat inta inagow in Samaria in akutondon pobayá kon i datu in Asyur.”

YEREMIA 50:36

Moyopúdon in nabi mita in Babel! Mosia in mouboḷ bo dondunguḷ. Moyopúdon in tontara in Babel inta mongotorindog! Totokdon in moondok in mosia!

YEREMIA 51:30

Tontara in Babel in nogogaidon in noparang bo nogutun kon benteng mita. Mosia in noinggamádon in barani bo diádon kodaya. Bonawang mita in kotá dinangatandon, bo baḷoi mita in sinurub.

OMBAḶ 2:9

Bonawangnea mita in kinobumbunandon in butá, bayongan in bonoboinea mita noputoḷ; datu bo pojabat in pomarenta dinia kon pinoḷumbúan. Hukum i Tuhan in diádon bui sinundú; nabi in diádon notarima kon tongkoyow nongkon i Tuhan.

YEHEZKIEL 27:23

Kotá mita in Haran, Kane, Eden, mopopotaḷui nongkon Syeba, kotá mita in Asyur bo Kilmad, komintan nodagang takinmu.

YEHEZKIEL 30:17

Tayowmobiag mita in kotá in Heliopolis bo Bubastis in matoibí kon bonu in parang, bo bobay mita in dakoponbí.

HOSEA 10:8

Kuil mita kon tombuḷud mita kon Betel tampat in intau in Israel mosumba kon berhala, in rimumudon. Dugi bo bonok in mobiagbí kon mezbah monia. Bo mosia in momaḷúbí kon buḷud mita, “Bumbunaidon in kami!” bo kon tombuḷud mita, “Dantugaidon in kami!”

AMOS 5:5

Dika mayá in Bersyeba sin moibada. Dika motayak kon i-Nakó kon Betel, sin Betel in moinggamábí. Dika doman mayá in Gilgal, sin intau kon kotá tatua in akutonbí pobayá in poḷumbúan.”

AMOS 9:7

Ki Tuhan in noguman, “Ei umat in Israel, Akuoi in nonaridimai kon intau in Sudan ná pinononaridi-Kumai kon i monimu. Akuoi in nodiadon kon intau in Pilistin nongkon Kreta bo intau in Siria nongkon Kir ná pinododia-Ku kon i monimu nongkon Mesir.

NAHUM 3:13

Tontaramu mita in mongoyangkó naonda bo bobay bo ḻipúmu in diábí mokopongonu in monayow kon musung. Tuḷú in momagongbí kon bonoboi mita in bonawangmu.