ZEFANYA 3:9 - Allah Wene Fano Wene Hupla Inane

⁹ Iluk a'nogo anggasigiba nen he, An nen it afuni inunggulenu lombok andoma inendawinggen hebel fisamo re, iren An noba nek samban ikhi logogun. Nen, kembu ilah amu mene oba ekhe ikhi logogun lek. It afuni inunggulenu andoma mondogaren he, An nobaget enek hilingiti logogun.

ZEFANYA 3:9 ပူးပေါင်းရင်းမြစ်များ

KEJADIAN 11:1

O endamat afuni inunggulenu lombok kweangma yi awi ti awi welagaikharek andi inane misigat logolik, yi mene ti mene enu misigat mene nek ikhi lagaukwa.

KEJADIAN 4:26

Nen, at Set amlogo ap takhasikhesik, enu Enos salhikhe. Andem sambul he, afuni nen nineisena Tuhan fogerati logolik enu hombuk palhi logogun mene huli andem oba nen yanggulhukwa.

MAZMUR 113:3

Mo ero lagai wagarek oba nen pikhit ubuk ikherek huli andoma nen he, At Tuhan enu nek fogeratu mondok logogun.

MAZMUR 22:27

A'nogo nolhetunem, it afuni inelagaik mene re eberogo nen inalabut ninghogo nogoin aro. It afuni At Tuhan oba waga logogun mene re, At enek fogerati logogun. It andi yagaisikhi logolik he, ”Hinendawimo hinagaiyek hugu mondok logoino,” iluk yagaisikhi logogunat.

YESAYA 19:18

Andem sambul o Mesir oba andoma re kota ebe fuaben logogin mene re inane Ibrani inaneba nek ikhi logogun. Afuni andoma mene nen he, Tuhan Omame Mondok Hokho mene a'nogo enuba hombuk palhi logogun. O kota andem mene misik ekhe re enu kota matahari ikhi logogun.

YESAYA 57:19

An nen ap yatkwe werek mene inom, horok-horokwe werek mene inom, fano liokhogo welagaikharek mene afuni mondogat inoba wogisagain. An nen nagainafuri fano higirinabigin.

YESAYA 6:7

Wagasik he endu ambisang a'nogo an nambeba taunget fikhesik yaganeti logolik mel ikhe, ”Kwelakhan, endu ambisang yi hat ambeba arat taunget hobagagi ari. Ma re yogondak he haren weak hilingiti lagen mene inom, kwanirogo hilingiti lagen mene inom omanogo re Tuhan nen arat leget hobagaikhe o,” iluk yaganete.

YEREMIA 16:19

Tuhan neisena, ”Harenat an hawe a'ma fe'narek logolik an nomame wo'neti lagen, An nelokhoma lek were'ma Harenat lebetniikhi lagen. Yi afuni ti afuni o kweang unggut-unggut welagaikharek mene andoma nen Hat hambit we'luk iren ikhi logolik, ”Nit ninombawi re tugwi kembu we eberogo lek mene fetaluk welagaukwa.

YEHEZKIEL 37:17

A'nogo hilingfuluk tomuk pirenet fisogo logolik erembulkwe andoma pirenet misi'mo agundibet lagu mene hilingfeino, a'nogo hilingfoumo pire mene andi ebe misigat asigin.

HABAKUK 2:14

Andi re, i laut hokho mene yenggelek agum puaksek welagarek andi hak, o kweangma mondogat he Allah omame werek mene inom At elu mondok welagarek mene inom mondogat saga igin o.

ZEFANYA 2:11

Tuhan nen he, it inebe inailonek asuageluk hilingfisagain. Aren he, kembu Dewa o kweangma werek mene andoma mondogat wolelenggenhogo lakfisagain. A'nogo hilingfisamo re yi afuni ti afuni inunggulenu lombogen he, Tuhan obaget inonggwarek inailokwe lombogen hilingiti logogun.

ZAKHARIA 14:9

Andiba re, Tuhan ebe yi afuni ti afuni o kweangma welagaikharek mene inebe mondok faget inoe raja logolik melalinafi logogin. Nen, afuni inebe lombogen At Allah amu oba inendawinggen himbirek fuluk logogun, nen, we At amu Enu nek inelu logogun.

ZAKHARIA 2:11

Hinenggi andem oba re, afuni inunggulenu hokhorogo Tuhan ambit At againafuri mene asugun iluk waga logogun. Nen, At ebe hit hinanggele'ma were'ma, an he At Tuhan nen hit hinoba laknobagai wagama iluk hinelu asugun o.

MATIUS 12:35

Afuni inobabut fano mene re, inendawimo fano mene peterek logolik, kagalogo lagai wagunem he, wene fano meneat wulabi wagaikharego. Mene re, afuni inobabut weak mene, inendawimo weak mene peterek logolik, kagalogo lagai wagunem he, wene weak meneat wulabi wagaikharego.

EFESUS 4:29

Weneane uogeluk halok he, weak mene ikhi logogubo. Wene fano mene ugunem it ekhe inendawinggen oan mene inesanggo holugun mene andi Allah nen fanorinafunem, inendawinggen wurik asuageluk, wene fano mene nek ikhi logoino o.

WAHYU 11:15

A'nogo isigiri'mo nen, it malaikat inebe 7 nen omanogo, inebe falfalik mene inambinggong arat anet hagasi'mo nen, ekhe ambinggong anet hugunem he, pogoroba nen inane hokhorogo yi'nogo ugunem holhi: ”Attak afuni kweangma mene nen inawe a'ma fisaluk ferinarek welagaukwa mene re, yogondak nineisena Enupogot Allah nen ninoe Kristus nen telninabuageluk menfesikhe mene a'nogo emberegen inawe a'ma arat ninobagagasik, at Kristus nen fetninarek mondok-mondok logogin o,” iluk ikhi lagaikha.