ZEFANYA 3:7 - Allah Wene Fano Wene Hupla Inane

⁷ A'nogo hilingi'mo re An nen ebethikhi logolik, ”Yogondak he, An nagainafuri nen An nebe esinet nobagaluk legeisogo nobagakhi logolik An nen wenagisikhi lagi mene omanogo eberogo nen fut fili'lagwi,” iluk anggikhi lagi. Enggere, An nen it inelu asuageluk yagaisikhi lagi mene omanogo eberek werek logou hak. Oba nen he, iren attak weak hilingiti lagaukwa mene re endep hak meneba nen, weak ekhe inom inomamerogo hilingirik lagunem isikhi lagi.

ZEFANYA 3:7 ပူးပေါင်းရင်းမြစ်များ

KEJADIAN 6:12

Afuni mondogat inobabut weak hilingiti lagaukwa andi nen, Allah nen afuni kweangma mene eilenggen isugunem he, mondok weak enek were'ma isikhi lagaikhe.

2 TAWARIKH 33:11

Andiba re it afuni Yehuda mene were'ma omanogo pin kwi wesuageluk he Tuhan nen it Asyur mene tentara ineisena panglima a'nogo lakfei wagaikhemo re, at Manasye a'nogo kombi heleba kelogo li'luk he o Babel lagaukwa.

AYUB 36:10

Aren he it afuni inaweak hilingitarek mene a'nogo herakfisaluk, it inendawi wenggelogo iluk yagaisugu mene a'nogo holfuluk logouwageluk yagaisikherek.

MAZMUR 32:8

At Tuhan nen yaganeti logolik he, ”Kwe fanokwe lagaikharekwe andi re, An nenat yagahesigin o, hat hebe fetharek logolik, yi'nogo hilingiti logoino iluk, yagahetik, komothafik, ikhi logogin o.

AMSAL 19:20

Haren komo wene holhi logolik ekhe inom nelu a'lep iluk anggikhi lagen halok he, hobuk he hat hebe ap hebelek mene asigin.

YESAYA 5:4

An neabu andi faget ekhe hilingiti'legengge welagi nogo a? Anggur enggen ebe mene isigin iluk nenangotunemen andi re ninggi'nogoluk arik mene ite nogo?

YESAYA 63:8

A'nogo iginmo re, At nineisena Tuhan nen he mel ikhe: ”It andi eberogoat he An nagainafuri o. It andi re An nagainafuri nendawimo weagasuageluk hilingiri'agwi lek mene,” iluk ikhe. Andiba re At he it inagap telhu mene agaikhe andi,

YEREMIA 17:23

A'nogo isigi oba nen hit hinombawi nen An nane holfigik, futnobagagik, ikhi lagaukwa lek. It inebere inendawinggen peterek logolik nane hologo hilingiti'lek welagik, inane fa'niugu aple ogo inabirat welagik, hilingiti lagaukwa.

YEREMIA 25:5

Iren yagahisikhi logolik, hit hinanggweang Tuhan nen hit inom, hit hinombawi inom hinonggwarek hinanggweang mene asubagaigeluk wokhisasikheba oma logobagaigen he, hit hinobabut haferogo welagik, weak hilingitik hilingiti lagep mene andi herak fisani o, iluk yagahisikhi lagaukwa.

YEREMIA 36:3

An nen enggin mene it Yehuda mene inoba lakfei wesigin mene andoma faget inesanggo holhambik he it inobabut hebelugun logou hago. Andiba re it inaweak hilingiri'lagwi mene inom, ina'mageba hilingiri'lagwi mene inom andoma re An nen sagalogo leget fisagain o,” ikhe.

YEREMIA 38:17

A'nogo ikhemo an nen Zedekia ba ikhi logolik, Tuhan Omame Mondok Hokho mene, Allah afuni Israel mene nen apne wanharek mene a'nogo nen he yi'nogo ikhe, ”Haren ambi ap Babel inap andi inoba sebesigin halok he hat hebe hoasugun lego, nen kota yi ogore endu fasugun legaro. Nen, hat inom, it heisok erokwe mene inom he hinagap telek logogun.

YEREMIA 6:8

Yago, hit afuni Yerusalem welagep mene yoma sani, An nen hit oboget hisaluk hit hinawi kota ari agamhogo re afuni inareng le'ma lei pirimse'ma hilingisogo hinobagagi hanogo re, enggin-fenggin hikhi lagep mene andoma re hiren fanorogo ebethikhi logobagaigeluk hilinghinobagakhi lagi o,” ikhe isikhe.

YEREMIA 7:7

Hiren ambi hinobabut hebelhik, hinebe werek aple hal fakhigik, nen andoma mondogat hilingiti lagep mene andoma palfogoin halok he, An nen kweang hit hinombawi inanggweang mene asuageluk wogisasigi mene ariba hit femhogo logobagaigeluk wokhisagain o.

YEREMIA 8:6

An nen hinane fanorogo holhi lagiba nen he, hiren weinamhogo ikhi lagep lek. Hit mene ap misigen iluk ogore hinaniniba hilingiti lagep mene andoma faget ninambigen iluk mel hinendawinggen warikhi lagep legat. Athe An nen hilingiti lagi mene yi re ningginik mene hilingiti lagi nogo, iluk aga mene ekhe werek legat. Hit he wam kuda nen weim yafuba kwikhi logolik monhaluk kwikherek hak, hiren ogo ebekwe hinamu nen yakhikhi lagep andi.

HOSEA 9:9

Hiren hinobarogo mondok hokho mene fikhi lagep mene andoma re, afuni o Gibea mene nen hilingiti lagaukwa hakhogo hilingiti lagebo, ma re hit kwanirogo hilingiti lagep mene andoma Allah nen ebethambik he, hinaweak oba unggum wokhisagain.

ZEFANYA 3:2

O kota Tuhan oba eberek logouwageluk yagaisugunem ane wanhi'lek hilingiri'lagwi mene inom, At awene lenggalek oba yagaisugunem futfigi'lek hilingitarek mene inom, nen inebe faget At enggiba figi'lek hilingiri'lagwi mene inom, nen Aren lebetninabuageluk kino yagari'lagwi lek mene inom andoma re mondogat alomat lakhoago.

ULANGAN 4:16

Hit hinonggwarek faget, tugwi kembu ebe ap mene hea, he mene hea, ikan mene hea, kisu mene hea, wam sue paik ekhe mene hea, fogerati logouwogeluk alik hilingisogo fakhugunem weak hilingitep hanogo iluk ekhe wutubo.

1 TIMOTIUS 1:5

Inendawinggen Allah nen horinafunem he, inonggwarek inendawimo nen he, ”An wene noba lek, nendawinggen selek welagi,” iluk anggikhi logolik, inendawinggen eberogoat Allah oba himbiret fuluk welagaikharek andi nen, afuni inendawirogo welagaikharego. Halok he, it a'nogoat logouwageluk komorinafi logoino, iluk yagahetigi andi.

2 PETRUS 3:9

It afuni ekhe nen he, ”Ninoe Enupogoren wene watnisasikhe wene a'nogo, ebe wagi'lek aninurogo werek,” iluk anggili'lagwi andi re, aninurogo werek fuk. Hit hinebe endawi nen, At endawimo nen he, ”It ekhe nong asinogo,” iluk afuni mondogat inobabut weak hilingiri'lagwi mene herakfisaluk inobabut hebelasuageluk, eranenat endawimo anggaluk aninurogo werek andi.