ZEFANYA 3:6 - Allah Wene Fano Wene Hupla Inane

⁶ Tuhan nen ikhi logolik, ”An nen afuni inunggulenu hokhorogo mondogat legetfisigi. Nen, it inawi kota omanogo re An nen mondogat wolelenggenhogo lakfisigi, it inaiba inaleget pa'leget himbirengge waganek mene inom nen helep wurogo liabek mene inom he, An nen inawi meisalek enek hilingfisigi. It inawi kota re afuni inebe le'ma re, inareng tiring-terenghogo hilingik, nen ebekhe kwe ogo afuni inelokhe mondok lek.

ZEFANYA 3:6 ပူးပေါင်းရင်းမြစ်များ

YESAYA 14:26

An nen o kweangma yoma mondogat faget hilingisigin mene wene figi mene re yi: An nen yi afuni ti afuni inunggulenu lombok unggum inoba feigiluk nenggi legeisogo welagi o,” ikhe ino.

YESAYA 37:36

A'nogo lakfesikhemo re hup a'nogoba malaikat Tuhan wulibi wagaikhesik ap Asyur mene inawi sabu sale'ma omanogo wagaikhesik ap sikhe fisogo inap inebe 185.000 nen mene inoatikhe. A'nogo inoatikhemo hubet weirogo re ap warek enek hilinglagaikhe.

YESAYA 6:11

A'nogo yaganetemo an nen he, ”A'nogo nek hilingik werek kwelek huli ki huliba nen iren futfogoin nogo?” iluk heinok wokhigi.

YEREMIA 9:12

A'nogo ikhemo, an nen he, ”Neisena, o yoma leimo higit puk halongorogo, amusu mondok le'ma afuni inebe ninggi logou mene ogo mondok lek hilingisogo fegen andi re nenahalok? Wene a'nogo hilinglaga mene andi futfuluk hilingisu mene ap hebelek mene ekhe werega? Wene a'nogo hilinglaga mene andi faget, afuni ekhe yagaisoagaluk Haren ap sa tukhumhogo yangguleten,” iluk heinok wokhigi.

IMAMAT 26:31

Hit hinawi kota mondogat he An nen meisalogo foumo o meisalek enek kabok lagakhi logogin, hiren fogerasi laga-lagep kwe andoma re An nen halik halokhogo fagain, nen hinanggo warogo noli waga lagep mene re An nen wanigin lek.

ZEFANYA 2:5

Hit afuni Filisitin hinap hinebe i esanggo kwe welagep mene andoma homan ugu logoni o. At Tuhan nen he hit hinoba wene feigiluk fik foukhogo hilingfikhesik werek. Aren he hit hinebe mondogat leget hinobagaumo ap misigiluk ogo ekhe agap teligin lek.

ZAKHARIA 7:14

Sogoi sielu nen hakhogo An nen furisugunem he ninggi'nogo hilingisugun iluk o kweangma afuni pok mene inaiba omanogo laluk welagaukwa. Kweang mondok fano mulire'ma yi nogore afuni werek lek oba, inareng tiring-terengse'ma unggulasili wagane'ma hilinglaga andi o,” iluk yaganetunem holhi.

MATIUS 23:38

Andi nen he, Allah nen hit hinebe herakhinobagaumo, hinawi wurik andi folugat logogin o.

1 KORINTUS 10:11

It a'nogo hilinginafikhemo inoba hilinglagaikhe andi mondogat he, it afuni ekhe futfikhi logouwagelugat hilinglagaikhe. A'nogo hilinginafikhe iluk lisu palogo fesukwa andi, nit yogondak o wurep oba asi wago mene yi, komorikhi logouwagelugat lisu palogo fesukwa.

1 KORINTUS 10:6

A'nogo hilinglagaikhe andi re, it weak mene inamolorogo hilingitik, ap it mene ekhe inendawinggen tugwi kembu oba himbirik logolik fogeratik, ikhi lagaukwa andi nen hilinglagaikhe andi. It a'nogo hilingiti lagaukwa andi hak, nit a'nogo hilingiti logoinogo iluk, futfikhi logolik komorikhi logouwageluk wene mondogat a'nogo hilinglagaikhe andi. It a'nogo hilingiti lagaukwa iluk, Allah ane lisu yi'nogo palek werek: ”It afuni inunggulenu andi mene nen, sumburu inom, anggur amusu inom, nuogeluk inagaiyegen wuni watik, inagaiyegetik yugunat hilingisuogeluk menlagaukwa,” iluk lisu palogo fesukwa.

YOSUA 23:4

Kweang it ap yi inunggulenu ti inunggulenu werekwe andoma ogo, nen kweang it ap inunggulenu an nen inomame leget fisasigi kwe andoma ogore, kweang ebe mo lagai wagarek fikhit he i Yordan ima nen hiling-hiling mo ubuk ikherek fikhit he i Laut Tengah a'nogoba tiagan sek andi. Mondogat andoma re hit hinanggweang asimbik eiserogo logobagaigeluk an nen sumburogo wokhisasigi a'nogo.