ZEFANYA 3:20 - Allah Wene Fano Wene Hupla Inane

²⁰ O ekhe asi wesigin meneba re, afuni hit mene o ekhema-ekhema sagarek welagaikharek mene andoma An nen hondoginarek fisa wesigin. Hit he, o kweangma yoma fano logobagaigen he An nen hinenu werek hilingisogo hinobagagin, Nen hit hinangge yi mene ti mene oba heilarogo welagagip mene omanogo re, An nen hobuk ambotkwe sik-pikhogo logobagaigiluk hilingisogo hinobagagin aro,” iluk Tuhan nen ikhe o, iluk isikhe.

ZEFANYA 3:20 ပူးပေါင်းရင်းမြစ်များ

MAZMUR 35:6

Malaikat Tuhan nen mugusogo re kwe elabin mondok hikhak sekwe andoma loago!

YESAYA 56:5

hilingiti logogun halok, hit hinenu re, An nawi wuri'mo elonggoma andoma nen inom, An nunggulenu mene inanggele'ma andoma nen inom ebethisikhi logogin o. Hinagainafuri ap mene inom helime mene inom hokhorogo werek mene re, we harek oba nen, ebethisikhi logogin mene andi re mondok esin o. An nen hit hinenu fano mene hobuk nonggorasigin lek mene wokhisagain o,” iluk ikhe.

YESAYA 56:8

Tuhan Lego Mondok logolik, Israel mene huginabi lagaukwama nen sugulogo woginarek wagaikhe mene a'nogo nen ikhi logolik, ”An nen afuni amu mene woginarek wesimbik, it mondogat andogorek werek mene ninom seberogo kabogeti logogun nen fisa wesigin o,” iluk ikhe.

YESAYA 60:15

Hat he inabiret hobagakhi logouwageluk herakhobagagik, hafe winghonghogo logouwageluk hilinghobagagik, ikhi logogin lek. Oba nen he hat he hundik-handik inagaiyek hoba fugu mene inom, henu legeisogo fikhi logouwageluk inom, hilingisogo hobagagin.

YESAYA 61:9

Nen, afuni o yi awi ti awi inunggulenu lombok werek mene nen hiren tagomangge mene hinombalak inabok fano ugunem hinenu mondok laga logogin. A'nogo lagunem afuni mondogaren ineilenggen isaluk mel ikhi logogun: ”Afuni inunggulenu yi mene yi re, inebe Allah nen fanorinabi'lago o,” iluk inambeba nen fakhogo ikhi logogun o, iluk ikhe.

YESAYA 62:12

It andi inenu re: ”Againafuri mondok horek mene,” igik, ”Tuhan nen againafuri inagap telinafe mene,” igik, ikhi logogun o. Nen, Yerusalem faget enu re, ”Kota Tuhan nen endawi wanhe mene,” igik, Kota Tuhan nen herakfikherek lek mene,” igik, ikhi logogun.

YESAYA 62:7

Aren o Yerusalem ambotkwe wuti'lek werek kwelek, nen o kweangma mondogat At enu saga igi'lek werek kwelek he, iren At yamukhogo logouwageluk herak fikhi logogun lek.

YESAYA 66:22

Pogot ket mene inom kweang ket mene inom An nomameba hambukhogo logogin andi hak, hit hinerembul oba nen tagomangge mene inom, hit hinenu inom, mondok-mondok logogin.

YEREMIA 23:3

Oba nen it An nagainafuri mene fena tindelek logogun mene re An nen it huginabi lagain oba andoma nen andogorogo fisa wesigin. It he An nen woginapluk it inanggweang inonggwaregen meneba wesumo re iren tagomangge mene re hokhorogo saga ugun.

YEREMIA 29:14

Eberogo nenat hit he An ninom ambi asugun aro. Hit hinebe yi afuni ti afuni inanggelekwe andoma nen inom, yikwe tikwe telfolhisasigi kwe andoma nen inom, andogorogo kaboget hinobagambik, nekhengge hit hinebe An nen wokhinarek wesimbik he o kweang eroma yoma hinobagai wagik, hinebe hilingik logogun mene halogo hinobagagik, igin o. Iluk An Tuhan nen nane mondogat igi,” ikhe.

YEREMIA 33:9

Yerusalem he An nen nagaiyek oba figik, enu werek welagik, agaugweratik, fogeratik ugu mene asigin. Yi afuni ti afuni inunggulenu lombok o kweangma welagaikharek mene nen he, An nen mondok fanorogo afuni Yerusalem mene inoba halfisikhi logogin mene andoma faget inom, nen o kota andiba yi mene ti mene sik-pikhogo logouwageluk hilingfisikhi logogin mene faget inom, inesanggo holhaluk he it inailo nen inoak leigetik, An nebe legeisogo nobagagik, ikhi logogun.

YEHEZKIEL 16:53

Tuhan ane Yerusalem yagati logolik, ”Sodom inom, Samaria inom, inawi sili desa-desa iren mene andoma inom, An nen nekhengge enggi werek logouwageluk hilingisogo fagain. It a'nogo hilingfisambik enek he harogo An nen hobuk henggi werek hilinghobagagin.

YEHEZKIEL 28:25

Tuhan Lego Mondok welagarek mene a'nogo nen ikhi logolik yi'nogo ikhe, ”An nen afuni Israel mene andogerinabigin sambul andi re, o kweang yatkwe-yatkwe An nen telfol isasigi kwe omanogo nen andogorogo fisa wesigin. Andi nen yi afuni ti afuni inunggulenu lambukhogo nen An horek mondok welagirek mene a'nogo inelu asugun. Unggulenu Israel mene re ambotkwe sugulogo wesimbik onggwarek anggweang oba logogin. Kweang An nen namimingengge Yakub wogetigiba omanogo logogun.

YEHEZKIEL 34:16

Longgo aga mene re An nen heraginafik, nonghong agasik werek mene re An nen heragaisogo woginarek wagik, inoumo werek mene re An nen fanorinafik, inoba ou mene re An nen higirinafik igin, oba nen he asei hokho mene inom, omame werek mene inom he An nebe gembala fano mene logolik halinafu mene welagimo re ariginik mene andoma re leget fisagain o.

YEHEZKIEL 37:12

A'nogo hilingik enggere ninagainafuri Israel mene faget hobuk hilinglasigin mene inelurogo yagaisan o, An Tuhan Lego Mondok welagirek mene nen kweangma it inebe salek oba omanogo nen ineluk asuageluk kwe hut fagain. A'nogo hilingfuluk it inebe andoma nen An nen feisalogo wulak fisambik kweang it Israel mene inanggweang oba logouwageluk inambotkwe fisa wesigin.

YEHEZKIEL 37:21

Andi nen it inoba ikhi logolik, ’An Tuhan Lego Mondok welagirek mene nen he it An nunggulenu mene andoma mondogat o kweang ekhema-ekhema it lagaikhasik werekwe andoma nen woginabigin. An nen andogorogo woginarek he nekhengge sugulogo it inanggweang oba fisa wesigin.

YEHEZKIEL 39:13

Afuni o kweang andiba logogun mene re inebe mondogaren ap warek andi lebet-lebet salinabugun. A'nogo hilingisugun andiba re linggene An nalong asigin sambul andi re An nen it inenu legeisogo fisagain. Iluk An Tuhan Lego Mondok welagirek mene a'nogo nen nane mondogat igi.

YEHEZKIEL 39:28

Arigini'mo re it An nagainafuri nen An Tuhan Allah it ineisena welagirek mene a'nogo furogo inelu asugun. Andi re An nen it inebe hele warogo huginabi lagagisik An nenat hobuk inambotkwe sugulogo it inonggwarek inaiba woginarek waga logolik ekhe herakfisigi'lek mondogat woginarek wagagi.

YOEL 3:1

Tuhan nen a'nogo isikhesik ekhe mel isikhe, ”O andem sambul, afuni Yerusalem mene inom, Yehuda mene inom, attak fani fanorogo welagaukwa andi hak, hobuk fano hilinginabumo logouwagen hilinginabigin o.

AMOS 9:14

Hobuk An nen afuni Israel mene inambotkwe fano logouwagaluk hilinginabigin. Inawi kota meisalagaikhe mene andi, iren hobuk ambotkwe wutfembik, inebe andoma logogun. Logolik, anggur awi yagaisogo enggen palogo ninggik, yabu ebe waganogo, yi mene ti mene yakfuluk, ebe palogo tagaisogo ninggik, ikhi logogun.

MIKHA 2:12

A'nogo yagaisasikhesik At Tuhan nen ekhe inom yagaisikhi logolik, ”Hit afuni Israel mene fena hineluk welagep mene ya re. Wam domba ambotkwe sugulogo inailoba wagaikharek andi hak, An nen hit hinebe misi'mo andogorogo hinobagaumo re, o leimo wam domba hokhorogo welagarek andi hak hit hinaiba andoma hinebe hokhorogo logogun o.

MIKHA 4:7

It afuni andoma re, ineisok endenek mene hakhogo hilingfisaluk it inawi eroma nen he, yatma woginarek fisa lagagi mene andomaba nen, it fena ineluk werek mene andoma re An nen inunggulenu ket mene salogo fisamo, inunggulenu hokho mene hilinglagik, inomame hokho agik, ugun o. A'nogo hilingfisambik An nebe Tuhan At logolik Tom Sion oba andoma melalinafu mondok logogin,” iluk ikhe.

ZEFANYA 2:7

It afuni Yehuda mene fena endebengge wulibugun mene re hinawilokwe andoma logogun. Iren he inanggo kwe andoma konhi logolik o hubagunem it afuni Askelon mene inawilokwe andoma nogokhi logogun. Andi re it ineisena Tuhan Allah nen awe a'ma ferinarek were'ma, it inebeba inom inangge yi mene ti meneba inom hobuk ambotkwe fanotfisugunem he sik-pikhogo mondok logogun andi.

ZEFANYA 3:19

O andi asi wesigin sambul andiba re, afuni nen sebelhinarek logolik werek mene andi re An nen weagarogo fisagain, nen, ap ineisok wut warek mene re An nen inagap telogo fisagain, afuni hele warogo lakfisasukwa mene re An nen lologo woginarek hobuk fisa wesigin. It inomame leget fisugunem werek mene andoma An nen agamhogo re inelokhe heanerogo hilingfisagain, o yi kwe ti kwe nen inom, o kweangma yoma mondogaren inomen ogore, it andi re legeisogo fisigik, fogetfisigik, ugun.

ZAKHARIA 8:13

Yago, hit Israel hinap inom Yehuda hinap inom yoma sani! O attak-attak andoma nen engge it ap pok mene nen inane homan ekhe nen ekhe inoba figik, ekhe nen ekhe inoba figik hilingirik wagunem, ’It Yehuda mene inom, it Israel mene inom inoba enggin-fenggin agaikhe mene andoma hakhogo hat hoba ogo a'nogo aga logouwak!’ ikhi lagaukwaba nen, An nen hit telhinabumo it ap pok mene andoma nen ikhi logolik, ’It Yehuda inom, Yerusalem inom inoba fanotfisili'lago mene andoma hit hinoba ogo a'nogo hilinghinobagakhi logouwak! Ikhi logogun,’ iluk ikhi lagaikhanggere hiren hinailo agi'lek hinendawinggen hambukhogo logoni o!” ugunem holhi.

ZAKHARIA 8:8

it inebe mo ero fikhiren inom, erumbul fikhiren inom woginarek wesumo re, it inebe nekhengge o Yerusalem logogun. It he An nagainafuri asumo re An he it ineisena Allah logogin. An nen he it inoba tiphogo hilingfisigik, higithogo ferinarek welagik ikhi logogin, ikhe ino,” iluk yaganete.

MALEAKHI 3:12

Hit hinaiba andoma fano mondok logogun andiba re, afuni inunggulenu lombogen he mel yagahisikhi logogun. it afuni Israel mene re Allah nen fanorinabi'lago higi, iluk ikhi logogun o,” iluk yagaisasikhe.

ULANGAN 26:18

O yogondak yibaat, nineisena Tuhan nen, Hit hinebe yi'nogo hilinghinabigin, iluk wene wathisasikhe hak, hinebe at onggwarek againafuri mene asuagaluk wokhinafe o. A'nogo wokhinafesik, yi'nogo yagahisili'lago: An nen, Yi'nogo hilingiti logoino, ti'nogo hilingiti logoino, iluk komo weneba yagahisigi mene andi, mondogat hilingiti logoino, iluk yagahisikhe.

ULANGAN 26:19

Nineisena Tuhan Allah nen afuni inunggulenu ekhe elalinafikhe mene andi, inunggulenu, we, endep elo'lek hangge werek kwelek, hirenek he, hinunggulenu hokho mene hilinghinabigin o. A'nogo hilinghinafunem, it afuni andi nen hit agaugwet hinafik, foget hinafik, ikhi logogun o. Nineisena Tuhan Allah nen wene wathisikhe hagat, hit hinebe at onggwarek againafuri mene hilinglasimbik logogun o,” iluk yagaisasikhe.