Tuhan nineisena, Hat he it haselei mene unggum wogisagain iluk fouksek welagen oba nen, it he inonggorengge inafe wonghogo werek. Haren hagainafuri faget hendawi hundik hilinginafi lagen mene andoma ineilenggen isaluk he, it inenggali nen yinggil-yinggil kwikhi logouwak. Haren it unggum wogisagain iluk foukhogo fegen mene andiba it inebe mondogat funhogo legasuwak.
ZEFANYA 3:19 - Allah Wene Fano Wene Hupla Inane19 O andi asi wesigin sambul andiba re, afuni nen sebelhinarek logolik werek mene andi re An nen weagarogo fisagain, nen, ap ineisok wut warek mene re An nen inagap telogo fisagain, afuni hele warogo lakfisasukwa mene re An nen lologo woginarek hobuk fisa wesigin. It inomame leget fisugunem werek mene andoma An nen agamhogo re inelokhe heanerogo hilingfisagain, o yi kwe ti kwe nen inom, o kweangma yoma mondogaren inomen ogore, it andi re legeisogo fisigik, fogetfisigik, ugun. အခန်းကိုကြည့်ပါ။ |
ZEFANYA 3:19
38 ပူးပေါင်းရင်းမြစ်များ
Nit ninaselei mene andoma re alomat laga logouwak! Niren it inangge ekhe telhi lago lek oba nen ninangge teluogeluk hilingitik, henarogo hilingiti lago lek oba nen iren henarogo hilingitik, agarek. Oba nen he arat telogo helaluk inom henarogo hilingi'luk inom he, it inonggwarek inobaat afuni nen hinatik, henarogo hilinginafik ugu mene hilinglasugun o.
Afuni hat sebelogo hobagaikhi lagaukwa mene inagainafuri re ineindep awi yagaisogo sagam esi wesugun, it inane weak hat hoba fikhi lagaikha mene omanogore sebe i wesimbik iren ikhi logolik, ”Hat he kota Tuhan mene o, igik, athe Sion, Israel mene ineisena Allah, Mondok Horek mene a'nogo aiba o, igik,” ikhi logogun.
Nen o kweang hat haiba andi re, ap ina'mage nen hilingita iluk ugunem ekhe holhi logogun lek, wilayah hiren meneba andoma nen o meisalhigik lakfisugu mene inom, weagerogo fugu mene inom, ariginha ugunem ekhe holhi logogun legat. An nebe re, leget pa'leget hakhogo fetharek were'ma re, hiren An hineisena nen telninabi'lago o, iluk fogetnafi logogun o.
It afuni ekhe nen hinenggi pireba hobugalep hinenggali watik, hinenu weak hilingisogo hinobagagik, inendawimo seramet hinobagagik, isukwama nong agagip mene andi obali'mo re, hinaiba yi mene ti mene eise asugun mene andi, hinenggi altap pireba eise aga logolik, hinendawimo hinagaiyegetu mondok logogun o.
Oba nen hit pilhisikhi lagaikha mene andoma yogondak he it ogo mondogat pilisagain. Nen hit hinaselei mene re hele warogo huginabi lagaikharek oba andoma fisa lagain. Nen ap hit sebel hinobagakhi lagaikha mene andi re An nen ogo sebelogo fisagain, nen it inenggi abisak wanharek mene nen weaget hinafi lagaikha mene andi re An nen ogo weagerinabigin aro.
An nen it inebe nekhengge utara fikhiren woginarek wesigin, it inebe kweang wurep-wurep andoma nen waganogo andogerinabi wesigin. Afuni ineilenggen humunik mene inom, ap ineisok hambelek mene inom he it inom seberogo wesugun, andi nen hemi ineagwi ket takhogoin mene inom, inomalik inalabutmo mondogat wurik asigin mene inom ogore, inom wesugunat. It inebe re esa hokhorogo o kweang yiba wesugun.
Yerusalem he An nen nagaiyek oba figik, enu werek welagik, agaugweratik, fogeratik ugu mene asigin. Yi afuni ti afuni inunggulenu lombok o kweangma welagaikharek mene nen he, An nen mondok fanorogo afuni Yerusalem mene inoba halfisikhi logogin mene andoma faget inom, nen o kota andiba yi mene ti mene sik-pikhogo logouwageluk hilingfisikhi logogin mene faget inom, inesanggo holhaluk he it inailo nen inoak leigetik, An nebe legeisogo nobagagik, ikhi logogun.
Enggere, hit An nagainafuri mene re hinailosu fugo, An wesimbik hit telogo hinobagai wesigin. Ap inunggulenu mene werekwe An nen hit hinebe telfol hisagainkwe omanogo re An nen mondogat leget fisagain, oba nen hit he a'nogo hilinghinobagagin lek. Hit he, unggum wesigin mene andiba nen ogalfakhogoin lek, oba nen he hit hinoba unggum asi wesigin mene andi re katokhogo hilingitarek awene melalek werek higithogo hinoba asi wesigin. Iluk An hineisena Tuhan nen nane mondogat igi o,” ikhe.
Yogondak An nen hat unggum wokhesigiluk hilingiti lagi. An nen fanot hobagakhi lagi mene omanogo oak waganogo wanigin. An nen hat hebe waganogo re ap Filistin mene nen inanini hoba figik, hobabut mondok weakhogo nek hilingitunem hebak inaferogo kumut hiigik ikhi logouwageluk it inenggiba hobagakhi lagi.
Longgo aga mene re An nen heraginafik, nonghong agasik werek mene re An nen heragaisogo woginarek wagik, inoumo werek mene re An nen fanorinafik, inoba ou mene re An nen higirinafik igin, oba nen he asei hokho mene inom, omame werek mene inom he An nebe gembala fano mene logolik halinafu mene welagimo re ariginik mene andoma re leget fisagain o.
Attak he, it inaselei mene nen nit pilipninafi logolik yi'nogo ikhi lagaukwa, ”Hit hineisena Tuhan Allah andi re ebe koma werek nogo?” iluk ikhi lagaukwa. Oba nen yogondak he, nit nineisena Tuhan nen nit ninobaget hilingninaferek mene andoma nisambik he iren inenggali asugun. Nen, it ninaselei mene andoma re fesi ebekhe kwe were'ma sebelharek andi hakhogo sebelisamo nineilenggen isogoin.
Tuhan nen he, hit hinaselei mene felelenghogo mugisogo wulakfisikhi logolik, hit hinoba unggum wokhisagain iluk mene a'nogo herakfisikhe o. Hit inebe re afuni Israel mene hineisena Raja a'nogo awe a'ma fethinarek werek, At Tuhan onggwaregen hilinghinobagaikhemo re, Yogondak hiren hinailoti lagep mene a'nogo hinailoti logou fugo.
Inenggi andem oba re, ap pok mene inebe nomolo nen mene re ap Yahudi mene misik ekhe ambit wesimbik oba yagati logolik, ’Nit ninesanggo holhunemen he, hit he hineisena Allah nen fanot hinobagali'lago ugunem holhi lago o, andi nen he, nirogo a'nogo hilingninobagaumo ambisangma enggen ugu helikhi logoilo, iluk anggikhi lago,’ ikhi logogun,” iluk Tuhan Omame Mondok Hokho mene a'nogo ane yaganetunem holhi.
Nineisena Tuhan Allah nen afuni inunggulenu ekhe elalinafikhe mene andi, inunggulenu, we, endep elo'lek hangge werek kwelek, hirenek he, hinunggulenu hokho mene hilinghinabigin o. A'nogo hilinghinafunem, it afuni andi nen hit agaugwet hinafik, foget hinafik, ikhi logogun o. Nineisena Tuhan Allah nen wene wathisikhe hagat, hit hinebe at onggwarek againafuri mene hilinglasimbik logogun o,” iluk yagaisasikhe.
Tegetukwama, at Adoni-Bezek en yi'nogo isikhe, ”Attak he it ap inogogwi raja inebe 70 nen mene, an nen inenggi fuap inom ineisok fuap inom tegerinafigimo logolik, it inamburu an nambe abu'ne pugu mene tolhigik ninggi lagaukwa a'nogo. Nen yogondak he an nen it hilingfisasigi mene a'nogo ambisangma re Allah nen an noba a'nogoat hilingnobagaikhe yi o,” iluk isikhe. Andoni-Bezek ebere hobugen waluk o Yerusalem lagaukwama andoma nen at ebe wa'lagaikhe.
ကြော်ငြာတွေ