ZEFANYA 3:18 - Allah Wene Fano Wene Hupla Inane

¹⁸ Hit hinobaget Aren he, afuni seni isati logolik hilingitarek hak, wuni agaiyegoba wari'lago. Tuhan nen ikhi logolik, ”Enggin fenggin hit hinoba asi weri'lago mene andoma An nen waganogo herakfisagain o. Nen, it ekhe nen at andi re yiginik-tiginik iluk weaget hinobagali'lagwi mene andoma re An nen horogo herakfisagain.

ZEFANYA 3:18 ပူးပေါင်းရင်းမြစ်များ

MAZMUR 43:3

”An nambotkwe honggwarek handom Sion oba, Hat hawi wuri'mo welagen oba andoma lagen he, Hat hobabut fano enago a'nogo nen, hebe esage hangge seleget nabi wesimbik wo'narek lanogen,” iluk hayonggo fikhi lagi.

MAZMUR 79:4

Nit he afuni inunggulenu fena nit horok horokwe werek mene oma nen li'not ninobagagu mene hilinglagosik welago, iren he nit endo ya'ninafik, inabit ninoba figik hilingninabi'lagwi.

YEREMIA 23:3

Oba nen it An nagainafuri mene fena tindelek logogun mene re An nen it huginabi lagain oba andoma nen andogorogo fisa wesigin. It he An nen woginapluk it inanggweang inonggwaregen meneba wesumo re iren tagomangge mene re hokhorogo saga ugun.

RATAPAN 1:4

Linggene hokho meneba re, afuni misik iluk ogo ekhe Allah Awi wuri'mo omanogo weri'lagwi lek. Helime wuni watarek mene omanogo re enggin-fenggin hili'lagwi, nen it imam-imam omanogo re inendawimo weakhogo limamit falhu werek. O kwe ambe palek hokho meneba omanogo re afuni ekhe werek mondok lek, nen o kota Sion a'nogo re fong warogo werek.

RATAPAN 1:7

Mondogat wolelenggenhogo taik igik, ou-pou engge hokhorogo hilinglagik, ikhemo nen enek he, Yerusalem enggi werek hilingik logolik attak hilingik welaga mene aremnogo ebethikhe. A'nogo ebethikhi logolik he afuni o aren andoma inaselei mene inenggimo agu kwelek enek he, ap misigen ogo ekhe lebetnabi lagaikha lek anggikhe. At wolelenggenhogo taik ikhe mene a'nogo at aselei mene nen ineilenggen hagasik he obaget endo yata.

YEHEZKIEL 34:13

It inebe re afuni inunggulenu lombok welagaikharek mene inanggelekwe andoma nen inom ap pok mene inawilokwe andoma nen inom wulaginabi wesimbik andogorogo woginarek inaiba inonggwarek inanggweang oba fisa wesigin. A'nogo fisa wesimbik An nen it inebe afuni Israel mene inandom kwe inom, fanggong kwe inom, inafe morogo ninggi logouwageluk engga mondok muli fanoma andoma fisa laga logogin.

YEHEZKIEL 36:24

It yi afuni ti afuni inunggulenu hokhorogo werekwe andoma nen inom, o kweang ekhema-ekhema hokhorogo andoma bene nen inom, nen hit An nen kaboget hinobagaluk hinambotkwe sugulogo hinonggwarek hinanggweang oba lakhinobagai wesigin.

YEHEZKIEL 9:4

”Lambik he, o kota andiba nen inobabut hebak inafe mene hilingiti lagaikhaba afuni inendawinggen heiselhunem weakhogo werek mene andoma inambit o kota unggut-unggut andoma laluk he inebe mondogat inelha bene enek enggerogo hilingfisa lan o,” iluk yagati laga.

HOSEA 1:11

A'nogo yagaisambik, afuni inunggulenu Yehuda mene inom, Israel mene inom, hobuk inambotkwe lambulogo misi'mo fisugunem, iren inoe kain raja misik mene nen ferinarek logouwagaluk menfogoin o. A'nogo menfembik inaiba andoma were'ma, inebe hokhorogo sik-pik igik, inenggi werekhogo welagik, ugun o. O andi sambul he, An nen afuni Israel mene inebe sumburu awi kweang fano heisele'ma yatarek hak yaginabigin, iluk u hak he, hari enu Yizreel igi andi esin mene asigin o,” iluk yaganete.

HOSEA 9:5

Linggene ekhe seni isati logolik Tuhan agaugwetfuluk legeisogo fugu sambul he, hiren wene andi faget hilingisugun iluk yi'nogo ti'nogo ekhe hilingisugun mene re elo'lek aga logogin.

ZEFANYA 3:20

O ekhe asi wesigin meneba re, afuni hit mene o ekhema-ekhema sagarek welagaikharek mene andoma An nen hondoginarek fisa wesigin. Hit he, o kweangma yoma fano logobagaigen he An nen hinenu werek hilingisogo hinobagagin, Nen hit hinangge yi mene ti mene oba heilarogo welagagip mene omanogo re, An nen hobuk ambotkwe sik-pikhogo logobagaigiluk hilingisogo hinobagagin aro,” iluk Tuhan nen ikhe o, iluk isikhe.