ZEFANYA 3:13 - Allah Wene Fano Wene Hupla Inane

¹³ Nen, it afuni Israel mene o andoma inebe endebengge logogun mene re, iren afuni ekhe inoba iluk ogo weak inoba figik, ineranhogo wene yagaisigik, inane nen lalinafik ikhi logogun mondok lek. It he inangge yi mene ti mene sik-pikhogo were'ma inoba fanorogo nek logogun, nen iren afuni inoba ekhe inailoti logogun lek,” iluk, ikhe isikhe.

ZEFANYA 3:13 ပူးပေါင်းရင်းမြစ်များ

2 TAWARIKH 20:30

Andiba re, at Tuhan en Yosafat oba aren melalinafukwe omanogo mondogat ap youk mondok legengge fanorogo logouwageluk hilingfisasikhemo re, at Yosafat a'nogo weim abok legengge melalinafu welagaikhe.

AYUB 11:19

It afuni haselei meneba re hailorinafi logogin lek, it afuni hokhorogo nen haren leberinabuageluk kino yagaheti logogun.

MAZMUR 119:3

It afuni At Tuhan endawimo anggikherek mene higithogo welagik, nen weak mene ekhe hilingiti'lek welagik, hilingiri'lagwi mene andoma re inagaiyek hikhi logouwak.

MAZMUR 120:2

Tuhan neisena, it afuni ineranen wene igik, inane nen weregaphogo igik, agarek mene andoma inoba nen telnabin o.

MAZMUR 120:3

Yago, hit hineranen wene ikhi lagep hinap yoma, At Allah nen he hit inoba ninggi'nogo ekhe hilinghinobagagin nogo? Nenameneba Aren wene hinoba fagain nogo?

MAZMUR 23:2

Aren an nebe wo'narek, o leimo engga mulire'ma fanoma andoma weing nobagaikherek. Arenat i abolo'lek were'ma andoma wo'narek lagarek.

YESAYA 17:2

O Siria oba kota-kota andoma re mondok-mondok faget herakfisaluk wilibumo re obalik andoma re yi anggo ti anggo kuluk were'ma re, ap ekhe nen iluk ogo inelokhe palu lek hak hilingik logogin.

YESAYA 35:8

O andoma re ebekwe hokho mene ekhe logogin, ”Ebekwe andi enu re Inagap telinaferekwe,” iluk salek logogin. Ap weak hilingitarek mene re kwe andi kwe laga logogun mondok lek, ap kembu mene re ap kwe andiba louwogeluk lagunem inendawinggen lugu-lugwirinafi logogun mondok lek.

YESAYA 54:14

Hat he katokhogo hilingitu mene amboloba wurogo hobagagin, hamel-mel mene inom sebelogo ferinarek werek mene inom andomaba nen eil uanhogo hilinghobagagin.

YESAYA 6:13

It inebe 10 nen mene logogun oba nen ap misik ekhe o kweang andiba logogin halok he eiloak legasiginat. Oba nen he e wein mugusogo lakfugu mene andimiba nen asimit suphogo lagaikherek andi hak, afuni inunggulenu andi mene alinlan ekhe logogun mene re, hobuk An nagainafuri a'luk inebe horek mene logolik enogo logogun mene erorasugun aro,” iluk yaganete.

YESAYA 60:21

Afuni andoma logogun mene re eberogo mene nek hilingiti logogun, iren he o kweang andi mondok-mondok faget eise a'luk logogun. Ithe e awi kigilogo An nonggwarek nalong welagi mene a'nogo weinamet fagain iluk yakfesigi mene hangge hilingik logogun.

YESAYA 63:8

A'nogo iginmo re, At nineisena Tuhan nen he mel ikhe: ”It andi eberogoat he An nagainafuri o. It andi re An nagainafuri nendawimo weagasuageluk hilingiri'agwi lek mene,” iluk ikhe. Andiba re At he it inagap telhu mene agaikhe andi,

YESAYA 65:10

Nagainafuri nen An fogetnafu logogun, iren mene inanggo domba, sapi omanogo re o Akhor fanggongma inom o Saron tonggoma inom andoma nen engga fanorogo ninggi logogun.

YEREMIA 23:4

An nen ap it ferinarek werek mene halinafi logouwageluk menfisagain. An nagainafuri re inailo agik, inoak leik etik, ugun lego, nen it inoba mene tem misik iluk ogo ekhe longgo ugun legat. Iluk An Tuhan nen nane mondogat igi,” ikhe.

YEREMIA 30:10

An nagainafuri Israel mene re hinailosu fugo! An namingmingengge Yakub he hoak leigesu fugat! Hat inom hat hambisangma mene nen tagomangge mene inom he o kweang mondok yatma hit hinenggi hele warogo hinobagasukwama andoma nen hinagap telogo hinobagagin. Hit hinambotkwe hinaiba wesimbik hinailo legengge logogun. Hiren hinailoratu mene ekhe logogin lek, hinabolok legengge fano liokhogo logogun.

YEREMIA 31:33

An nen nagainafuri Israel mene ninom wene ket mene wasugun mene andi ebere yi: An Nawene melalek a'nogo it inendawinggenma figik, inendawimo lisu palfisigik, igin o. An nebe re it ineisena Allah asigin, nen it he An nagainafuri asugun.

YEHEZKIEL 39:26

It ambi, inanggweang oba inabolo'lek femhogo were'ma, ap misigen iluk ekhe minggilinafi logogin mondok lek. Ma re iren An noba li'norogo weagetnobagakhi logolik inendawinggen noba tibet fikhi lagaukwa mene a'nogo re inonggorasugun.

YOEL 3:17

Andi faget he Aren ikhi logolik, ”Yago, hit Israel mene yi. Hiren he, An nebe hineisena Tuhan Allah welagirek mene a'nogo hinelu asugun o. An nebe re Nandom Sion mondok horek mene a'nogoba logogin, Nen, o Yerusalem ogore An nonggwarek nawi kota fano horek awiat hilingisogo fagain o. A'nogo hilingfugunem, hobuk afuni pok mene o andoma kwikhi logogun mondok lego.

IMAMAT 26:6

An nen mene olomene anini weak mene hit hinanggweang oba nen legetfisamo re, hit hinoba weim yafu mene ekhe logogin lek. An nen hit hinoba hinamel-mel lekhogo hilinghinobagaumo re, hiren hinaiba andoma amu meneba ekhe hinailo lekhogo nogokhi logogun.

MIKHA 4:4

Afuni inebe lombok he, it inangge anggur yabumo inom, inagayo ara erokwe inom fano liole'ma logogun. A'nogo logolik he afuni ekhe nen inailot fisogoin iluk hilingiti logogun lek, iluk At Tuhan Omame Mondok Hokho mene a'nogo nen wene wate andi.

MIKHA 4:7

It afuni andoma re, ineisok endenek mene hakhogo hilingfisaluk it inawi eroma nen he, yatma woginarek fisa lagagi mene andomaba nen, it fena ineluk werek mene andoma re An nen inunggulenu ket mene salogo fisamo, inunggulenu hokho mene hilinglagik, inomame hokho agik, ugun o. A'nogo hilingfisambik An nebe Tuhan At logolik Tom Sion oba andoma melalinafu mondok logogin,” iluk ikhe.

MIKHA 7:14

Tuhan neisena. Hat hagainafuri haren wenaginafigin mene omanogo re, it inebe yat-yatkwe werek mene inom, solikwe werek mene inom, kweang heiselekwe werek mene inom were'ma, Haren halinafi logoin o. Neisena, it he o attak welagaukwa hakhogo inangge nunggu mene re o Basan engga wilibikwe andoma nen inom o Gilead kwe andoma nen inom helaluk ninggi logouwago.

ZEFANYA 2:7

It afuni Yehuda mene fena endebengge wulibugun mene re hinawilokwe andoma logogun. Iren he inanggo kwe andoma konhi logolik o hubagunem it afuni Askelon mene inawilokwe andoma nogokhi logogun. Andi re it ineisena Tuhan Allah nen awe a'ma ferinarek were'ma, it inebeba inom inangge yi mene ti meneba inom hobuk ambotkwe fanotfisugunem he sik-pikhogo mondok logogun andi.

ZEFANYA 3:5

Oba nen he At Tuhan ebe o kota andiba werek. Aren he mondok fano mene nek hilingiri'lago, nen, weak mene ekhe hilingiri'lago lek. O hubet hundik-handik he Aren againafuri inoba higithogo nek hilingfisili'lago. Oba nen he, it afuni o kota andiba higithogo hilingitu aple inonggot mene re inenggali higi'lek weak mene nek hilingitu welagaikharek andi.

ZAKHARIA 8:12

It he, inendawinggen fanoba nek awingge enggen feik lakfikhi logogun. Nen, it inagayo anggur enggen itik, inanggweang oba nen enggen ugu paligik, meiso pogoroba nen hokhorogo pelagisa wagik, ikhi logogin. It inunggulenu ari mene nen fena ineluk werek mene andoma inoba re An nen fanoabet fisikhi logogin aro.

ZAKHARIA 8:16

Hiren hilingiti logogun mene ebe re yi: Hiren hinane uogeluk halok he, eberogo mene nek hinagaila'lak inoba yagaisigik, nen, o wene katokhogo palharek oba omanogo nen wene tegeti logolik hinendawinggen se asu hak mene nek ikhi logolik higithogo tegeti logoino.

ZAKHARIA 8:3

An nebe sugulogo o An Nawi Yerusalem kota mondok horek mene a'nogoba wesimbik andoma logogin o. Nen, o Yerusalem andi re kota tiphogo hilingitu mene iluk inelu mondok logogun, nen Tuhan Omame Mondok Hokho mene Andom andi re Punu mondok Horek mene iluk ikhi logogun.

MATIUS 13:41

An abat ta'lasi wagagi a'nogo nen nagoromi malaikat Allah pogoroba nen yonggo lakfisa wagarek mene yonggo lakfisa wagunem, iren he, Allah awe a'ma fisikhere'ma andoma nen, yi mene ti mene afuni nen weak hilingisuageluk hilinginafarek mene inom, yi afuni ti afuni weak hilingitarek mene inom, andogorogo fisaluk,

YOHANES 1:47

A'nogo yagatikhemo, at Nataniel Yesus oba wesigeluk wagunem at Yesus nen eilenggen yethasikhesik at abok mel yagaisasikhe: ”Ap ari ebe Israel eberogo mene. Ane pire ikherek mondok lek mene ari yethani!” iluk yagaisasikhemo,

KOLOSE 3:9

Su attak mene nonggologo lakfisaluk he, hobuk ket mene labetarek hak, hit hinobabut attak hilingiti lagagip mene herakfisaluk, hobuk hinobabut ket mene wanhigip andi nen, hineranhogo wene ikhi logogubo. Hinobabut ket mene andi, Allah nenat elalhinafikhemo andi nen he, at onggwarek obabut hangge hilingla'luk he, ebe mondok furogo hinelu asuageluk, hobugalebat hilinghinabi'logo andi.

1 PETRUS 3:14

Meneat he, higithogo hilingitunem weagethinafa halok, yi enggin ti enggin hikhi logolik, hinendawimo hinagaiyek hikhi logoino. Hinailo asuageluk hilinghinafunem, hinailo a'luk hinendawimo menenei uan horok ebetubo.

1 YOHANES 5:18

Nit Allah againafuri ta'ninafe mene at amlogo manggusa tatikhe mene a'nogo nen kwelakninarek were'ma, at obabut weak mene a'nogo nen enggi fa'nisagain lego. Halok he, nit weak hundik mondok hilingiti logogun lek, iluk nineluo.

WAHYU 21:27

A'nogo kwikhi logogun meneat he, afuni weak inabit mene hilingitik, ineranen wene igik, ikhi logolik inoba horinafi'lek mene re o andoma kwikhi logogun mondok le'ma higi. A'nogo meneat he, it ekhe ineluk mondok logouwageluk fanorinabigin mene halok inenu lisu palogo Domba Eak asuesinggaba fikhe mene nek o andoma kwikhi logogun higi o.

WAHYU 21:8

A'nogo meneat he, it afuni ekhe inailo werek mene inom, Allah ane wanharesigen herakfisagarek mene inom, Allah abit mene hilingitarek mene inom, afuni inoatarek mene inom, pailak fakfisigik, fakfisoageluk hilingitik, agarek mene inom, wesagun anggwelek inoatarek mene inom, tugwi kembu oba himbirik logolik, fogeratarek mene inom, ineranen agarek mene mondogat inom, i laut endu mene yenggelek were'ma, hendali al hangge amben weak mene enu belerang inom amulok nunggu mondok welagare'ma andoma lakfisagain o. Lakfisagain andi re, inebe attak elama faget wa'lasimbigen hobuk wa'lasugun andi aro,” iluk yaganete.