ZEFANYA 3:12 - Allah Wene Fano Wene Hupla Inane

¹² O andoma re, afuni inunggulenu ekhe inedawimo sebelfakhaluk An nen lebetninabuageluk hilingitarek mene nek he o andoma femhogo logouwageluk herakfisagain. It enek he o andoma higit logogun.

ZEFANYA 3:12 ပူးပေါင်းရင်းမြစ်များ

EZRA 9:8

Oba nen he nineisena Tuhan Allah, yogondak Haren nit ninoba fano agendik, o mondok fanoma yoma ninailo legengge mondok fanorogo logouwageluk, nit mene fenakwe ap ina'ma inamingmingengge a'luk were'ma nen lologo ninobagegendik nineluk ket mene logouwageluk wo'nisegen.

MAZMUR 37:40

It afuni inobabut fano hilingitarek mene andi re, inebe Allah awe a'ma kuluk welagaikharek andi nen he, it afuni weak hilingitarek mene andi nen inoasuogoluk ugunem, At Allah nen leberisaluk telinaferego.

YESAYA 14:30

Hit he sumburu ouwak mondok elo'lek mene hinoba asi wesigin, nen ap hit mene we alin lan logogun mene re mondogat inoasugun. Oba nen hebekhogo re An Tuhan nagainafuri mene inangge yi mene ti mene mondok inelagaik mene andoma re inamburu elok ninggi logogun, nen it afuni yi'nogo ti'nogo hilingisu mondogat elo'lek mene andoma re inailo legengge inendawinggen hambukhogo logogun.

YESAYA 14:32

Ap Filistin inaben yonggongge lakfisa wesugun mene andoma inoba re niren onggo ninggi'nogo yagaisogoin nogo? Niren yagaisikhi logolik Tuhan en o Sion a'nogo re mondogat wute o, nen At againafuri enggin-fenggin hugu welagaikharek mene re o andi elonggoma inagap telek logogun o, iluk yagaisogoin o.

YESAYA 29:19

Ap inenggi lek mene inom, li'norinafarek mene inom he Israel mene ineisena Mondok Horek mene a'nogo nen inagaiyek hoageluk wogisikherek mene a'nogo hogoin.

YESAYA 50:10

Yago, hit Tuhan legeisogo fikhi lagep mene yoma inom, nen At amingmingengge ane ugunem hologo hilingiti lagep mene inom yoma sani, ebekwe hit logoinkwe hokhorek logolik, hit hinobaget ombak-bak seleget hinafu mene ekhe werek oba nen ogore, hinendawinggen Tuhan oba tibetfuluk hineisena Allah ba himbirik logogun halok he fano o.

YESAYA 6:13

It inebe 10 nen mene logogun oba nen ap misik ekhe o kweang andiba logogin halok he eiloak legasiginat. Oba nen he e wein mugusogo lakfugu mene andimiba nen asimit suphogo lagaikherek andi hak, afuni inunggulenu andi mene alinlan ekhe logogun mene re, hobuk An nagainafuri a'luk inebe horek mene logolik enogo logogun mene erorasugun aro,” iluk yaganete.

YEREMIA 17:7

Oba nen he ap An noba endawinggen himbirik logolik noba ebetfuluk werek mene re An nen fanotfugu mondok logogin!

YEREMIA 50:20

Andem sambul he Yehuda mene inom Israel mene inom he An nen afuni inagap telinabigin mene andoma inom inaweak horogo legetfisamo re, weak meneba nen mondogat horek mene logogun. Iluk An Tuhan nen nane mondogat igi o,” ikhe.

YEHEZKIEL 6:8

It mene fena endebengge nek he inoasugun oba andoma nen inagap telinabigin, oba nen he it inebe ap inunggulenu lombok inanggelekwe andoma telfol isamo re,

MIKHA 5:6

Tuhan nen he yi mene ti mene yago meneba lilengge ebene figik, meiso pelabi wagik, ugunem fano agarek andi hak, afuni Israel mene fena ekhe ineluk werek mene andi afuni inunggulenu lombok inanggelekwe logolik, afuni mene inoba himbirik welagi'lek Allah oba himbirik were'ma, Aren fanorinabigin.

NAHUM 1:7

Tuhan andi re mondok fano, At againafuri enggin inoba were'ma awe a'ma ferinarek welagarek. Afuni At oba lombokhogo werek mene re Aren halinafu mondok werek.

ZAKHARIA 11:11

Nenggi a'nogo sambulat Tuhan nen wene watikhe mene a'nogo palagaikhe. Nen, it ap domba onggo palharek inap omanogo nen futfikhi logolik he, an nobabut hilingiti lagi mene andomaba Tuhan ane ili'lago iluk futfesukwa.

ZAKHARIA 11:7

An Zakharia nebe, it domba onggo palharek inap omanogo nen domba watu mene omanogo halhi logouwageluk onggo palnafa. Nen, an nandomuk he ebe pire mene were'ma re, ekhe enu, ”Endawi fano” salhigi, nen ekhe re, ”Hele homago” salhi. A'nogo salhirik he an nen domba omanogo halhu mene erorati.

MATIUS 11:5

Ineilenggen mum mene fenggenogo fano agik, inawe wut warek mene kwe lagik, inoba henanggo hangge inailo mene were'ma higirinafunem fano agik, inesanggo tagum mene inesanggo huakhogo holhik, warek mene inelugerinafik, it ekhe inagarek lek mene fano wene yagaisigik, ugunem hineilenggen neegep a'nogo furogo yagasi lan o.

MATIUS 12:21

Nen, it afuni endakwe mene nen he, at enu iluk, Aren fanotninabigin o, iluk ugun,” iluk isikhe mene werek andi higithogoat hilinglasuageluk hilingitikhe andi.

MATIUS 5:3

”Afuni inendawimo nen, An he, Allah eilhanem elo'lek welagi, we Allah oba nek tibet fuluk logogin iluk anggagarek mene andi, Allah awe a'ma fisikherek oba andoma eisewerek irat agaikhasik werek andi nen he, inendawimo inagaiyek hikhi logouwak.

ROMA 15:12

Nen, ekhe re, at Yesaya nen he, mel iluk lisu palogo fesikheat: ”E mutarek mene andimiba nen asimit lagaikherek hak, at Isai nen tagongge mene ekhe weinam asigin. Weinam agunem he, it afuni endakwe mene at awe a'ma logolik, aren fano'ninabigin, iluk at oba eberek logogun o,” iluk lisu palogo fesikhe.

YAKOBUS 2:5

Nerugwi nagaila'lak. Hinebe nendawi e. An wene igin yi hinesanggo holino. It afuni kweangma inenggi lek mene andi, Allah nenat wenaginafi logolik he, ”Inenggi werek logou hak, inendawinggen an noba eberogoat himbirik logouwak. Nen, it an nebe inendawi mene halok, o an nen nawe a'ma fisugunem logogun oba andoma eisewerek asugun iluk wene warisasigi mene andi, irat eisewerek asuak,” iluk wenaginafikhe.

1 PETRUS 1:21

Ebe wa'lagaikhemo Allah nen eluget fembik fogerati logouwageluk menfesikhemo, hinendawinggen Allahba eberogoat himbiret fuluk, ”Hobuk aren fanotninabigin,” iluk oba eberek welagep andi.