ZEFANYA 2:8 - Allah Wene Fano Wene Hupla Inane

⁸ Tuhan Omame Mondok Hokho Mene a'nogo nen ikhi logolik he, ”It afuni inunggulenu Moab mene inom, Amon mene inomen he An nagainafuri li'norinafi logolik pilibinabi'lagwi mene andoma An mondogat nesanggo holhi o. It An nagainafuri inanggweang omanogo teluogeluk he inane nen lalinafi lagaikha.

ZEFANYA 2:8 ပူးပေါင်းရင်းမြစ်များ

KEJADIAN 19:37

A'nogo ina'ma agaukwasik, a'logo manggusa mene a'nogo eak abengge takhasikhesik enu Moab salhikhe. At he, afuni inunggulenu Moab mene yogondak werek andi inomba ta'lagaikhe andi.

KEJADIAN 19:38

Nen, at Lot a'logo hobuk mene a'nogo nen eak abengge takhasikheat. Takhasikhemo re, enu Ben-Ami salhikhe. At andi afuni inunggul enu Amon mene inomba ta'lagaikhe andi.

YESAYA 15:1

Tuhan nen Moab mene faget yagaisoageluk isikhe mene re yi. O kota Ar inom Kir inom he we hup misik oba nek wolelenggenhogo fagain, nen o Moab he afuni inareng tiring terenghogo hilingik aiba hilingisogo fagain.

YESAYA 16:6

It inunggulenu Yehuda mene nen ikhi logolik he mel aga, ”Nit he it Moab mene nen winik-wonok ili'lagwi mene andoma re mondogat holho o. It andi winik-wonok ikhi logolik foget fakhili'lagwi mene andi re nit he ninelu aga o. Inane ili'lagwi mene andoma re waruk i ebe hinago lek mene hangge logoligen ili'lagwi o,” ikhi logogun,

YEREMIA 12:14

Tuhan nen ikhi logolik, ”It o negara Israel inom horokhogo werek mene o kweang An nen nagainafuri Israel mene wogisigimo nen weaget faga mene a'nogo faget he wene re yi'nogo yi o: Kweang oba nen wilibik engge sanogetarek hak, ap inanini mene andoma re it inanggweang oba nen An nen wulak fisagain o, nen Yehuda re it inenggiba yinggilogo fisogoma nen An nen lologo fisagain.

YEREMIA 48:1

At Tuhan Omame Mondok Hokho mene, Israel mene ineisena Allah a'nogo nen Moab faget ikhe mene re yi, ”Afuni o Nebo werek mene inawi kota re arat sinukhogo pikhe andi nen he alomat lakhoak! Kiryataim he aben telagasik he o andiba inalong palogo omamerogo wurik mene omanogo re mondok halik halokhogo hilingfagama re afuni andoma werek mene re inenggali agaikha.

YEREMIA 49:1

Amon faget Tuhan nen ikhe mene re yi, ”Nenahalok kweang it inunggulenu Gad mene andoma re ap kembu Dewa Milkom fogeratarek mene nen telagasik werek nogo? Afuni Israel mene nen o andoma faget ili u mene re ekhe werek legen a?

RATAPAN 3:61

Tuhan neisena, an sebelogo nobagali'lagwi mene andi re Haren niikhi lagen, iren hilingisugun mene iluk wene melali'lagwi mene andoma re Hat mondogat helu welagen.

YEHEZKIEL 21:28

Afuni wa'lagaikharek mene yi re, hobuk hilinglasigin mene faget husumbi yagaisan o! Haren afuni Amon mene nen ap Israel mene li'norinafi lagaukwa meneba re, An Tuhan Lego mondok welagirek mene nen nane yi'nogo ikhe iluk yagaisano, ”Karok misik ekheba palhinabigiluk mondok fik-foukhogo werek, karok ebe re ap pinggi wasuageluk enggat mondok miring merenghogo eilabut kulung hikherek hakhogo magongge werek.

YEHEZKIEL 25:1

Tuhan nen an noba yaganeti logolik,

YEHEZKIEL 35:12

Andiba re, An Tuhan a'nogo nen hiren hinane weak mene ugunem andoma An mondogat holhi lagagi hilingi'mo re ambisangma hirogo hinelu asugun, hit hinane ikhi logolik, tom-tom Israel oba omanogo mondogat ap inareng lek agaikha o, nit ninenggiba nen mondogat inoato, iluk ikhi lagep.

YEHEZKIEL 36:2

It Israel mene inom weim palek mene omanogo nen li'norinafi logolik he yi'nogo ili'lagwi: Tom-tom o attak mene omanogo yogondak he nit mene aga o, ili'lagwi.

AMOS 1:13

Tuhan nen ikhi logolik he, ”It afuni inunggulenu Amon mene re hundik-handik weagenek hilingitu weregen he, eberogoat An nen wene inoba fagain o. Iren it inaiba wilayah omanogo hokhorogo wialasuageluk hilingiti logolik, iren hemi o Gilead hemi ineagwi ina'ma mene inalabut pelanghigik inoata andi.

AMOS 2:1

Nineisena Tuhan nen a'nogo isikhesik, ekhe afuni Moab mene faget mel isikhe: ”It afuni Moab mene hundik-handik weak enek hilingitu werek andi nen he, An nen kamo igi'lek eberogoat wene inoba fagain o. Iren afuni Edom mene inoe raja ebe wa'lagaikhe mene a'nogo inendawimo seramet fuluk, ebe warek salhukwaba kweang habulogo legetukwasik oak yegelogo wanhukwasik he, endu nolhukwama wul agaikhe andi.

ZEFANYA 2:10

It afuni Moab mene inom, Amon mene inomen inonggwarek leget fakhigik, winik-wonok igik, nen At Tuhan Omame Mondok Hokho mene a'nogo againafuri omanogo sebelogo fisikhi lagaukwa andiba re unggum a'nogo inoba fagain andi.

YOSUA 5:9

Andem sambul he, Tuhan nen at Yosua wene ekhe mel yagatikhe: ”Hit afuni o Mesir mene nen inamingmingengge higit fethinarek were'ma re, hinenggali aga lagagip mene a'nogo yogondak arat legetfigi o,” iluk yagatikhe andi nen, o andoma enu Gilgal salhukwama huli yogondagen ugu mondok werek.