A'nogo logolik, ogogwi agoromi omanogo mel yagaisasikhe: ”An nebe horogat wa'lasigin hak welagi o. A'nogo meneat he, at Allah nen eberogoat hit fethinarek logolik, hit hinebe o yoma nen wokhinarek wilibimbik he, o Abraham inom, Ishak inom, Yakub inom, wokhisagain, iluk hombuk palogo wene warisasikheba andoma wokhinarek lagain o,” iluk yagaisasikhe.
ZEFANYA 2:7 - Allah Wene Fano Wene Hupla Inane7 It afuni Yehuda mene fena endebengge wulibugun mene re hinawilokwe andoma logogun. Iren he inanggo kwe andoma konhi logolik o hubagunem it afuni Askelon mene inawilokwe andoma nogokhi logogun. Andi re it ineisena Tuhan Allah nen awe a'ma ferinarek were'ma, it inebeba inom inangge yi mene ti meneba inom hobuk ambotkwe fanotfisugunem he sik-pikhogo mondok logogun andi. အခန်းကိုကြည့်ပါ။ |
ZEFANYA 2:7
42 ပူးပေါင်းရင်းမြစ်များ
O istana raja awi sili a'nogo herakfisamo re, o kota eroma anggiluk hilingi'mo omanogo re mondogat tiring-tereng igin. Afuni mondogat inareng legasugun. Punukwe inom afuni ineil welagaikharekwe legoma omanogo inom he sebelogo inenggi mondok-mondok faget kweang inom misik higiret fagain. Keledai maro mene omanogo inom domba inom he kwe andoma nikhi logolik engga ninggi logogun.
Eberogo nenat hit he An ninom ambi asugun aro. Hit hinebe yi afuni ti afuni inanggelekwe andoma nen inom, yikwe tikwe telfolhisasigi kwe andoma nen inom, andogorogo kaboget hinobagambik, nekhengge hit hinebe An nen wokhinarek wesimbik he o kweang eroma yoma hinobagai wagik, hinebe hilingik logogun mene halogo hinobagagik, igin o. Iluk An Tuhan nen nane mondogat igi,” ikhe.
Tuhan nen ikhi logolik, ”An nagainafuri Israel mene andoma re hinagaiyekhogo wuni wati logoni o, afuni inunggulenu ekhe re abelma hangge meneat he hit hinunggulenu Israel mene andi nek he esin mondok andi nen he, nineisena Tuhan nen it Israel mene abu'nengge ineluk werek mene omanogo inagap telinafe iluk wuni warogo fageti logoino o.
Kweang onggo wanhu mene faget sertifikat fouget fuluk he meterai to'morogo inenggiba lisu palfigik, amusu figik, hilingfuluk omamerogo iluk he afuni ineilhanem en hilingiti logogun. Andoma re o wilayah Benyamin oba inom, o Yerusalem haningisogo desa-desa andoma bene inom, kota tomkwe werek mene andoma bene inom, tom erokwe werek mene andoma bene inom, Yehuda ba o sili selatan fikhit andoma bene inom, a'nogo nek hilingiti logogun. Unggulenu yi re An nen it inanggweang yiba nen inebe halfisagain o. Iluk An hineisena Tuhan nen nane mondogat igi,” ikhe.
Tuhan Omame Mondok Hokho mene ane ikhi logolik, ”O kweang yi inom o kota ebe inom he lei mondok pirim se'ma higit hilinglaga, nen afuni ogo eluk-elugengge ogo ekhe werek lek. A'nogo hilingik oba nen he hobuk andoma re engga leikwe andoma wilibumo re afuni nen inanggo domba konhi logogun oba logogin.
Tuhan Lego Mondok welagarek mene a'nogo ane ikhi logolik, ”Oba nen he yogondak Yakub ambisangma ta'lagaikha mene afuni Israel mene andoma An nen nendawi hundik hilinginafik, nen it attak welagaukwa hak inangge hokhorogo logouwageluk hilingfisigik, igin o. A'nogo hilingfisagain andiba re An nenu a'nogo legeisogo fikhi logouwageluk hal fikhi logogin.
Nen it afuni o Yehuda abel selatan fikhit werek mene andoma re o Edom oba andoma sebeli kwimbik logogun. Nen, it afuni tom-tomkwe mo ubuk ikherek fikhit logogun mene nen he it afuni wilayah Filistin meneba andoma inomame legetfisambik sebelogoin. Nen, it inunggulenu Benyamin mene nen he o Gilead sebeli kwimbik logogun. Nen, it An nagainafuri Israel mene nen he o Efraim mondogat oba inom Samariaba inom sebelambik logogun.
A'nogo yagaisasikhesik At Tuhan nen ekhe inom yagaisikhi logolik, ”Hit afuni Israel mene fena hineluk welagep mene ya re. Wam domba ambotkwe sugulogo inailoba wagaikharek andi hak, An nen hit hinebe misi'mo andogorogo hinobagaumo re, o leimo wam domba hokhorogo welagarek andi hak hit hinaiba andoma hinebe hokhorogo logogun o.
It afuni andoma re, ineisok endenek mene hakhogo hilingfisaluk it inawi eroma nen he, yatma woginarek fisa lagagi mene andomaba nen, it fena ineluk werek mene andoma re An nen inunggulenu ket mene salogo fisamo, inunggulenu hokho mene hilinglagik, inomame hokho agik, ugun o. A'nogo hilingfisambik An nebe Tuhan At logolik Tom Sion oba andoma melalinafu mondok logogin,” iluk ikhe.
An Nebe afuni inunggulenu Israel mene ineisena Allah, Nebe Neluk Mondok welagirek mene a'nogo nen enggere, An nen o Sodom inom Gomora inom oba hilingfesigi hakhogo it Moab inom, Amon inom ogore a'nogoat hilingfisamo pugulasugun o. O kweang andomaba re eluge agai mogo yenggelekwe hokhorogo were'ma o meisalek kabok lagakhi logogin kwe omanogo re engga weak mene wulibik logogin. Nen, it An nagainafuri mene fena endebat linet lasimbik wulibugun mene nen he, afuni o andoma werek mene telambik he, it inaiba andoma sebelambik logogun o,” iluk ikhe isikhe.
Nen, it afuni Israel mene o andoma inebe endebengge logogun mene re, iren afuni ekhe inoba iluk ogo weak inoba figik, ineranhogo wene yagaisigik, inane nen lalinafik ikhi logogun mondok lek. It he inangge yi mene ti mene sik-pikhogo were'ma inoba fanorogo nek logogun, nen iren afuni inoba ekhe inailoti logogun lek,” iluk, ikhe isikhe.
O ekhe asi wesigin meneba re, afuni hit mene o ekhema-ekhema sagarek welagaikharek mene andoma An nen hondoginarek fisa wesigin. Hit he, o kweangma yoma fano logobagaigen he An nen hinenu werek hilingisogo hinobagagin, Nen hit hinangge yi mene ti mene oba heilarogo welagagip mene omanogo re, An nen hobuk ambotkwe sik-pikhogo logobagaigiluk hilingisogo hinobagagin aro,” iluk Tuhan nen ikhe o, iluk isikhe.
A'nogo iluk yagaisasikhemo ap Zerubabel inom, Yosua inom, afuni Israel mene mondogat hele warogo o Babel lakfisasukwama nen sugulogo inambotkwe wagaukwa mene omanogo inomen he at Hagai Tuhan nen ayonggo fesikhesik lakfei wagaikhe mene a'nogo nen yagaisasikhe mene omanogo hologo hilingitukwa. Iren he, Tuhan oba inailo anggasukwasik he, Tuhan nen yi'nogo hilingi'no, ti'nogo hilingi'no iluk yagaisasikhe mene omanogo hologo hilingitukwa.
Enggi miren hakhogo were'ma nen he, afuni ekhe nen ikhi logolik, ”Afuni Israel mene re, ineisena Tuhan nen yi mene ti mene awi yatha mene fanot fisikhemo, elok nili'lagwi,” iluk ugunem esanggo holhikhe. A'nogo holhikhesik, a'logomi amlogomi inagagwi aremnogo inom o Moab herakfisaluk wesuogeluk inasunggwe tegelogo fesukwa.
ကြော်ငြာတွေ