ZEFANYA 2:11 - Allah Wene Fano Wene Hupla Inane

¹¹ Tuhan nen he, it inebe inailonek asuageluk hilingfisagain. Aren he, kembu Dewa o kweangma werek mene andoma mondogat wolelenggenhogo lakfisagain. A'nogo hilingfisamo re yi afuni ti afuni inunggulenu lombogen he, Tuhan obaget inonggwarek inailokwe lombogen hilingiti logogun.

ZEFANYA 2:11 ပူးပေါင်းရင်းမြစ်များ

KEJADIAN 10:5

It ap andire it afuni i hokho yenggelek mene esanggokwe werek mene inom, i alonggenma tulem hulirogo werek mene inom, inunggulenu andi mene inombawi. At Yafet ambisangma mene inebe mondogat he andem. Nen it andire inunggulenu lombok inaiba o sili lombok logolik inane ogore inamu-inamu ikhi lagaukwa.

MAZMUR 138:4

Tuhan neisena, Haren wene wa'nisasigin mene a'nogo re, it inesanggo mondogat holha andi nen he it ap raja-raja o kweangma yoma werek mene mondogaren he Hat foget habugun o.

MAZMUR 72:17

At raja enu andi re afuni nen he hundik-handik andoma ebethugu mondok logouwak, nen mo yatu werek kwelek andem he at enu re ekhe inom legeisogo fikhi logouwak, nen it afuni inunggulenu lombok omanogo nen ogore, at hakhogo fanot fisikhi logouwageluk kinoti logogun, it afuni mondogaren at faget he agaiyek hikhi logouwak, ikhi logogun.

MAZMUR 86:9

Tuhan neisena, afuni yi inunggulenu ti inunggulenu Haren walhogo fisegen mene omanogo, Hat handungdang welagen mene andi faget foget hobagagik, hapne wanhik, hilingiti logogun nen waga logogun.

YESAYA 2:18

Tugwi kembu ekhe mene ekhe mene andoma re mondok felelenghogo legasigin.

YESAYA 42:10

Wuni ket mene Tuhan faget felalogo ini o, Hit afuni kweangma welagep mene mondogaren he, Arenek fogera'ni o! I laut inom, elonggoma werek mene inom, yi awi ti awi yatkwe-yatkwe welagaikharek mene inom, inebe mondogat At faget fogerasuogeluk andogosi we'ni o!

YESAYA 42:4

Kweangma yi awi ti awi wene inoba mene higithogo pilingerisagaluk logolik wenesugwi uan horok ebeti'lek endawimo nonghong igi'lek logogin. Aren yi'nogo hilingiti logoino, ti'nogo hilingiti logoino iluk komorinafikhe wene andoma re, afuni o yi awi ti awi yatkwe-yatkwe werek mene andoma nen inesanggo holugun inamolo logogun o,” iluk ikhe.

YESAYA 49:1

Hit afuni yi awi ti awi yat-yat kwe welagep mene andoma nen An nane yagahisikhi lagi mene yi hinesanggo holfuluk, fanorogo hilingiti logoni o. An nebe oan ta'lagi'lek werek kwelek Tuhan nen nayonggo fesikhe. Nagaisa alabutmo oan werek kwelegat Aren an nebe wenagaisogo nobagasikhe.

YEREMIA 10:11

(Yago hit Tuhan againafuri mene yi sani, hiren it yagaisikhi logolik kembu dewa pogot kweang walhasukwa lek mene andoma re mondogat legasugun o. It he o kweangma yoma nen mondok-mondok legasugun, iluk yagaisano.)

YEREMIA 46:25

Tuhan Omame Mondok Hokho mene, Israel mene ineisena Allah a'nogo nen ikhi logolik, ”An nen he at Amon dewa o Tebe mene andi inom, Mesir mene inanggembu dewa andoma mondogat inom, raja inom, unggum wogisagain. Raja Mesir mene inom afuni mondogaren kembu andiba inendawinggen himbirik werek mene re,

DANIEL 11:18

A'nogo hilingisimbik he, aren it inunggulenu i laut esanggokwe werek mene andoma inoba weim sineli lambik inebe hokhorogo inomame leget fisagain. Oba nen he ap pok mene o ekhema ferinarek logogin mene ekhe nen he, ap andi nen inoba weak-peakhogo hilingisogo fagain mene a'nogo re ambisangma at oba ogo a'nogoat hilingisogo fagain.

HOSEA 2:17

Afuni nen tugwi kembu Baal andi enu ugu mene inonggorasuageluk he, An nen at oba Baal enu ikhi logou fugo, iluk yagasigin.

YOEL 2:11

Nen at agoromi tentara omanogo inendawi wenggelogo iluk enegengge re Tuhan ane unggunggu ane hangge supuk ikherek. At agoromi ane hologo weim yafarek mene re inomame mondok hokho mene logolik, inebe esare inenggi wenasu mondok elo'lek. O Tuhan onggwarek awi wei igin andi re, mondok elalin wesa polan awi wei igin. Inenggi andi sambul andi re afuni nen inailo lekhogo hambuget haluk logou re elo'lek asigin o,” iluk yagaisasigi.

ZEFANYA 1:4

An nen he afuni Yehuda mene inom Yerusalem mene inom mondogat wene inoba fagain. It inanggembu Baal faget fogeratarekwe andoma werek mene re o andomaba nen An nen mondogat legetfisagain. Nen it ap hilingiri'lagwi mene andoma re a'nogo welagaukwa iluk ekhe eberisikhi logogun mondok lek.

ZEFANYA 3:9

Iluk a'nogo anggasigiba nen he, An nen it afuni inunggulenu lombok andoma inendawinggen hebel fisamo re, iren An noba nek samban ikhi logogun. Nen, kembu ilah amu mene oba ekhe ikhi logogun lek. It afuni inunggulenu andoma mondogaren he, An nobaget enek hilingiti logogun.

ZAKHARIA 13:2

Inenggi andi sambul he o kweang yiba tugwi kembu enu werek mene andoma re An nen horogo leget fisamo, ap misigen iluk ogo eberek logogin mondok lek. It afuni nen an nebe nabi iluk agarek mene andoma inom, nen ap munggwarengge inoba louksek logolik hilingitarek mene andoma inom, An nen mugusogo wulak fisagain.

ZAKHARIA 2:11

Hinenggi andem oba re, afuni inunggulenu hokhorogo Tuhan ambit At againafuri mene asugun iluk waga logogun. Nen, At ebe hit hinanggele'ma were'ma, an he At Tuhan nen hit hinoba laknobagai wagama iluk hinelu asugun o.

ZAKHARIA 8:20

Tuhan Omame Mondok Hokho mene a'nogo nen ikhi logolik he, ”Inenggi ekhe wesigin meneba re afuni o kota yi awi ti awi logogun mene re it inebe hokhorogo o Yerusalem andogosi wesugun.

ZAKHARIA 8:23

Inenggi andem oba re, ap pok mene inebe nomolo nen mene re ap Yahudi mene misik ekhe ambit wesimbik oba yagati logolik, ’Nit ninesanggo holhunemen he, hit he hineisena Allah nen fanot hinobagali'lago ugunem holhi lago o, andi nen he, nirogo a'nogo hilingninobagaumo ambisangma enggen ugu helikhi logoilo, iluk anggikhi lago,’ ikhi logogun,” iluk Tuhan Omame Mondok Hokho mene a'nogo ane yaganetunem holhi.

MALEAKHI 1:11

Afuni inunggulenu lombok o kweangma yi awi ti awi welagaikharek mene nen An agaukhogo fogetnafarek andi nen he, iren an fogetnafi logolik, o ekhema-ekhema nen dupa amben fano mene Nenuba nolnetik, wam, yi mene ti mene An nobaget nobagaluk nolnesubaat nolnetik, agarek andi. Andi re, yi afuni ti afuni mondogaren An fogetnafu welagaikharek andi nen o.

MALEAKHI 1:14

An Hineisena re, Raja Lego Mondok welagimo re, yi afuni ti afuni inunggulenu lombok o kweangma welagaikharek mene An nenu agaukhogo fogetnafarek andi nen he, ap sa nen anggo ai mene agambut palek lek mene An nobagaikhe mene werek kwelek meneat he, munenogo herakfikhi logolik weak mene nobagaikhe halok, eranenat lalnafe andi nen he, homan ugu logouwago,” iluk ikhe.

ULANGAN 32:38

Wam hiren fisegep mene, iren he, sei nengga, I anggur enggen amusu, fisegep mene nenggaat, Iren he, hit hinebe telhinabi wesuwagaluk, hompuk palugun mene, Iren hit hinebe fethinarek, logogun mene hilinglasuak.

1 TIMOTIUS 2:8

Nen, o yi awi ti awi samban ikhi logolik, it aben he, inenggi nen ekhe weak hilingiti'lek, ina'mage lagagi'lek, wene palhi'lek, tegelek mondok logolik, samban ikhi logouwageluk, yagaisagain iluk nendawimo namolo anggigirigen yagaheti andi.

WAHYU 11:15

A'nogo isigiri'mo nen, it malaikat inebe 7 nen omanogo, inebe falfalik mene inambinggong arat anet hagasi'mo nen, ekhe ambinggong anet hugunem he, pogoroba nen inane hokhorogo yi'nogo ugunem holhi: ”Attak afuni kweangma mene nen inawe a'ma fisaluk ferinarek welagaukwa mene re, yogondak nineisena Enupogot Allah nen ninoe Kristus nen telninabuageluk menfesikhe mene a'nogo emberegen inawe a'ma arat ninobagagasik, at Kristus nen fetninarek mondok-mondok logogin o,” iluk ikhi lagaikha.