ZEFANYA 2:10 - Allah Wene Fano Wene Hupla Inane

¹⁰ It afuni Moab mene inom, Amon mene inomen inonggwarek leget fakhigik, winik-wonok igik, nen At Tuhan Omame Mondok Hokho mene a'nogo againafuri omanogo sebelogo fisikhi lagaukwa andiba re unggum a'nogo inoba fagain andi.

ZEFANYA 2:10 ပူးပေါင်းရင်းမြစ်များ

1 TAWARIKH 16:21

Oba nen he ap ekhe nen it sebelinabuageluk Tuhan nen obogerisikhi lagaikhe lek. It inili waganogo re Aren it inogogwi raja-raja omanogo inendawimo kagalogo iluk yagaisikhi lagaikhe,

KELUARAN 10:3

A'nogo yagatikhemo, at Musa Harun emberek raja oba lagaukwasik he, mel yagatukwa: ”It afuni Ibrani mene ineisena Tuhan Allah nen he, mel ikhe: Hat An nawe a'ma soma iluk werek aple habit andi huli ki huli nen logogin nogo? Haren An nagainafuri foge'nabi loageluk lakfisano o.

KELUARAN 9:17

A'nogo meneat he, hat hendawimo foget fakhikhi logolik he, An nagainafuri loageluk lakfisigi'lek mondok welagen o.

YESAYA 16:6

It inunggulenu Yehuda mene nen ikhi logolik he mel aga, ”Nit he it Moab mene nen winik-wonok ili'lagwi mene andoma re mondogat holho o. It andi winik-wonok ikhi logolik foget fakhili'lagwi mene andi re nit he ninelu aga o. Inane ili'lagwi mene andoma re waruk i ebe hinago lek mene hangge logoligen ili'lagwi o,” ikhi logogun,

YEREMIA 12:14

Tuhan nen ikhi logolik, ”It o negara Israel inom horokhogo werek mene o kweang An nen nagainafuri Israel mene wogisigimo nen weaget faga mene a'nogo faget he wene re yi'nogo yi o: Kweang oba nen wilibik engge sanogetarek hak, ap inanini mene andoma re it inanggweang oba nen An nen wulak fisagain o, nen Yehuda re it inenggiba yinggilogo fisogoma nen An nen lologo fisagain.

YEREMIA 48:14

Ap Moab mene nen ikhi logolik, ”Nit he, weim yaforek ninap, tentara sikhe inenggi puk mene weim oba nen wil wal haluk welago ninabo, iluk he, ninggi'nogo u hak nogo?

YEREMIA 48:29

Hit he, mondok winik-wonok ikhi lagep! Hiren wonoget fakhigik, hinendawimo leget fakhigik, hinane elabin polok igik, ikhi lagep mene andoma re An mondogat nelu welagi o!

RATAPAN 1:9

At ebe emerek mene re mondogat eneksek, oba nen at ebeba asigin mene faget he aren fut fili'lago lek. At ebe mondogat wililinggin wolelenggenhogo taik ikhe, oba nen ap misigen ogo ekhe koni'lagwi lek. At aselei mene mondogat inalong agaikha andiba re aren Tuhan nen endawit nabuageluk kinori'lago.

YEHEZKIEL 25:6

Tuhan Lego Mondok welagarek mene a'nogo nen ane ikhi logolik, ”Hit he hinenggi tabeti logolik hinagaiyekhogo wuni wati lagep. Hit hinendawimo nen he kweang Israel mene inanggweang a'nogo seramet fikhi lagep.

DANIEL 4:37

Ma re, yogondak an Nebukadnezar en Allah Enupogot pogoroba mene esinet figik, legeisogo figik, fogeratik, ikhi lagi. Aren he, higithogo hilingitik, eberogoat mene hilingitik, ikhi logolik, afuni inonggwaregen leget fakhaluk foget fakhagarek mene re aren sebelogo pelakfisikhere'ma higi o,” iluk isikhe.

OBAJA 1:11

Afuni selei mene nen o Yerusalem kwe houwak isaluk kwikhi logolik, o kota andi sebelogo fugu sambul he, hat hebe yatma mendek logolik heil fuluk welagagin. Nen, iren o Yerusalem oba andoma yi mene ti mene mondogat hogouk eraluk laga logolik it-it omanogo sumbut-sambathogo helugu kwelek he hane igi'lek welagagin andi. Hat he it selei mene andoma hinom he tagansek lek, hinom higit welagen.

OBAJA 1:3

Hat he hendawimo wonoget fakhikhi lagen andiba re honggwarek lalfakhikhi lagen. Nen hat hawi ibu kota re helep unggul omame meneba wurik welagi, nen hawi hebe welagen oba re tom unggul uan meneba wurik welagi, iluk anggikhi lagen andiba re hat hendawimo nen he, ”Ap sa hagen an pelaknobagau hak nogo? Iluk foget fakhikhi lagen.

ZEFANYA 2:8

Tuhan Omame Mondok Hokho Mene a'nogo nen ikhi logolik he, ”It afuni inunggulenu Moab mene inom, Amon mene inomen he An nagainafuri li'norinafi logolik pilibinabi'lagwi mene andoma An mondogat nesanggo holhi o. It An nagainafuri inanggweang omanogo teluogeluk he inane nen lalinafi lagaikha.

1 PETRUS 5:5

Nen, andi hagat he, hit ap alage nagoromi. It ekhe nen Allah aneba mel isukwa: ”Afuni inonggwaregen fogerakhugunem, Allah nen inoasigeluk abit isikherego. Meneat he, inonggwarek inendawinggen sebelek logogun halok, endawirinaferego,” iluk lisu palogo fesukwama werek andi nen, hiren inaluendek inawe a'ma kuluk inane hologo hilingiti logoino o. A'nogo hilingiti logolik hit mondogat he, hinonggwaregen fogerakhigi'lek inawe a'ma logolik, hit ekhe nen it ekhe inamingmingengge welagik, iren hit hinamingmingengge welagik, ikhi logolik lebet-lebet ikhi logoino o.