ZEFANYA 1:9 - Allah Wene Fano Wene Hupla Inane

⁹ Nen afuni An inonggot mene nen hilingitarek hakhogo An nobaget a'nogo hilingitarek mene inom, nen it inogogwi inailoba andoma yi mene ti mene hugul wanharek mene omanogoba hoporasugun iluk inangge hinatik, inebe inoatik, hilingitarek mene andoma re An nen unggum inoba fagain enego,” iluk ikhe.

ZEFANYA 1:9 ပူးပေါင်းရင်းမြစ်များ

NEHEMIA 5:15

It ap gubernur an menlagi'lek were'ma, welagaukwa mene andoma nen he afuni holhu mene nen, linggene misik meneba at gubernur nunggu mene faget inom, nen anggur inom faget he uang perak mene 40 nen wo'nisani iluk kino yagaisugunem he afuni inoba enggin welagaikhe. Oba nen, an he neisena Allahba nailorogo logolik he, a'nogo hilingiti lagagi lek.

AMSAL 29:12

Ferinarek logogin agun a'nogo nen lalinaferek wene omanogo nek futfuluk hilingirik lagu halok he, at agoromi pegawai omanogo re lalinafarek mene nek agaikharek.

YEREMIA 5:27

Ap sue senetarek inaben, sue tarogo wagunem senfuluk kwalagarek a'nogo hak he, it ap andoma nen ogore hit mene hinangge yi mene ti mene omanogo inane nen lalhigik helagaresikhe, inailokwe hopot fakhaluk werek andi. A'nogo hilingfakhaluk he it a'nogo ap inenuwerek mene hilinglagik, inenggi werek mene agik,

AMOS 3:10

Tuhan nen a'nogo ikhesik, ekhe mel ikheat: ”Afuni Samaria mene nen he, inawi fano mondok wuri'mo andoma yi mene ti mene weak hilinginafi logolik, telogo heligik, hugulengge wanhik, aga mene omanogoba mondok peterogo fakhaluk werego. A'nogo logolik, inobabut higithogo hilingitu aplere mondok inonggot werek.

MIKHA 6:12

It ap kaindek inenggi werek inap hit hinawi kota andoma werek mene nen he inaniniba nek ap inenggi lek mene omanogo sebelogo fisagarek. A'nogo hilingitunem hit hinebe mondogat he hineranhogo wene lalinabugun mene nek hilingiti lagep.

ZAKHARIA 5:6

A'nogo yaganetemo an nen heinok wokhikhi logolik, ”Andi re, nenamene nogo?” igimo aren he, ”Si ugu misik were'ma higi o. Andi re, afuni o kweang yiba nen weak hilingiri'lagwi mene omanogo ilirenggerogo werek andi o,” iluk yaganete.

KISAH PARA RASUL 16:19

A'nogo henogo wulifikhemo, ogogwi omanogo nen ineilenggen hasukwasik he, ”Nit onggo wo'nisikherek a'nogo legaga andi ninabire,” iluk, at Paulus Silas emberek inebe fakfisasukwasik he, inenggi lisogo o silimo afuni andogoti lagaukwaba kaindek pemerintah mene inoba woginarek lagaukwa.

HAKIM–HAKIM 19:27

O hubet a'nogo sambul he at eluk agaikhesik logoin iluk kwe hut ha wagaikhe re, at agwe heihe mene a'nogo enggi kwe sou fisogo logolik solombonma aremnogo wengik welagaikhe.

1 SAMUEL 5:5

(A'nogo hiling lagaikhe andi nen, ap kembu Dagon eisewerek mene inom, afuni inebe lombok inanggembu Dagon fogeratarek mene o Asdod welagaikharek mene inom, tugwi kembu Dagon awi wuri'mo kwikhi logolik halok he ebekhalem andem yogondak huli nen ineisok sebelhigi'lek afane kwi lagaikharek.)