Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




ZEFANYA 1:5 - Allah Wene Fano Wene Hupla Inane

5 Afuni ekhe nen o tum oba lagaluk mo inom hesagalenggen inom apne wanugun iluk lagagarek mene andoma re An nen mondogat nenggi sabul horogo herakfisagain. Nen, ekhe it afuni nen An napne wanhik, tiphogo hilingiti logogin iluk inane hombuk palhik, ikhi logolik oba nen iren kembu dewa Milkom enu igisogo hombuk palharek mene andoma re An nen mondogat legetfisagain aro.

အခန်းကိုကြည့်ပါ။ ကော်ပီ




ZEFANYA 1:5
30 ပူးပေါင်းရင်းမြစ်များ  

An nen hobuk a'nogo hilingisigin andi re, An nen he, at Salomo eisena Daud yagati logolik, yi'nogo hilingiti logoino, iluk yagatigi mene nane hologo hilingiti lagaikhe andi hak, at Salomo nen hilingiti'lek. We, An obokhogo heraknobagaluk tugwi kembu fogerari'lago andi nen aro. Tugwi kembu andi ebe re, afuni inunggulenu Sidon mene inandugwi kembu enu Asitoret inom, afuni Moab mene ineisena Kamos inom, afuni Amon mene ineisena Milkom inom, fogerari'lago andi.


At Salomo nen he kembu Asytoret inom, it inunggulenu Sidon mene nen kembu he mene dewi inom, andi nen dewa Molokh mondok elo'lek mene it afuni inunggulenu Amon mene fogerati lagaukwa mene inom, andomaba apne wanhi lagaikhe.


A'nogo lagasukwama, at Elia ebe afuni omanogo inoba horokhogo wagaikhesik he, mel yagaisasikhe: ”Huli ki huli nen hinendawinggen pire logogun anggegep. Nineisena Tuhan andi ebe Allah halok, nineisena Tuhan Allah andiat fogerasugun o. Nen, tugwi kembu Baal andi ebe Allahat halok, tugwi kembu Baal mene andiat fogerasugun o,” iluk yagaisasikhemo, it afuni andoma andogotukwa mene omanogo inane endebat halok ogo ekhe igi'lek kamo isukwa.


Iren he kembu dewa omanogo faget fogerati logoligen he, Tuhan Allah faget ogo fogerati lagaukwaat. A'nogo hilingiti logolik he iren afuni it inanggele'ma mene ekhe heragaisogo re inebe imam logolik kembu ailoba omanogo nen wam warogo fikhi logouwageluk menfisikhi lagaukwa.


A'nogo hilingiti lagaukwa andiba re, iren he Tuhan faget fogeratik, nen it inawi eroma omanogo nen wene melalek werek mene inetokhogo hilingiti lagaukwa omanogo hakhogo kembu apne wanhik ikhi lagaukwa.


Ariginhi lagaukwa andiba re, iren Tuhan fogerati logoligat he, kembu faget ogo fogerati lagaukwaat. Nen huli yogondagen ogo re, iren tagomangge mene nen a'nogo nek hilingitu mondok werek.


At Yosia nen a'nogo hilingiti logolik, afuni Yehuda mene inogogwi raja attak mene nen wam yi mene ti mene tugwi kembu faget noleti logogun kwe ap raja Ahas aiba o tum ebene wutukwa mene meisa'lambukhogo lakfisasikheat. A'nogo hilingiti logolik, at raja Manasye nen attagat wam yi mene ti mene tugwi kembu faget noleti logogun kwe Tuhan awi wuri'mo o sili abel fena-fena andoma wutikhe mene omanogo meisalogo re, o Kidron tonggoma andoma hugisa lagaikhe.


O Lembah Penglihatan faget yagaisoageluk isikhe mene re yi: Yago, hit afuni Yerusalem mene hinebe mondogat o tum oba lagakhi lagep andi re nenahalok nogo?


Ap inebe misik-misigen nit At mene welago iluk inaneba fakhogo ugun, nen it inebe wesimbik he at Yakub ombawi inom misi'mo sebesi wesugun. It inebe lombok inenggiba re: Tuhan mene iluk palek logogin, Nen inonggwaregen ikhi logolik, nit he Allah againafuri welago ikhi logogun o,” iluk ikhe isikhe.


An naneba wene mondogat wathigimo re An nane isigi mene andi tagan igin mondok lego, iluk An nonggwarek nenuba hombuk palhi andi. Afuni inebe lombogen An nelokhoma ineindep awi yagaisogo agaugwet nafi logolik, it inaneba lombok An noba nek tiphogo hilingiti logogun iluk wene wasugun o.


Hit ap Yakub en tagomangge mene yi sani, nen Yehuda nen tagomangge meneba nen hunggulenu Israel mene salogo welagen mene yi inom he hinesanggo fanorogo holini o. Hane nen he At Allah re Israel mene ineisena iluk ikhi lagen, nen Tuhan enuba hombuk palhi lagenat. Meneat he hat hane ikhi lagen mene andoma re eberogo ikhi lagen lego.


Iren ambi inendawinggenma nen eberogoat iluk wene An nagainafuri nen An fogetnafi logolik hilingiri'lagwi mene a'nogo waniluk, iren An Tuhan neluk mondok welagi mene a'nogo nenuba hombuk palogo, attak iren An nagainafuri inoba yanggulinafi logolik Baal oba hombuk palini iluk yagaisikhi lagaukwa hak, An noba a'nogo hilingitu halok he, it andi ogo An nagainafuri mene inom sebere'ma it ogo inenggi werekhogo logogun.


Yerusalem oba o wurik mene andoma mondogat inom, nen ap raja-raja Yehuda ba ferinarek werek inap inawi andoma mondogat inom he, o Tofet hakhogo mondok emerek mene asigin, andi re afuni nen it inawi tomkwe andoma kembu dewa pogoroba werek mene faget iluk amben fano mene dupa noletik, dewa amu mene faget anggur wogetik, hilingiri'lagwi andiba asigin o,” ikhe iluk yagaisano, isikhe.


endu fasugun. Andi re afuni nen An na'mage kwelafi logolik o andoma tum oba nen he iren Baal faget amben fano mene dupa nolhik, nen tugwi kembu obaget anggur agai hilingitik, hilingiri'lagwi aiba andoma mondogat alkan kurogo leget fagain o.


Hiren a'nogo hilingiti logogun iluk An nenuba hombuk palimbik, hineluk higithogo welagik, katokhogo hilingitik, eberogo mene nek hilingitik, hilingiti logogun halok he yi afuni ti afuni inunggulenu lombogen he An nen it fanoabet fisoageluk kino yaganeti logogun o, nen iren he An foget nobagakhi logogun aro,” Iluk ikhe isikhe.


Amon faget Tuhan nen ikhe mene re yi, ”Nenahalok kweang it inunggulenu Gad mene andoma re ap kembu Dewa Milkom fogeratarek mene nen telagasik werek nogo? Afuni Israel mene nen o andoma faget ili u mene re ekhe werek legen a?


Iren ikhi logolik nit he Tuhan obaget apne wanhi lago iluk ili'lagwi, oba nen iren a'nogo hilingiti logoligen he fuk.


Tuhan nen ikhi logolik, ”Nenahalok An nen nagainafuri inaweak lek hilingisogo fisagain nogo? Iren he An oboget nealuk allah eberogo lek mene omanogo apne wili'lagwi andi. An nen it inamburu nunggu mene wogisugunem it inoba homorogo ninggi logolik meneat he, iren babi hilingitik, nen uang saburouwogeluk hesangge yanani hilingirik nikharek mene omanogo inambit lagik, hilingiri'lagwi andi.


Hiren andoma mondogat hilingiti la'luk he An nambit An nonggwarek nawi wuri'mo yoma we'luk hiren ikhi logolik, ’Nit he ninendawinggen serogo welago,’ iluk he hiren nekhe aple omanogo hilingisi laga lagep.


Hiren he ap inangge hinatik, ap watik, babi lagik, hineranhogo wene igik, Baal oba warogo wogetik, nen dewa hit hinonggot mene omanogo apne wanhik, hilingiti lagep.


andi re kaboget fuluk nekhengge salugun mene faget he fuk, athe alalengge weak mene hakhogo kweangma herakfisamo logouwageluk hilingisugun. Ap inoak lolo andoma re herakfisamo iren inanggembu dewa ap-ap hilingfuluk inendawi hundik hilingitik, obaget hilingitik, apne wanhik, yaganisoageluk kinotik, hilingitungge mo inom, tugi inom hesagalenggen inom andoma inelokhoma logogin.


Yogondak he afuni henarogo hilingiri'lagwi mene andoma it inaweak onggo ambisangma hogoin. Allah nen he iren mezbah wuta mene andoma wolelenggenhogo lakfisambik iren tugwi kembu fogerari'lagwi kwe andoma meisalogo lakfisagain.


Hit afuni Israel mene nen he An noba hinendawinggen tiphogo logolik hilingiti lagep lek! Oba nen it Yehuda mene andi re hiren hilingiti lagep andem hakhogo hilingiti logoinogo. Hiren o Gilgal iluk ogo nen o Betel iluk ogo wene kabogesugun iluk ekhe hilingisu fuk. O andoma nen Tuhan Eluk Mondok welagarek agun a'nogo enuba hombuk palu fugat.


A'nogo meneat he, yogondak hiren, tugwi kembu Sakut andi at ebe ninoe enupogot iluk fogeratik, ekhe enu Kewan hesagal mene tugwi kembu iluk fogeratik, ikhi lagep andiba, hiren pugunerikhi lagep mene andoma re hinonggwaregenat helaluk logoin andi.


A'nogo yagaisasikhesik he, ekhe mel yagaisasikhe: ”Andi hak he, ap misigat mene ap kaindek inebe pire mene inamingmingengge logolik ineabu hilingiti logogun mondok elo'lego. A'nogo logogin halok he, at inamingmingengge andi nen: Neisena ekhe yi fano nendawi. Nen, ekhe andi weak nabit, iluk ikhi logolik he, endawi mene andi emberek lomborogo logolik he, ekhe abit mene andi aberalit fikhi logogin o. Andi hangge, hit he, Allah amingmingengge logolik, uang amingmingengge logogun elo'lego.


Lakfisasikhemo, it a'nogo laga lagaukwasik ohealekwe o Yope horogat kuogeluk lagu kwelek, at Petrus a'nogo linggene jam 12 samban igeluk o tum sabia tale'ma lagagarek oba lagasikhe.


Allah nen he, mel yagaisasikhe: ”An hineisena Tuhan neluk mondok welagirek mene nen nane eberogoat yagahisak. Afuni inebe lombok he, an nawe a'ma kwi wesimbik iren he, Allah hararo, iluk inambeba lombok fakhogo yaganesugun o,” iluk yagaisasikhemo lisu palogo fesukwa.


Hiren he, nineisena Tuhan Allah agaugwerati logolik, At faget enek hilingiti logoino o. Hit hinebe At amu nek oba lombokhogo logolik, At enu nek hombuk palhi logoino o.


Hiren he, pogoroba welagarek mene, mo inom, tugi inom, hesagal inom, hineilenggen hikhi lagep mene andi amingmingengge asimbik fogerati logolik weak hilingitubo. Andi mene re nineisena Tuhan Allah nen, afuni inunggulenu hunogoat mene nen fogerakhikhi logonik he, iluk herakfisasikhe andi.


A'nogo hilingiti logogun oba re, hiren ap inunggulenu hit hinanggelek kwe werek mene oma hinom, nanggelek hanggelek hilinglasugun lek. Hiren he it afuni andoma inanggembu dewa enu ikhi logogun legat, athe andi enu ba hombuk palhi logogun legat. Ekhe kembu ekhe alek mene andomaba hiren hinelokhe sagaum fogeratik, obaget hilingitik, ikhi logogun mondok legaro.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ