ZEFANYA 1:3 - Allah Wene Fano Wene Hupla Inane

³ a'nogo legetfisikhi logolik he afuni inebe inom yi mene ti mene eluk logolik leberi'lago mene andoma inom, sue inom, ikan inom, andoma mondogat legetfisagain. An nebe Tuhan nen ikhi laginggere, ap misik iluk ogo ekhe eluk herakfigi'lek afuni mondogat An nen legetfisagain o.

ZEFANYA 1:3 ပူးပေါင်းရင်းမြစ်များ

KEJADIAN 6:7

A'nogo endawimo weak agaikhesik, mel isikhe: ”Nambigen it elalinafi e, igi andi nen, afuni an nen elalinafigi mene andi inebe mondok legetfisikhi logolik, wam, sue, paik, yi mene ti mene enggi lek werek mondogat legetfisagain o,” iluk isikhe.

YESAYA 27:9

Oba nen he afuni Israel mene inaweak legabesugun he yi'nogo hilingisugun oba, iren mezbah dewa andoma mondogat wolelenggenhogo wul al hakhogo hilingfigik, Dewi Asyera alik waganek mene inom amben fano mene iluk noletu mene omanogo inom mondogat wolelenggenhogo leget fogoin halok enek he it inaweak elok leget fisagain o.

YESAYA 6:11

A'nogo yaganetemo an nen he, ”A'nogo nek hilingik werek kwelek huli ki huliba nen iren futfogoin nogo?” iluk heinok wokhigi.

YESAYA 6:12

A'nogo wokhigimo aren onggo ikhi logolik he, ”An nen it inawi kota andomaba nen mugusogo o yatma lakfisamo re it inawi eroma andoma re afuni inareng tiring tereng igin o.

YEREMIA 12:4

O kweang yiba iringik mondok werek kwelek nek he ki huli logogin nogo, nen yabukwe omanogo engga puk mondok logogin nogo? Sue inom eluk-elugengge amu mene inom omanogo re nit ninunggulenu mene inanini mondogat weak andiba re wa'lagaikha andi. Iren ikhi logolik, it inoba ari'logo mene andoma An nen hagain lego, iluk aga andi faget heinok wokhiikhi lagi o,” iluk yagati.

YEREMIA 50:3

Unggulenu misik ekhe o utara fikhiren Babel oba tok sineli wesimbik o kweang andi re o leimo hakhogo hilingisogo fagain. Afuni inom, wam yi mene ti mene inom, heise pugulogo lamo re andoma ekhe logogun mondok lek,” iluk ikhe.

YEREMIA 7:20

An Tuhan Lego Mondok welagirek mene a'nogo nen o wene kabogetu awi yi inom, afuni inoba inom, wam, mene, paik inom, e wilibik meneba inom, kweang oba nen enggen ugu andoma inom, nanini hokho mene a'nogore andoma oba fagain o. An na'mage lagali'lago mene andi re endu wabunak nunggunem nagulu elo'lek agarek andi hak hilingiri'lago o,” iluk ikhe.

YEREMIA 9:10

A'nogo ikhemo an Yeremia nen ikhi logolik, ”An he engga o leikwe inom, tomkwe andoma inom mondogat pukliok ikhe, nen afuni ogo andoma kwe lagaikharek legat, andem faget an he le agik, fong watik, hilingiti lagi o. Wam tatharek mene inom, nen ekhe amu mene inom he mondogat longgo agama, inareng tiring tereng ikhe andi faget he le aga lagi o.

YEHEZKIEL 44:12

Oba nen he, iren afuni Israel mene inobaget mondogat tugwi kembu fogeratu mene hilingiti lagaukwaba, afuni Israel mene yebet fakhagama re, weak meneba ke'nokhogo weak mene elema lisogo woginarek kwikhe andi, arigini'mo re An Tuhan Lego Mondok welagirek mene nen nane hombuk palhi logolik, it andi mondogat unggum wogisagain o, iluk igi andi.

YEHEZKIEL 7:19

Emas inom perak inom he alalengge ebekhe kwe hugisagarek andi hak hugisamo logogin. Andi re linggene Tuhan nen mene anini inoba fisagain sambul andi re, it inangge emas, perak andoma nen inagap telinabigin lek, agaumhogo re it inonggwarek inaweak oba monogoisogo kwelakfisogoin. Iren he ina'mage lagaikherek mene omanogoba inoba homot fakhogoin iluk inom, nen inalabut ninghogo nogoin iluk inom, helogoin lek.

HOSEA 14:3

Andi nen he, hinebe hinambotkwe Tuhan oba we'luk he, wam, yi mene ti mene At obaget fisa hak, samban yi'nogo ikhi logoino: ”Tuhan neisena, nit hat hane sagalogo fogosik weak hilingiti lago mene yi sagalogo legetfisanogen iluk, yagaheti lago mene yi ninane hesanggo holin o. Ninane holhen halok, niren wene wathetugu higithogoat fogethafi logogun o.

HOSEA 14:8

It hobuk inambotkwe noba wesimbik, nawe a'ma logogun. Logolik, inebe gandum yabumo yago mene muli fano agarek andi hak hilinglagik, anggur fano mene yabumo yago welagarek andi hak hilinglagik, e anggur amusu o Libanon mene enu fano lagarek hak inenu yi awi ti awi wialarik lagik, ugun.

HOSEA 4:3

Andiba o kweang yiba re mondogat puk iringik weak mene asigin, nen yi mene ti mene kweang yiba eluk werek mene mondogat he wa'lasigin. Eluk-elugengge tulemkwe tari'lago mene inom, kweang oba welagarek mene inom, i laut elonggoma welagarek mene inom mondogat he legasigin o,” ikhe.

ZAKHARIA 13:2

Inenggi andi sambul he o kweang yiba tugwi kembu enu werek mene andoma re An nen horogo leget fisamo, ap misigen iluk ogo eberek logogin mondok lek. It afuni nen an nebe nabi iluk agarek mene andoma inom, nen ap munggwarengge inoba louksek logolik hilingitarek mene andoma inom, An nen mugusogo wulak fisagain.

MATIUS 13:41

An abat ta'lasi wagagi a'nogo nen nagoromi malaikat Allah pogoroba nen yonggo lakfisa wagarek mene yonggo lakfisa wagunem, iren he, Allah awe a'ma fisikhere'ma andoma nen, yi mene ti mene afuni nen weak hilingisuageluk hilinginafarek mene inom, yi afuni ti afuni weak hilingitarek mene inom, andogorogo fisaluk,

MATIUS 23:39

Huli yogondagen he, an nebe hineilenggen niigi'lek logombigen, hobuk hiren he, Nineisena Tuhan Allah nen lakhobagai wagama wagen yi arenat fanothabuago, iluk hobuk yaganesugun andi huli hineilenggen neogoin o,” iluk yagaisasikhe.

WAHYU 2:14

A'nogo meneat he, wene endebat ekhe an nabit mene hilingiti lagep mene andi yagahisago. Fageat afuni Israel mene inebe weak asuageluk, wam tugwi anggo warek mene kurik ninggik, pailak fakfisigik, uageluk, ap Bileam en Balak yagatikhemo, aren inendawimo kagalhi lagaikhe mene andi, hit ekhe at awene andi fisogo welagep higi.