ZEFANYA 1:17 - Allah Wene Fano Wene Hupla Inane

¹⁷ Tuhan nen ikhi logolik, ”An nen afuni enggin inoba hokhorogo fisa wesumo re it he ap ineilenggen humunik mene nen hilingitarek hak yatip tatibengge hilingiti logogun. Iren he An noba weak hilingitama it inamep he i hakhogo wulibigin, nen it inebe warek he kweang kwe fili arik logoin o,” iluk ikhe.

ZEFANYA 1:17 ပူးပေါင်းရင်းမြစ်များ

MAZMUR 83:10

It andi re afuni Midian mene higit hilingfisano o, it hun Sisera inom Yabin inom, i Kison ima nen hilingfisegenma,

YESAYA 29:10

Tuhan nen he hit nogo nineilhogo kunalhikhi logolik nogo homokhogo uwageluk hilinghinabigin. Aren he ap nabi ineilenggen mumet fisigik, ineilenggen fano yethagarek mene inelokhe salfisigik, igin.

YESAYA 50:1

Tuhan nen it afuni Israel mene inoba ikhi logolik, ”An nagainafuri yi sani, hiren anggikhi logolik, afuni nen inagagwi mugusogo wulakfisagarek hak, An nen mugusogo wulak hinobagakhi lagi anggikhi lageba? Ariginik halok he, herakhinobagagi iluk lisu palogo fugu mene re koma werek nogo? Hiren anggikhi logolik An nen afuni ekhe inoba onggo wo'nesuageluk hit hinebe wogisigi anggikhi lageba?, ap ekhe eisena nen amlogo ap palegengge kinoterek meneba onggo huniterek hak hilingite anggikhi lageba? A'nogo re lego! Hit hele warogo hukhisaga andi re, we hinonggwarek hinaweak kwanirek mene hilingiti lagep andiba o!

YEREMIA 10:18

Yogondak yiba re Tuhan nen hit afuni hinunggulenu Yehuda mene mondogat hele warogo hukhinabi lagain o, hit hinebe mondogat he welelenggenhogo hinobagagun. Iluk At Tuhan nen ikhe mene re andi.

YEREMIA 15:3

An Tuhan nen he unggum ero enggaminogo mene it inoba asigin iluk fouget figimo werego: It he weim elema nen wa'lasumo re it inebe warek omanogo re mene nen lithalagik ninggik, sue nen inom, maro mene nen inom legaberinafik, ugun o.

YEREMIA 18:21

Andiba nen yogondak he, Tuhan neisena, it inagainafuri andoma sumburu nele nen ogo, tok ambisangma nen ogo wa'lasuak. It andoma nen hemire inaguni inom, inagainafuri inom, longgo uak. Nen ap mene re ou en wa'lagik, ap souge mene re weim yafunemen wa'lagik uak.

YEREMIA 2:17

An heisena Tuhan Allah nen wokharek nugu kwelegat he, haren An nebe hambotma fanhen andi nen honggwaregenat wene andi hoba fakhegenma a'nogo hilinglaga andi o.

YEREMIA 2:19

Hat hobabut mondok weak hilingiti lagen andi nenat, wene hoba fakhegen o. An heisena Tuhan Allah hambotma nobagegen andi nen, yi enggin ti enggin hoba fakhegen o. An nebe hambotma fanhendik An hailorogo hilingnafi lagen lek andiba re mondok wiik-weakhogo fakhegen andi hegen. An heisena Tuhan Allah nen nane arat igi o. An he Tuhan Allah Lego Mondok logolik Nomame Mondok Hokho mene a'nogo aro,” iluk ikhe.

YEREMIA 3:25

Enggere nit hilingito mene andi faget ninenggali agik, inal ngesukum wat ninobagagik, ugun andi re fano aro. Andi re niren inom nit ninombawi lagen inom nineisena Tuhan Allah a'nogoba weak hilingiti logolik, At awene melalek omanogo hologo hilingiti lago lek andiba ikhi lagebo,” Iluk ikhe.

YEREMIA 4:18

Yehuda ahwi, hat honggwaregenat enggin hokho mene andi hoba fakhegen o. Hat hobaburigiba inom, hobabut hilingiti lagen oba inom yi enggin ti enggin hikhi lagen andiba re hendawinggenma taunget hiili'lago andi o.

YEREMIA 8:2

andi re kaboget fuluk nekhengge salugun mene faget he fuk, athe alalengge weak mene hakhogo kweangma herakfisamo logouwageluk hilingisugun. Ap inoak lolo andoma re herakfisamo iren inanggembu dewa ap-ap hilingfuluk inendawi hundik hilingitik, obaget hilingitik, apne wanhik, yaganisoageluk kinotik, hilingitungge mo inom, tugi inom hesagalenggen inom andoma inelokhoma logogin.

RATAPAN 1:14

Aren he an naweak omanogo abirengge waganogo misi'mo yelfikhesik, an nalonggopma kelfikhemo enggin nen he nomame mondogat lek hilingisogo nobagaikhe. Tuhan nen he an nebe it naselei mene inenggiba wogisikhemo re, it andi ninom walhaluk nebe ogalare elo'lek aga.

RATAPAN 1:18

Oba nen we Tuhan enek he eberogo mene werek. Aren wene melalek ikhe mene omanogo an nen sagalogo fikhi lagagi. Yago, hit yi afuni ti afuni hinunggulenu lombogen he an nane yi hinesanggo holini o, An yi enggin ti enggin hugu mandok welagi mene andi hineilenggen neani. An nagainafuri ap souge inom helime tugum inom mondogat hele warinafasik, felelenginarek hugisa lagaikharek oba omanogo fisa lagaikha.

RATAPAN 1:8

Yerusalem he weak mondok elo'lek mene nek hilingiti logolik, at onggwaregen weaget fakhili'lago. O attak afuni nen at along anggaluk legetfikhi lagaikha mene omanogo nen he, yogondak at alfulukwa kogouk werek mene a'nogo faget inal ngesukum watfisili'lagwi. At enggali agu nen he, limamit falhu werek.

RATAPAN 2:21

Ap yaman mene inom souge mene inom inebe inoa'luk warek he ebekhe kwe herak fisaga, ap souge inom helime tugum inom he karok enggat oba nen wa'lagaikha. Haren hanini inoba fegen sambul andi re hendawirinafi'lek it mondogat inoaten.

YEHEZKIEL 16:38

Haren babi hilingitik, ap inoatik, hilingiti lagen andiba re An nen unggum wokhesigin. An na'mage heren nanini lagakhi logombik unggum he hat hebe pinggi hoasigin.

YEHEZKIEL 24:7

O kota andiba ap hokhorogo inoati lagaukwaba nen, wa'lagu mene inamep omanogo helep wurik weak mene amboloba pikhi laga, kweangma pikhi laga le'ma re aben salu re elo'lek hilingik welaga.

YEHEZKIEL 24:8

Inamep andi An nen helep oba andem herakfikhi lagi andi re inamep andi kwelakhaluk unggulmo fouwageluk hilingiti lagi o,” ikhe.

AMOS 4:10

An nen ou ero mondok weak mene afuni Mesir mene inoba lakfesigi andi hak, hit hinoba lakfei wagik, hinagainafuri alage mene hinaselei mene inom weim yafi logolik inoasuageluk hilinginafik, it ekhe nen hinanggo kuda inenggi abisak heloageluk hilingitik, hit weim yabuogeluk hinaiba su mene wutep oba andoma An nen ap warek fili amben hinambisang elekwe kwelakhinobagagik, ikhi lagi meneat he, hit hinambotkwe An noba wesu hinabirat welagebo.

MIKHA 7:13

Oba nen he, afuni nen weak kwanirek mene nek hilingiti logogun andiba re, kweang he amusu le'ma ungguloak enek hilingi'mo asigin.

MATIUS 15:14

Ineilenggen mum logoligat he, kwe lit haluk laga halok herakfisani o. At ekhe eilenggen mum mene nen, at ekhe a'nogo eilenggen mumat mene yagati logolik he, Kwe yi kwe lou o, iluk enggi fagaisogo waluk lagain halok he, emberegat foluksek i kalok wagane'ma pile hela pugun o,” iluk yagaisasikhe.

ROMA 11:25

Nerugwi nagaila'lak. Wene Allah endawimo welagarek wene yi hinonggot logogun andi, an nabit. Hit hinonggwaregen he: ”Nit wene ninelu o,” iluk fogerakhegep hanogo iluk he, wene yi yagahisak. It afuni Israel mene ekhe inendawinggen ningsek andi re, elama fagerat werego. Nen, hobuk it afuni endakwe mene kwi wesugun mene huli elok kwi wagaikha halok he,

ROMA 11:7

Halok he, niren wene ninggi'nogo ugun? It afuni Israel mene fano wene eisewerek asuogeluk ninghogo hilingiti lagaukwa meneat he, ebe eise agi'lek. We, it ekhe inebe endebat Allah nen wenaginafikhe mene halok fano wene eisewerek agu kwelegat he, inebe hokhokwe inendawinggen omamet fesikhe.

2 KORINTUS 4:4

A'nogo werek andi re, it afuni kweangma mene ineisena Iblis a'nogo nen inendawinggen Allah oba himbiret figi'lek mene andi, inendawinggen mumerinafikhemo werego. At Kristus Allah hanggeatma re, ebe fogeratarek wene, fano wene andi nen selegerinabugun meneat he, selegerinabinogo iluk, inendawinggen mumerinafikhemo werek andi.

2 PETRUS 1:9

A'nogo meneat he, it hit mene fena nen inobabut andi mene eise agi'lek logogun halok he, ineilenggen mumat afumak hangge salek werek. A'nogo logolik, iren he, ”Weak hilingiti lagagu mene, Allah nen sobalninafikhe,” iluk agarek meneat he, at oba inonggot a'luk werek andi.

1 YOHANES 2:11

A'nogo meneat he, ap sa nen erugwi agaila'lak abit welagarek halok he, at ebe o mum oba werego. A'nogo were'ma, mum en eilenggen mumetfikhemo ebe o mum oba nikhi logolik, ”Koma laga lagi heat,” onggot obakhe palek werego.

WAHYU 3:17

Hit he, hinelagaigat, hineilenggen mumat, hinalfulukwaat, logoligat he, nit ninebe inendawi hak mondok weagat welago, iluk futfigi'lek, hiren ikhi logolik: Nit he, ninebe ninonggwaregen kainet fakhogosik, yi mene ti mene ninelagaik agi'lek, nineilmo werek welago, iluk ikhi lagep andi.