ZEFANYA 1:16 - Allah Wene Fano Wene Hupla Inane

¹⁶ Lingge andi re trompet fut hugunem ane hangge it ap weim yafarek mene nen o kota leget pa'leget oba himbirogo wurikwe inom, helep esia'le uanhogo wurogo liabekwe inom, omanogo bene pin kwi lagunem he weim eindep ane mileti logogin.

ZEFANYA 1:16 ပူးပေါင်းရင်းမြစ်များ

YESAYA 27:13

Inenggi andi sambul he afuni Israel mene re o Asyur inom Mesir inom huginabi lagaikha mene omanogo sugulogo inambotkwe wesuageluk trombet ane hokho meneba futhogoin. It wesimbik he o Yerusalem punu horek mene a'nogoba ineindep awi yagaisogo Tuhan fogerasi wesugun.

YESAYA 32:14

O istana raja awi sili a'nogo herakfisamo re, o kota eroma anggiluk hilingi'mo omanogo re mondogat tiring-tereng igin. Afuni mondogat inareng legasugun. Punukwe inom afuni ineil welagaikharekwe legoma omanogo inom he sebelogo inenggi mondok-mondok faget kweang inom misik higiret fagain. Keledai maro mene omanogo inom domba inom he kwe andoma nikhi logolik engga ninggi logogun.

YESAYA 59:10

Nit he, ap ineilenggen humunik mene nen hakhogo yafak-tafak hilingitu welago, o lingge tulem hilingik kwelek oba nen he, hup tulem hakhogo niren tung-tungengge hilingiti lago, afuni ineluk mene inanggele'ma nen nit he warek higit welago.

YEREMIA 6:1

Yago, hit afuni Benyamin mene yi sani, o abel utara fikhiren enggin mene inom, obabut mondok weak mene inom ninoba feigiluk weri'lago andi nen he, hit he o Yerusalem herakfisaluk wulibi lani o! O Tekoa nen he trompet futhani, nen o Bet-Kerem oba andoma enegenggerogo iluk he endu hule liapni.

YEREMIA 8:16

Nit ninaselei mene re o kota Dan oba were'ma re, it inaggo kuda ane nguk eri'lago mene holhaluk he o kweang yoma mondogat oba inailo nek ari'lago. Ap ninaselei mene andi re nit ninanggweang inom, ninawi kota abirengge inom, afuni ninebe inom, mondogat weagerogo fouwogeluk weri'lagwi a'li o,” iluk ikhi lagaukwa.

YEHEZKIEL 7:7

Yago, hit afuni hinunggulenu kweang yiba welagep mene yoma, hit faget yi wene ti wene mondogat wurep oba asi waga. Yogondak he hiren o tomkwe nen mezbah oba warogo nolhi logolik hinagaiyegeti lagep mene omanogo ekhe werek lek, meneat he we inane nek sagal pagalhikhi logolik welagaikharek mene omanogo nek werek.

HOSEA 5:8

Hit ap Benyamin mene yi, weim yabi we'ni o! iluk inane humesu hak he, o Gibea nen pinggong ane hokho mene anethani o! O Rama nen e anggwe folelek mene anethani! Nen o Betel en he hinane ngai e'ni!

HOSEA 8:1

Tuhan nen ikhi logolik, ”Ap inaselei mene re sue kuri nen senggelherek engge senggeligiluk sebeli wagarek hak, An naiba omanogo it selei mene nen weim yabi weri'lagwingge re, weim waga iluk enek engge re trompet ane fu'ni o! An nagainafuri nen he An ninom wene watugu mene a'nogo taganhogo hilingitik, An nen yagaisikhi lagi mene omanogo sagalogo hilingitik, ili'lagwi andi.

YOEL 2:1

”Nineisena Tuhan awi wei igin a'nogo horogat asi wagama arat wei igiluk werek andi nen he, tom Sion fano hore'ma nineisena Allah ebe welagarek oba andoma nen pinggong hokho mene anet feni o. A'nogo anet fugunem, hit afuni o Yehuda welagep mene hinoagelekwe abolok igin.

AMOS 3:6

Afuni o kota welagaikharek mene, Weim werek, iluk inendawinggen wenggelogo pinggong anethugunem ina'manggen lagi'lek logou hak nogo a? Nen, Tuhan nen enggin-fenggin lakfei wagi'lemaat afuni o kota welagaikharek mene andoma weak mene andi inoba asi wesu hak nogo a?

HABAKUK 3:6

Hebe menlasi wagunem he, kweang abolok igik, heilenggen nayo hayo ugunem he, afuni inunggulenu lombok inoagelekwe leigetik, agarek. Tom isa attagaren etok mondok welagarek mene omanogo re sunuk-sanakhogo lobaget figik, punukwe inom, alokwe inom, o endamaren werek mene omanogo wolelenggenhogo legetfigik ikhi lagen, Hat o attagaren heisok filik-filik nikhi lagen kwe mondogat tamuk-tamakhogo lobaget figik, hilingiti lagen andi.

ULANGAN 28:52

O kota mondogat At hineisena Tuhan Allah nen wokhisikheba andoma hiren mondogat pin kwi wesumo re leget uwan-awan aleget mondok omamerogo wagane'ma hiren hinendawimo hambukhogo welagep mene andoma mondok meisalogo sagauk ikhi logogin.

YOSUA 6:20

A'nogo yagaisasikhemo, it ap Allah eisewerek mene nen inambinggong anethasukwa. A'nogo anethugunem ap Israel mene pinggong ane inesanggo holhukwasik he, inane ami'mit hokhorogo sup ugunem he, o kota Yerikho leget pa'leget wurik mene a'nogo mondok meisa'lambukhogo pisikhe. A'nogo hilinglagunem he, ap tentara Israel mene inebe mondogat inelokhe tukhum o kota a'nogo arat sebeli kwisukwa.