ZEFANYA 1:14 - Allah Wene Fano Wene Hupla Inane

¹⁴ Tuhan nen ayo wurogo unggum inoba fagain sambul a'nogore mondogat horogasi waga, eberogo nenat mondok horogasi waganggere weak-weagat wesigin. Linggene andi sambul he inendawimo alepale agarek mene andi mondogat hogoin enek, nen a'nogo hikhi logolik he it sikhe fisogo inap inobabut hibilik-hebelek inap oba nen ogore inendawimo mondogat weak asumo le hokhorogo asugun aro!

ZEFANYA 1:14 ပူးပေါင်းရင်းမြစ်များ

YESAYA 15:4

Afuni Hesybon mene inom Eleale mene inom he ngai-waiengge hilingitunem it inane re o Yahas andoma nen holhi logogun. It inane nen he ap sikhe anini meneba nen ogore inailo nek agunem, inoak leigeti logogun.

YESAYA 33:7

Ap inomame hokho logolik inailo lek welagaikharek mene re telninapni iluk inane kweti logogun, ap fano liokhogo logogun mene faget yonggo lakfisagarek mene omanogo re inendawimo weakhogo le aga logogun.

YESAYA 66:6

O kota andoma eindep ane ili'lagongge andi holini! Ane ekhe An nawi wuri'mo hore'ma omanogo nen ili'logo mene andi re An Tuhan nen naselei mene onggo unggum inoba fisugunem ane ili'logo andi!

YESAYA 8:22

pogot liakhigik kweangma pelakhigik hilingisugun oba nen he, amu mene ekhe hogoin lego, we yi enggin ti enggin inom sumburu ouwak agarek mene inom, o mum mene hilingi'mo inendawinggenmaet yegelik ikherek mene inom enek were'ma hikhi logogun o. A'nogo hikhi logolik were'ma hobuk it inebe o mumse'ma andoma hugisa lagain.

YEREMIA 25:36

Tuhan aniniba re hit hinunggulenu mene a'nogo mondogat leget hinobagagik, hit hinanggweang mondok fanore'ma a'nogo mondogat weaget fisigik iginmo re, hit he hinendawinggen heiselhik, le weakhogo agik, ikhi logoni o.

YEREMIA 30:7

Yago, linggene fulu polan mene a'nogo arat asi waga, linggene andi inom ekhe higirabesu elo'lek mene. It An nagainafuri nen he linggene andi re inendawinggen fit lasigin mene, oba nen it inebere An nen inagap telinabigin o,” ikhe.

YEREMIA 46:5

Oba nen An Tuhan nen isikhi lagimo re, it inabel fena-fena mondogat wesa polanhogo hilingirik wagunem he it omanogo inailo nen sugulogo wagunem isikhi lagi. Tentara it mene inomame legetfisugunem he ineilenggen inambotkwe yetlasi lagi'lek heise pugulik pagalik lili'lagwi.

YEREMIA 48:41

At awi kota inom, along palogo leget omamerogo waganek mene omanogo inom he aben hugul kugun, at agoromi tentara mene re hemi ineagwi takhouwogeluk hilingitarek hak inailo nen hilingiti logogun.

YEHEZKIEL 12:23

Andiba re, An Tuhan Lego Mondok welagirek mene a'nogo nen wene onggo ikhi lagi mene yi yagaisan o: Inane oba lirogo ili'lagwi andi re An nen leget fisamo re, Israel mene were'ma andoma nen inane andi mene ekhe ikhi logogun lek. Andi obali'mo re it inoba yi'nogoluk yagaisano, inenggi asigin oba andire arat asi waga, nen hobuk hilinglasigin iluk ili'lagwi mene andoma mondogat he tibigin enek.

YEHEZKIEL 7:12

O weak-weagat weri'lago, linggene re horogat asi waga! Ma re afuni mondogat he Allah nen unggum inoba fagainmo re, it onggo wanhu mene inom, hunitu mene inom he, inebe seberogoat ambisangma ekhe saburogoin lek.

YEHEZKIEL 7:16

Fena fikhit he ineluk asimbik heise tomkwe andoma lambik logogun, andoma it inebe re sue pel o tonggokwe andoma nen mukhigik wulaginafunem welagarek higit asimbik logogun. Andoma mondogat he it inonggwarek inaweak hilingiti logogun andiba ambisangma heinet wati logogun.

YOEL 1:15

O Tuhan awi mondok inali'liphogo hilingisigin oba a'nogo horogasi waga, At Omame Mondok Hokho mene a'nogo nen legetfisagain oba horogat asi waga.

YOEL 2:1

”Nineisena Tuhan awi wei igin a'nogo horogat asi wagama arat wei igiluk werek andi nen he, tom Sion fano hore'ma nineisena Allah ebe welagarek oba andoma nen pinggong hokho mene anet feni o. A'nogo anet fugunem, hit afuni o Yehuda welagep mene hinoagelekwe abolok igin.

YOEL 2:11

Nen at agoromi tentara omanogo inendawi wenggelogo iluk enegengge re Tuhan ane unggunggu ane hangge supuk ikherek. At agoromi ane hologo weim yafarek mene re inomame mondok hokho mene logolik, inebe esare inenggi wenasu mondok elo'lek. O Tuhan onggwarek awi wei igin andi re, mondok elalin wesa polan awi wei igin. Inenggi andi sambul andi re afuni nen inailo lekhogo hambuget haluk logou re elo'lek asigin o,” iluk yagaisasigi.

YOEL 2:31

O mo mum agik, tugi elokhonggen mep hangge hilinglagik, igin. A'nogo mondogat hilinglasigin andi re, An hineisena nawi esin inailo mene wei igin andi re, oan wei igi'lek werek kwelek attak-attak hilinglasigin.

YOEL 3:14

An Tuhan nawi tegelinabigin oba a'nogo weak-weagat asigiluk werek andi nen he, afuni inebe mondok hokhorogo inenggi wenasu elo'lek mene o wene inoba figik, kotik igin oba werego.

YOEL 3:16

Tuhan ebe andom Sion oba logolik, ane kwe igik, o Yerusalem logolik, ane unggunggu ane hangge pak igik, igin o. At ebe nen hilingitunem pogot kweang abolok igin. A'nogo abolok igin meneat he, nineisena Tuhan ebere At againafuri Israel mene inebikhit agik, awe a'ma fisaluk ferinarek welagik, igin.

AMOS 8:2

A'nogo higimo nen, Tuhan nen an yaganeti logolik, ”Amos. Nenamene heilenggen hegen?” iluk heinok wo'niikhemo, an nen he, ”Mul ugu misik meneba re enggen yugulik mene nek taganegengge kwalek were'ma higi o,” iluk yagatimo, Tuhan en yaganeti logolik he, ”E enggen wurik agunem palu higit agarek andi hak, afuni Israel mene an nen hilinginabigin mene horok agasik werego. Ma re, an nen hilinginabigiluk anggigi mene andi, sugulhi'lek, eberogo nenat wene arat inoba fagain o.

ZEFANYA 1:10

Tuhan nen ikhi logolik, ”Linggene andi sambul he, o enu Gerbang Ikan iluk enu salogo werek oba andoma nen le asugun mene inesanggo holugun. Nen, afuni le arik kugu mene re o sili ket halogo kugun oba andoma nen holugun, nen o wurik meisalhigik pugu mene abolok he mondok hokhorogo hilingitunem o tom-tomkwe andoma tung-tung ilaga logogin.

ZEFANYA 1:7

Tuhan nen he At againafuri omanogo afuni nen wam warogo foukhogo hilingitarek hak it hele warogo inoasigin iluk fik-fougeti logolik he, it Yehuda mene inaselei mene ogore inayonggo fikheat. Nen linggene Tuhan awi andi sambul hilingisigin oba andi re mondogat horogasi waga. Linggene andi sambul he At Allah ebe nenat hilingisigin enggere, At awe a'ma andoma hinabolok legat logoni.

MALEAKHI 4:5

Oba nen he linggene elalin awi An nen enogo fesigi mene andi oan wagi'lek werek kwelek he, An nen hit hinoba Allah ane yagahisikhi lagaikhe mene nabi Elia a'nogo lakfei wesigin.

KISAH PARA RASUL 2:20

An Tuhan Allah hokhorogo hilingitunem afuni nen foge'nafu kwelek wesigin andi sambul oan wagi'lek werek kwelek he, o mo elokhonggen hunogoat mum agik, tugi elokhonggen mep agik, andi tak hilinglasigin o.

FILIPI 4:5

Ninoe Enupogot a'nogo weak-weagat wesigin andi nen, afuni mondogaren hit hinebe fut hinobagauwageluk, hinobabut liokhogo hilingiti logoino o.

1 TESALONIKA 4:16

Ninoe Enupogot pogoroba nen pi wagunem he, it malaikat inoe kain mene ane hokhorogo igik, Allah ambinggong ane, futhugunem ane pak igik, ugunem, afuni Kristus inom hundik logolik wa'lari'lagwi mene tak inelugerinabigin.

IBRANI 12:26

Andi sambul, at Allah ane isikhe andiba kweang abologet fesikhe meneat he, yogondak, aren he, ”An hobuk yi'nogo hilingisigin,” iluk abok isikhe mene lisu yi'nogo palek werek: ”An hobuk misigam faget kweang yi nek abologet hagain fuk. Lego. Pogot inomat abologet hagain o,” iluk isikhemo lisu palek werek.

YAKOBUS 5:9

Nerugwi nagaila'lak. A'nogo nenangorogo logolik he, Allah nen wene hinoba feinogo iluk, hit-hit ikhi logolik, ”Nagailak ari obabut hilingiri'logo nabire,” iluk inabok palhi'lek logoino o. At Allah nenat wene afuni inoba figik, kotik, igin mene kwe ambeba horok asi waga andi yet hani!

2 PETRUS 2:3

It ap Allah ane yagaisagarek mene halok weinam asugun andi inobabut he, ”Nit enek wo'nisanik,” iluk agarek mene andi nen, hiren onggo wogisoageluk, wene inonggwarek inendawimo nen kagalogo ineranenat yagahisikhi logogun andi. A'nogo meneat he, it inobabut hilingiti logogun andiba, at Allah nen he, ”It andi wene inoba fembik inebe weagerinabigin,” iluk attagat endawimo tulemat anggasikhe fuk. Aninurogo welagi'lek weagerinabigin mene werego.