ZEFANYA 1:13 - Allah Wene Fano Wene Hupla Inane

¹³ It mene inangge yi mene ti mene re mondogat telogoin, nen it inawi wurik he mondogat wolelenggen isogoin. Ma re iren inawi wurikhi logogun oba nen inebe logogun lek, nen it ineabu anggur yabu helikhi logogun oba nen enggen iti logogin mene andoma re it ekhe ninggi logogun legaro,” iluk yagaisasikhe.

ZEFANYA 1:13 ပူးပေါင်းရင်းမြစ်များ

YESAYA 6:11

A'nogo yaganetemo an nen he, ”A'nogo nek hilingik werek kwelek huli ki huliba nen iren futfogoin nogo?” iluk heinok wokhigi.

YEREMIA 15:13

Tuhan nen an noba yaganeti logolik, ”An nen ap selei mene lakfisa wesumo re, it An nagainafuri nen o kweang yiba mondogat weak hilingiti lagaukwa mene andoma onggo re, inangge hokho pokhorogo fetaluk logolik werek mene andoma telambik hogouk eraluk logoin o.

YEREMIA 17:3

o kota abel endakwe tom oba omanogo inom obaget hilingisi lili'lagwi. Hiren o kweang yi bene mondogat kembu wurogo figik, yi weak ti weak mondok hokhorogo hilingitik ikhi lagep andiba re An nen it hinaselei mene nen hinangge yi mene ti mene inom, hinenggi werekhogo welagep mene andoma inom, felelenghogo helaluk loageluk it inenggiba fagain o.

YEREMIA 4:20

Enggin mene ekhe wagik ekhe wagik hilingiti logolik o kweang yi nogoba mondogat wolelenggenhogo weaget lari'logo. An nawi wurik a'nogo ferekhogoat weaget figik, su kain omanogo tilip talaphogo figik, hilingfisili'logo andi.

YEREMIA 4:7

Mene singga hou salek oba nen wulibi wagarek hak, it afuni inunggulenu lombok weaget inafarek inap a'nogo it Yehuda mene leget fisogoin iluk arat wulibi wagaikhasik weri'lagwi. O kota-kota it Yehuda nen mene andoma re mondogat sinukhogo lobaget fisamo afuni werek lek oba asigin.

YEREMIA 5:17

Iren hit hinanggweang oba nen enggen ugu andoma inom, hit hinangge nunggu mene inom legetfuluk he hinagainafuri pinggi inoasugunat. Hinanggo sapi, domba inom he iren warogoinat, hit hinagayo anggur yabu inom, arah yabu inom he iren wolelenggen isogoin. Hit hinaiba leget pa'leget omamerogo waganek mene re iren meisak langgukhogo lakfisogoin.

YEREMIA 9:11

An nen a'nogo ugunem he, Tuhan ane ikhi logolik, ”O Yerusalem meisa'lambukhogo hilingisogo figik, mene olomene enggama mene ebe hinago werek oba hangge hilingisogo figik, igin o. Nen, afuni Yehuda mene inawi kota mondogat he afuni inebe le'ma somung logouwageluk hilingisogo fagain aro,” iluk ikhe.

YEREMIA 9:19

Afuni tom Sion oba nen inane le aga logolik mel ili'lagwi: ”Eige, nit ninawi wurik mondogat meisa'lambukhogo potfisagama, o nit were'ma yoma herakfisogoin andi nen he, nit ninenggali hokhorogoat asimbik, ninebe mondok lek asugun higi o,” iluk le agunem inane anggungga holi'lagwi o.

RATAPAN 5:2

Nit ninagge ninalolegengge omanogo re ap amu mene inenggiba agaikha, nit ninawi wuri'mo re ap pok mene kwagasik werek.

YEHEZKIEL 22:31

Andiba re yogondak An nanini a'nogo it inoba fikhi lagi, nen iren weak hilingiri'lagwi mene andi ambisangma re endu nen legetfisikherek higit An nen it inebe legetfisagain. An Tuhan Lego Mondok welagirek mene a'nogo nen nane mondogat igi,” ikhe.

YEHEZKIEL 7:19

Emas inom perak inom he alalengge ebekhe kwe hugisagarek andi hak hugisamo logogin. Andi re linggene Tuhan nen mene anini inoba fisagain sambul andi re, it inangge emas, perak andoma nen inagap telinabigin lek, agaumhogo re it inonggwarek inaweak oba monogoisogo kwelakfisogoin. Iren he ina'mage lagaikherek mene omanogoba inoba homot fakhogoin iluk inom, nen inalabut ninghogo nogoin iluk inom, helogoin lek.

YEHEZKIEL 7:21

Tuhan nen unggulenu Israel meneba yagaisikhi logolik, ”An nen hit hinebe ap pok mene nen telogo wokhinarek loageluk neilenggen fagain. Ap kwanirogo hilingitarek mene andoma nen hit hinangge andoma telambik emerogo hilingfogoin.

YEHEZKIEL 7:24

Ap inunggulenu inanini mondogat weak mene re hit hinawi wuri'mo andoma kwi wesimbik logouwageluk An nen lakfisa wesigin. It ap inunggulenu andoma nen hiren wene kabogeti lagep oba omanogo mondok wolelenggenhogo fouwageluk An nen herakfisamo re ap hit mene inanini logolik hinebe hokhondek logogun meneba nen ogore inoak leigesugun.

AMOS 5:11

Hiren afuni inangge lek inelagaik mene sebelogo fisaluk, inamburu gandum he hinenggi abisak helikhi lagep. A'nogo hilingiti lagep andi nen, hit hinebe hinawi fano mondok wurikhi lagep oba andoma logogun mondok lego. Nen, hinagayo anggur awi hineabukwe yago mene andoma enggen amusu ninggi logogun mondok legaro.

MIKHA 3:12

Nen, hiren weak mondok hilingiti lagep andiba, o Sion oba yoma re, yabu wanharek andi hak hilingitik, nen o Yerusalem oba mondok meisak langgukhogo figik, nen punu o Tuhan awi wuri'mo yoma re, e alok-alok agayo ogoi hilingisogo figik, igin o.

MIKHA 6:15

Hiren hinangge gandum awi feik lakfikhi logogun oba nen he enggen palikhi logogun lek. Nen, hinagayo zaitun amusu keralikhi logogun oba nen he, i amusu ebe hit he ninggi logogun lek, nen hiren hinagayo anggur enggen perelikhi logogun oba nen he i anggur amusu andi ebe hit ninggi logogun legat.

ZEFANYA 1:9

Nen afuni An inonggot mene nen hilingitarek hakhogo An nobaget a'nogo hilingitarek mene inom, nen it inogogwi inailoba andoma yi mene ti mene hugul wanharek mene omanogoba hoporasugun iluk inangge hinatik, inebe inoatik, hilingitarek mene andoma re An nen unggum inoba fagain enego,” iluk ikhe.

ULANGAN 28:30

Nen hiren hineisena Tuhan Allah ane hologo hilingiti logogun lek halok he ero ariginik mene andi hinoba asi wesigin. Hiren hinagagwi helogoin iluk hinom lombolek werek kwelek it ekhe nen lisogo helikhi logogun. Hit hinaiba wuti logogun oba nen he hit hinonggwarek hinebe elonggoma logogun legat. Hiren e anggur awi yasugun oba nen he enggen hit ekhe nogoin legat.

ULANGAN 28:39

Nen hiren anggur yabumo e anggur awi yakfuluk puguneti logogun oba nen he kon nen e anggur yago omanogo nunggunem he, enggen ugu ekhe taganhi logogun mondok lek, nen amusu hinago ekhe ninggi logogun legat.

ULANGAN 28:51

It a'nogo waga logolik, hiren takhikhi lagep mene inom, hinanggweang oba nen enggen palikhi legep mene inom, legetfikhi logolik hit faget iluk gandum ogo, anggur agai ogo, zaitun amusu ogo, sapi, kambing, domba ogo, mondogat helamo re hit nele nen mondogat wa'lasugun o.