ZAKHARIA 9:9 - Allah Wene Fano Wene Hupla Inane

⁹ Hit afuni Sion mene yi sani, hinagaiyege'ni o! Hit afuni Yerusalem mene re hinanggiluge'ni! Hit hinoe raja re mondok along- palonghogo weri'lago a'li yethani! At ebe re raja mondok higithogo nek hilingiti logolik inagap telinaferek mene. Oba nen he, at endawinggen sebel fakhikhesik keledai eak oan mene amboroba hurek weri'lago a'li.

ZAKHARIA 9:9 ပူးပေါင်းရင်းမြစ်များ

1RAJA-RAJA 1:38

A'nogo yagatikhesik, ap imam Zadok inom, Allah ane yagaisikherek mene Natan inom, Yoyada amlogo Benaya inom, Daud ebe serogo welagaukwa mene inom, inomen Salomo ebe wam keledai Daud mene a'nogoba liakfesukwasik, at ebe attak lagu kwelek, it at ombo'ne i Gihon elesimo lagaukwa.

MAZMUR 149:2

Yago, hit Israel mene yi, hinebe elalhinafikhe mene andi faget hinagaiyege'ni, Nen hit afuni o Sion welagep mene yi re, hit hinoe raja andi faget hinanggilukhogo fogera'ni o!

MAZMUR 2:6

Aren ikhi logolik he, ”Ap an nen wenagaisogo figi mene a'nogo ebe raja logouwagaluk, nonggwarek nandom Sion Mondok Horek mene a'nogoba arat menfigi o,” iluk isikhe andi.

MAZMUR 45:1

Wuni it inunggulenu Korah mene nen inendawi hundik hilingiti logolik watu mene faget felalhukwa mene. Afuni nen wuni wulak fuluk inane seberogo ugunem yanggulinafu mene faget, unggut seberogo agarek wuni enu Bunga Bakung iluk ikhi lagaukwa.

YESAYA 12:6

Hit afuni o Sion oba welagep mene yoma sani, hinagaiyegeti logoni. Wuni hinagaiyek oba wati logoni. Israel mene ineisena Allah Mondok Horek mene andi re, Ombak-bak mondok werek, At ebe re hinanggele'ma werego, iluk wuni wati logogun.

YESAYA 30:6

Tuhan nen wam higit mene abel selatan fikhit weregengge andoma faget he yi'nogo uageluk ikhe, ”Ap yonggo lakfisagarek mene andoma nen keledai inom, unta inom amboloba re inangge yi mene ti mene inagaiyekhogo iluk wogisagarek mene omanogo liak fuluk waluk he o inailorekwe inom, nen kisu aik palinaferekwe inom singa werekwe inom, nen kisu racun mene werekwe inom naga agerabul werek mene werekwe inom, andoma logoin o. Laga logolik he hinagaiyekhogo iluk mene andoma re iren inunggulenu it leberisa elo'lek mene andoma inoba wogisa logoin.

YESAYA 33:22

It inangge kapal andi elonggolokwe werek mene andoma mondogat he hilingisu elo' lek enek asigin, su kapal oba sogoi faget wurilogo kwe palfikhi logogun lek! Nit ninaselei mene inangge andoma re niren telamo re mondok hokho pokhorogo hilingik logogin, andiba re, ap ineisok holurek mene ogore it mene elok helikhi logogunat. Tuhan ebeat nit ninobaget Raja logogin. Aren he melalninafik, wene melalek werek mene omamet figik, nit ninebe selei meneba nen telninafik, hilingisigin.

YESAYA 40:9

Tom uan mene ungguloba lagai lambik he, wene ebe mene o Yerusalem awene andi faget yagarisa lano o, hailo agi'lek hane hokhorogo kweti logolik wene fano wene andi o Sion faget yagaisano. It o kota-kota Yehuda ba andoma werek mene inoba yagaisikhi logolik he, Allah it ineisena re hobuk wesigin o, iluk yagaisano!

YESAYA 43:11

Hineisena Tuhan he An nami-namuat welagi o, An nebe lek logoumo nen he, ap ekhe mene nen hinagap telhinabugun mondok elo'lego.

YESAYA 45:21

Wene hit hinoba mene hinendawimo werek mene andoma weinama selekhogo nek fagesi we'ni o, hiren hinane seberogo masugun andi fano. Sa nen wene andi sagarik lagarek nogo, nen endamen engge yagaisikherek nogo? An Tuhan nen he, lek nogo a? ilah amu mene An ninom higit mene re ekhe werek lek. An he Allah katokhogo hilingitik, hinagap telhik, igirek mene welagi. An ninom higit mene re ekhe werek lek!

YESAYA 52:7

Ap yonggo lakfisugu mene wagunem ineilenggen eberogo nenat hambik he inagaiyek asugun, at wesigin he tom unggulkwe andoma yaning-haning wesigin. Aren he wene fano lioksek awene waluk wesigin, wene o Sion agap teligin mene faget waluk wesimbik yi'nogo igin, ”Hit hineisena Allah andi re Raja werego!” iluk yagaisagain.

YESAYA 57:15

Andi re At Allah Lego Mondok logolik Amu Horek were'ma, mondok-mondok faget Enu legeisogo fagarek mene a'nogo nen yi'nogo ikhe, ”An nebe re obalik mondok legoma hore'ma po'lima welagi o, oba nen he, ap inendawinggen sebelfakhaluk hilingitarek mene inom, inaweak faget inendawi warili'lagwi mene inom, inagaiyek lek were'ma ambotkwe inagaiyeget figik, inobakhe palek were'ma inelugerinafik igirego.

YESAYA 62:11

Tuhan en afuni o kweang wurep-wurep welagaikharek mene andoma inoba yagaisoageluk wene yi'nogo warogo fikhe, ”Afuni Sion werek mene inoba yi'nogo yagaisano, ’Tuhan hinagap teligin mene a'nogo weri'logo a'li hani! It afuni fikhalogo fisasikhe mene omanogo inom seberogo weri'lagwi a'li,’ iluk yagaisani,” ikhe o isikhe.

YEREMIA 30:9

Hit he An hineisena Tuhan Allah nobaget hilingiti logolik logogun, nen ap misik ekhe Daud ambisangmangge mene re An nen raja menfagain.

YEHEZKIEL 21:32

Hit hinebe re endu nen mondogat nagain. Hinamep he hinonggwarek hinanggweang oba andoma kweisalogo pigin, nen ap misigen ogo ekhe hit faget hinoba eberek logogun lek. Iluk An Tuhan en nane mondogat igi,” ikhe iluk yagaisano yaganete.

HOSEA 1:7

Oba nen he, An Tuhan, it ineisena Allah nen afuni Yehuda mene andi nendawirinabimbik telinabigin o. A'nogo meneat he, sikhe oba inom, karok oba inom, weim yafarek mene ekheba inom, ap tentara kuda ba lagaluk yafarek meneba inom, telinabigin lego,” iluk yaganete.

MIKHA 4:8

Hit afuni Yerusalem mene yi. Wam domba konhu welagaikharek andi hak, Allah nen againafuri o yoma werek mene halinafu were'ma re, o kota yoma attak enu lego welagaikhe andi hak, a'nogo hilingisogo fagain o.

MIKHA 5:2

Tuhan nen hobuk a'nogo hilinginabigin iluk, yogondak we elama ya it ninaselei mene nen fetninarek logolik yaganisikhi logouwageluk ninobagaikhemo logogun andi. A'nogo fetninarek logolik werek kwelek at raja andi agaisa nen tasigin iluk Allah nen anggasikhe higithogo ta'lagu halok, afuni at unggulenu mene hele warogo woginarek lagaukwa mene andoma re hobuk it inunggulenu Israel mene inom sebesi wesugun.

ZAKHARIA 2:10

Tuhan nen ikhi logolik, ”An he hit hinanggele'ma logogin enggere, afuni Yerusalem mene oma hinagaiyek oba wuni wa'ni o!”

MATIUS 1:21

Omalik andi ebe abat tasigin o. Tasumo re, aren oe agot weak hilingiri'lagwi mene korogo wokhambik telinabigin o, iluk enu Yesus salin o,” iluk yagatikhe.

MATIUS 11:29

An nasungge kwalek su a'le sakhore'ma re, fano kwalogo wokhisamo se weagat hogoin andi nen he, hinomoloba waluk, an nobabut enago logolik inawe a'ma hak welagirek a'nogo furogo yagaisilik nikhi logoino o. A'nogo nikhi logogun halok, hinendawinggen hambuk igin o,” iluk yagaisasikhe.

MATIUS 2:2

Wagaukwasik, iren he, mel isukwa: ”Afuni Yahudi mene inoe raja kain mene ta'lagasik werek a'naga, o ki ta'lagasik werek. Nit o mo yegelogo lagai wagare'ma andoma were'ma, ap kain andi ta'lagama iluk, hesagal ekhe weinam agama re, at andi ninendawinggen oba himbiret fuluk fogerasuogeluk hesagal andi nineilenggen nen waluk heinok wani wago,” iluk isukwa.

MARKUS 11:7

Herakfisasukwama re, wam keledai eak mene a'nogo Yesus oba waluk wagaukwasik he, inasu endakwe laberek mene nonggologo wam amboroba talogo fesukwama re, Yesus ebe wam amboroba hu'lagaikhe.

LUKAS 24:27

A'nogo yagaisasikhesik he, at onggwarek faget Musa nen lisu palhikhe mene omanogo huli nen pikhit he, it ap Allah ane yagaisikhi lagaukwa mene nen lisu palhukwa omanogo mondogat furogo pilingisogo yagaisasikhe.

YOHANES 1:49

At Nataniel en he, mel yagatikhe: ”Noe. Allah amlogo nit Israel mene ninoe kain Henupogot he, harat hiigi o,” iluk yagatikhe.

YOHANES 19:15

iren inane ninghogo paksilak ikhi logolik he, ”Ebe wa'no! Wa'no! Eba menfembik wa'no o!” isukwama, at Pilatus nen he, mel yagaisasikhe: ”An nen hit hinoe Enupogot yi eba menfembik wasuak anggikhi lagep?” iluk yagaisasikhemo, it ap Allah eisewerek inogogwi kaindegen he, mel yagatukwa: ”Nit ninoe enupogot ekhe lek. We, Kaisar alegaro,” iluk yagatukwama,

HAKIM–HAKIM 10:4

At amlogomi ap mene re inebe 30 nen welagaukwa, nen it inanggo keledai amboloba hu'la'luk lagaikharek mene lambukhogo re 30 nenat welagaikhe. O sili andoma re at Yair awi sili ikhi lagaukwa.