ZAKHARIA 9:7 - Allah Wene Fano Wene Hupla Inane

⁷ Iren wam amep werek mene inom, na fuk iluk ili werek mene inom ninggi logogun lek. Afuni longgo imbik logogun menere An nagainafuri mene asumo it he Yehuda mene inom seberogo fisamo logogun. It Ekron mene re it Yebus inap o attak hilingik welagaukwa hakhogo re, An nagainafuri mene asugun.

ZAKHARIA 9:7 ပူးပေါင်းရင်းမြစ်များ

1 TAWARIKH 1:14

At Kanaan andi re it Yebusi inap inom Amori inap inom, Girgasi inap inom,

1 TAWARIKH 21:15

Andi nen he, Tuhan en malaikat ekhe o Yerusalem legatfisa loageluk lakfei wagaikhe. Oba nen he, at malaikat a'nogo hun Arauna awi Yebus agun a'nogo nen gandum enggen kigilhi lagaikheba aremnogo asi wagaikhe hak he Tuhan ane isikhe mene a'nogo hebekhogo yagati logolik he, Arat, inoatun o,” iluk yagatikhe.

MAZMUR 3:7

It afuni an naselei mene inebe mondok hokho pokhorogo logolik, nabel fena-fena inom nambotkwe nen inom maserogo kwelaknabi weri'lagwi oba nen he, an nen it faget nailorinafi lagi mondok lego.

MAZMUR 58:6

ap hareise mondok hibilik hebelek inap omanogo inane ogo, athe it heinogenggeba hakhogo weneane mati logolik agarek mene ogore inane esanggo holherek lek a'nogo hak werek.

YESAYA 65:4

O hubanggo re iren oumokwe inom, ap warek salinafarekwe omanogo inom, ap heimengge nen wene ane yaganisoageluk kinosi lili'lagwi. Iren he wam eino ninggik, nen eino emerek mene isago omanogo amusu ninggik ili'lagwi.

YEREMIA 48:47

Oba nen hobugen he An nen o Moab kweang oba andoma halogo fisagain o. Iluk An Tuhan nen nane mondogat igi!” ikhe. At Tuhan nen Moab oba hilingfagain mene re a'nogo andi.

YEREMIA 49:39

Oba nen hobugen enek he it Elam mene andi re An nen halogo fisagain o. Iluk An Tuhan nen nane mondogat igi,” ikhe.

YEREMIA 49:6

Oba nen hobugen enek he afuni Amon mene inebe werek aple faget An nen halogo fisagain o. Iluk An Tuhan nen nane mondogat igi,” ikhe.

AMOS 3:12

Ap gembala misik ekhe anggo domba mene singa nen senggelhunem, oak pire sanoksek hea, esanggo tilipsek hea, nek heratarek hak, afuni Samaria mene inagaiyekhogo inebe nogoli'lagwikwe mondok fano meneba yinggilogo werek mene andoma re, we inebe endebat enek telinabumo re ineluk logogun o,” iluk ikhe.

ZAKHARIA 8:23

Inenggi andem oba re, ap pok mene inebe nomolo nen mene re ap Yahudi mene misik ekhe ambit wesimbik oba yagati logolik, ’Nit ninesanggo holhunemen he, hit he hineisena Allah nen fanot hinobagali'lago ugunem holhi lago o, andi nen he, nirogo a'nogo hilingninobagaumo ambisangma enggen ugu helikhi logoilo, iluk anggikhi lago,’ ikhi logogun,” iluk Tuhan Omame Mondok Hokho mene a'nogo ane yaganetunem holhi.

ZAKHARIA 9:6

O Asdod andoma re it ekhe inunggulenu amu-amu mene inom nanggelek-hanggelek logogun. An Tuhan nen ikhi logolik, ”It Filistin inap mondok winik-wonok ili'lagwi mene andi re An nen inebe mondogat inoasigin.

ZAKHARIA 9:8

An nen nanggweang faget kagalek logolik, it ap pok mene esa logalek kwe andi kwe nen lagu mene re inanggwe palhi logogin. An nen it ap inenggi omameba sebelinarek werek mene andoma An nagainafuri mene hobuk weaget fisanogoluk hilinginabigin lek. Andi re, it enggin-fenggin hili'lagwi mene An neilenggen mondogat isikhi lagi andi nen hilingisigin,” iluk ikhe.

GALATIA 3:28

Wanhigipsik, hobugen he, hit mondogat he, Kristus Yesus hinom hundik logolik hinebe misigat mene welagep andi nen he, hit fena Yahudi mene, fena Yunani mene igik, fena inamingmingengge mene, fena inale'ma mene igik, fena hemi, fena ap igik, ikhi logogun lek.