ZAKHARIA 9:3 - Allah Wene Fano Wene Hupla Inane

³ It Tirus inaben he, inonggwarek faget o nendawi hambuk faget leget haning leget esi a'le ninghogo wanhik, emas, perak inom he we onggo sebelegengge hakhogo ilingage bene inom, fesi ebekhe kwe welagarek mene andoma bene inom andogorogo fakhaga mene were'ma higi.

ZAKHARIA 9:3 ပူးပေါင်းရင်းမြစ်များ

2 SAMUEL 24:7

Andoma nen it inebe mo liabi wagarek fikhiren he pelabek o Tirus kota leget pa'leget mondok omamerogo wagane'ma andoma fikhit lagaukwa. Andoma nen he it o kota afuni Hewi mene inawilokwe inom, it Kanaan mene inawilokwe inom ya kwigik ta kwigik laga lagaukwasik wurep kobokhogo re o Yehuda abel a'makwe selatan fikhit andoma nen o Bersyeba fikhit andoma lagaukwa.

1RAJA-RAJA 10:21

Afuni at Salomo welagaikhe andem oba re, perak onggo sebelek anggikhi lagaukwa andi nen he, yi iwak ti iwak Salomo agai ninggi lagaikhe mene mondogat inom, o wurik enu, ”Libanon Enggama,” iluk salhukwa mene wurik andi elonggoma yi mene ti mene hilingitikhe mene andoma mondogat he, ebe emas fano meneba mondok hilingitikhe.

1RAJA-RAJA 10:27

At Salomo nen afuni Israel mene ferinarek logolik, yi mene ti mene kigilhi lagaikhe andiba, o Yerusalem andoma, perak andi re, we, helep hangge hokhorogo hilinglagik, nen e wombi hangge enu cemara Libanon mene andi, e weagayo mene tom oba welagarek mene hangge, mondok hokhorogo sik-pik igik, isikhe.

AYUB 22:24

Hat hangge emas eil mondok wurik fano mene andi re hugisano, i ebe yenggelek lek meneba mali'ma pelak fisano o.

AYUB 27:16

Aben angge perak andoma kabok-kabok engge kabogerik lagagik, asu sap-sabengge kabogetik, hilingiti logogin andi re fano,

AYUB 3:15

athe ap raja inamlogomi nen inailoba perak inom, emas inom, mondok pete tunghogo hilingfuluk werek andoma hakhogo nabolok lek nogokhi logolik logouwem.

YESAYA 23:11

Tuhan enggi i laut agumkwe pisarogo lakfikhesik he, o kerajaan omanogo mondogat enggimo yinggilogo wanhemo werek. Nen Aren o Funisia leget pak waganek mene omanogo meisa'lambukhogo leget fisoageluk wene mondogat tekhogo fikhe.

YESAYA 23:8

Yi mene ti mene onggo heligik, saburigik hilingirik nikharek mene andi re ap kaindek inenuwerek andi re lek nogo a? Tirus kota omame mondok hokho werek aiba ari re sa nen leget fisagain iluk wene kagalhe nogo?

YEHEZKIEL 26:12

Hinaselei mene andoma nen he hangge henggi werekhogo fetaluk welagen mene andoma inom, onggo wanhu mene faget fisogo welagen mene andoma inom, telogoin. Iren he hat haleget pa'leget waganek mene inom, hawi femhogo wurik mene inom, meisalogo lakfisogoin. Arigin fuluk iren he helep omanogo inom, e inom, kweang inom mondogat waluk lambik i laut agumo hugesi logoin.

YEHEZKIEL 27:27

Hangge mondogat onggo faget waluk lagain mene andoma inom hagainafuri laut oba nikharek inap omanogo inagoromi inom, ap e meneba wutu inelu inap omanogo inom, ap onggo paluogeluk yikwe tikwe lagaikharek inap omanogo inom, ap sikhe fisogo inap kapal andiba werek mene andoma inebe lombok inom, linggene hat hebe i agumo ubuk igin sambul andi re it mondogat andoma ogo i agumo ubuk ugunat.

YEHEZKIEL 27:33

Ekhe sambul hat i agum ambolebene lagagik pigik lagunem, haren sungge hokhorogo kwalfuluk, it inunggulenu ekhe mene ekhe mene inangge inelagaik mene omanogo inenggi werekhogo hilingfisigik, nen raja-raja o kweangma mondogat omanogo ogore haren inenggi werek hilingfisigik isigin.

YEHEZKIEL 27:34

Yogondak yi hat he mondogat ubukhogo pegen, laut a'ma ma'lima wolelenggenhogo lek agen. Hagainafuri inom hangge mondogat kwelabek engge omanogo honggwarek hebe hinom seberogo laut ele'ma nen longgo egen andi o,” ikhi logogun.

YEHEZKIEL 28:1

Tuhan ane an noba yaganeti logolik:

AMOS 1:9

Tuhan nen ikhi logolik he, ”It afuni o Tirus inap he hundik-handik weagenek hilingitu weregen he, eberogo An nen unggum wogisagain o. Iren he, afuni inunggulenu misik mene ekhe hele warinarek lagaukwasik he afuni Edom mene inoba wogisasukwa, iren he wene inom inane misik wata mene a'nogo taganhogo hilingita andi.

YOSUA 19:29

Andemen huli-huli hilingik mene a'nogo haningisogo re o Rama nen hiling-hiling o kota Tirus, (o kota andi re leget waganogo kwelabek mene) andoma huli. Andoma nen he huli-hulimo hilingik mene a'nogo haningisogo re o Hosaba nen wurep he i Laut Tengah huli hilingik. Huli-huli werek mene andoma elonggoma re o Mahalab inom Akhzib inom,