ZAKHARIA 9:17 - Allah Wene Fano Wene Hupla Inane

¹⁷ An Tuhan nanggweang andi re, ibi ebema elokhe mondok fanore'ma hilingik logogin, Andoma re, anggur inom, gandum inom, hokhorogo legeisogo fikherek hak, it ap sogwe inom, helime silerik inom inomamet fisikhi logogin,” Iluk ugunem holhi o.

ZAKHARIA 9:17 ပူးပေါင်းရင်းမြစ်များ

MAZMUR 144:12

Nit ninagainafuri ap mene andoma re, it inebe souge oba nenat awi yak fugunem hokho agarek higit hilinglasuak. Nen nit nina'logomi andoma re e hun raja ailoba, unggut kwe hesesengge wokhigik liabek mene andoma hakhogo hilinglasuak.

MAZMUR 145:7

Hobabut fano nen hilingitendek awene andi faget afuni nen tindelogo yagaisilik laga logogun. Higithogo hilingitendek awene andi faget a'mit suphogo wuni wati logogun.

MAZMUR 27:4

An nen wene misik ekhe neisena Tuhan kino yagahesik. An namolo re ebe yi'nogo. An neluk logolik oba re, ”Haren fanorogo nek hilingnafunem hobabut enek hugu welagik, nen wo'narek nikhi logoinogen iluk kino yagahetu welagik, ikhi logolik he, neisena Tuhan haiba andoma nabolok lek logoiyogen, iluk yagaheti o.

MAZMUR 31:19

Afuni higithogo hilingiri'lagwi mene faget, iren foget fakhikhi logolik inobabut haferogo wene pali'lagwi mene andoma inambe to'mot fisan o.

MAZMUR 36:7

Haren higithogo nek hilingninobagakhi lagen mene andi re tom unggul uan mene wolonghogo liabek andi higit werek, nen Haren hawene melalek werek mene andi re i laut unggut uanhogo yenggelek andi higit werek, afuni inom yi mene ti mene lebeterek mene andoma inom mondogat he Harenat halinafu mandok welagen.

MAZMUR 45:2

An nane pugun paganhogo nendawimo nen lagai wagunem ikhi lagi mene andoma re, at raja faget ikhi lagi o. Ap wuni kogalek awuni felalhi lagaukwa mene mondok inendawi kagalek mene nen lisu palu hak, an namelinggen oba nen kogalek awuni nek foukhogo welagi o.

MAZMUR 50:2

O kota Sion mondok fani-fanore'ma omanogo nen, At Allah aselek ombak-bak oba weinam asi weri'lago.

MAZMUR 86:15

Oba nen he, neisena Tuhan Allah, Hat he hendawi hundik ninafik, hendawirogo welagik, hendawi hundik mondok welagik, tiphogo nek hilingninobagagik, hobabut sebelek oba hilingninobagagik, ikhi lagen.

MAZMUR 86:5

Tuhan neisena, Hat he fano mene logolik afuni inaweak sebelogo leget fisageluk he hamolo welagen, It afuni Hat hoba samban ugu welagaikharek mene inoba re, Haren hendawi hundik mondok hokho meneba hilingninapluk he ekhe inom oba heilarogo hendawirinafu mondok welagen.

MAZMUR 90:17

Tuhan Allah nit neisena. Nit nineabu hilingiti lago mene andoma ambisangma enggen fanorogo nek i'lagunem hikhi logogun nen he, Haren fanot ninobagakhi logoino o, neisena,” iluk Allah ayonggo fesikhe.

KELUARAN 15:11

Afuni ekhe inawesa meneba himbirik welagaikharek andi hangge, Hat he andi hinom he higitsek lek, Hat hamunek tegelek mondok were'ma fogethafarek. Hebe futfagauwageluk elalin mene hokho hilingiten andi hak, Sa hagen a'nogo hilingisu hak nogo?

KIDUNG AGUNG 5:10

An nendawi hundik mene andi re ap inebe sepuluh ribu mene inanggele'ma nen arenek he ebe fano mondok logolik hibilik-hebelek mene werek.

KIDUNG AGUNG 7:9

Hambe re anggur agai enduk mit-mirengge andi hak hilingik welagen! Anggur agai andi anggwe halogore an nendawinggen hundik mene andi oba palfigi'lek lagu mondok logouwak, A'nogo laga logolik ap nogogarek mene inoba mene ogore it inebeba inamol-mol enek asi laga logouwak.

YESAYA 33:17

Hobuk higit asi wesigin oba re o kweang wurep-wurep unggut uan tiagansek mene ariba mondogat he ap raja misik ekhe nen mondok anggilukhogo melalinafunem hineilenggen hogoin o.

YESAYA 63:15

Tuhan neisena. Hat hebe pogoroba obalik mondok fano hore'ma ombak-bak eterek oba andoma nen heilenggen pela'nisame o. Hendawi nen hendawinggen waraluk homamerogoat lebetninafendek mene a'nogo koma lagama? Hendawinggenma abolok ugunem, hilingninafi lagen mene a'nogo inom hendawi nisaluk hilingninafi lagen mene a'nogo inom koma lagama? Andoma nit ninoba nen elele waganogo fisogo logou ugo.

YESAYA 63:7

At Tuhan obabut fano nen nit Israel mene abit agi'lek endawitninafu mondok logolik, yi mene ti mene oba heilarogo wogisagarek hak, fanot ninaferek andi nen, an nen Allah nit ninebe endawitninafu mondok welagarek mene andi faget, it ekhe yagaisigik, nit ninobaget hokhorogo hilingiterek mene andi faget At fogeratik, igin o.

YEREMIA 31:12

It he punu Sion oba waga logolik, An nen gandum inom, amusu inom, anggur inom, sapi inom domba inom, wogisagain mene andoma faget inelokhe heanerogo waga logolik inagaiyek oba wuni warik wesugun. It inebere yabu i amusu werekwe hilingik welagarek hakhogo hilingik logolik, iren yi mene ti mene inelokhoma werekhogo nek logogun.

YEREMIA 31:14

It imam he An nen sik-pikhogo hilingfisugu meneba inoba homot fisikhi logogin, nen it An nagainafuri re An nen fanorogo halinafuba inomamerogo logogun. Iluk An Tuhan nen igi o,” ikhe.

YOEL 2:26

Hit hobuk he hinamburu oba heilarogo hinalabut ninghogo ninggi logogun. An hineisena Tuhan Allah nen hit faget elalin mene hokhorogo hilingisigin andi nen he An fogetnafi logogun. Afuni ekhe nen nagainafuri inane asegen waganogo hina'malolo kwelakhinafi lagaikha a'nogo re, hobuk andi higit ekhe yagahisikhi logogun mondok lego.

YOEL 3:18

O andem sambul tomkwe andoma mondogat he, anggur enggen amusu hokhorogo hilinglagik, Inanggo takhikhi logogun mene re punukwe engga muli fano mene andoma ninggi logogun. I afuni Yehuda mene werekwe lagarek mene andoma re firitok ikhi logogin mondok lek. Nen, i elesi ekhe Tuhan awi wuri'mo nen wulibisogo o Akasia tonggokwe andoma laga logolik kweang fano sakhorarik laga logogin.

YOHANES 1:14

Ebe wene a'nogo abat agaikhesik ninomat welagagu. Ninomat logolik he, at ebe andi Allah amlogo misigat tago andi nen he, fogeratarek mene nineilenggen hasugu o. At obabut fano nen, fanorogo hilingninafik, wene ebe wene yaganisigik, ugu mondok were'ma nineilenggen hasugu.

YOHANES 3:16

Yi afuni ti afuni Allah endawi mondogen inendawinggen an noba eberogoat himbiret fogoin mene halok enek, inebe lombok wa'la'luk he, nongagi'lek ineluk mondok logouwageluk, At amlogo an nebe misigat tago mene wogisasikhe.

ROMA 5:20

Mene re, at ekhe weak hilingitikhesik oba Allah ane sebelogo weak hilingitarek mene enggin asuageluk, Allah nen wene komotninafikhe wene hobuk wo'nisasikhe. Weak hilingitarek andi wialarik lagu kwelegat he, Allah obabut fano nen endawitninaferek andi, yi mene ti mene oba heilarogo nenggarek hak, endawitninafunem hokhorogo wialarik lagarek andi.

ROMA 5:8

A'nogo meneat he, at Allah ninebe endawi nen hilingiterek andi enegat asuageluk, nit weak hilingitu were'ma, Kristus ebe wo'nisasikhemo ninobali'mo wa'lagaikhe andi.